حجز الطيران
هذه الصفحة خاصة بحجز تذاكر الطيران الحقيقي للسفر , اذا كنت تريد صفحة حجز الطيران الوهمي الخاص السفارة فهي هنا
=================================================
القاعدة الأولي في عالم حجز الطيران , أنه لا توجد اسعار ثابتة او موحدة لتذاكر الطيران , فالسعر يختلف من شهر لشهر , و من شركة لشركة , ومن موسم لموسم , فعليك دائما أن تقوم بالبحث في جميع مواقع الطيران للبحث عن السعر المناسب
القاعدة الثانية , أنه يفضل أن تقوم بنفسك بالحجز , وليس عن طريق أحد شركات السياحة , فهذا يجعلك تقوم باختيار افضل الاسعار دون دفع اي عمولة اضافية , بالاضافة الي حرية اختيار المواعيد المناسبة لك
و لكي تحجز بنفسك , عليك أن تقوم باستخراج ما يسمي كريديت كارد Credit Card وهو كارت الشراء عبر الانترنت , ولا تخشي شيئا , فهو آمن تماما إن أحسنت التصرف معه , وتقوم أغلب البنوك المصرية باستخراجه لك مجانا او برسوم بسيطة , وهنا تفاصيل اضافية عن كيفية استخراج كريديت كارد . .
إذا كان لديك كريديت كارد , فيمكن ببساطة أن تحجز عبر اي موقع تريده , مثل موقع سكاي سكانر , او بيجاسوس او مصر للطيران , او الطيران التركي , او طيران النيل و غيرهم
و بيجاسوس لديها رحلة اربع ايام اسبوعيا من مطاري الغردقة و شرم الشيخ الي مطار صبيحة التركي باسطنبول, , بينما النيل للطيران لديه ثلاث رحلات اسبوعيا من القاهرة لمطار صبيحة , أما الطيران التركي و مصر للطيران , فدليهما معا خمس رحلات يوميا من القاهرة لمطار اتاتورك باسطنبول
والتعامل مع جميع تلك المواقع بسيط , ويحتاج للغة انجليزية بسيطة و بعضها باللغة العربية, ويمكنك من خلاله حجز تذكرتك بالكامل
و ننقل هنا بوست تفصيلي عن كيفية حجز التذاكر من موقع بيجاسوس
============================================================
ازاي نحجز علي طيران بيجاسوس ؟
شركة طيران بيجاسوس ميزتها انها عاملة رحلات بارقام اقل بكتير من مصر للطيران والخطوط التركية , بس في نفس الوقت ليها برضه مجموعة من العيوب اللي لازم نعرفها
أولا ان ملهومش طيران من القاهرة او اسكندرية , رحلاتهم بس من الغردقة وشرم الشيخ
كمان مش بينزلوا مطار اتاتورك لكن مطار صبيحة اللي في الجزء الأسيوي من اسطنبول
زائد ان عندهم تضييق شوية في موضوع الوزن ,يعني الحجز الاساسي بيديلك 20 كيلو , ولو عندك وزن زيادة يا اما تعمل وزن زيادة اثناء حجز التذكرة بمصاريف اكتر شوية يا اما تدفع غرامة ساعة السفر
وأخيرا ان ملهمش مكتب في مصر, يعني عشان تحجز يا اما يكون عندك كريديت كارد يا اما حد يحجزلك من اي مكتب سياحة في تركيا او انت تحجز من شركة سياحة في مصر بمصاريف اعلي شوية
لكن بالرغم من الحاجات ديه كلها ففرق السعر بيخلي الواحد يتشجع انه يحجز عليها , احيانا فرق السعر بيزيد عن الف جنيه للتذكرة الواحدة
هنا هنعرف ازاي نحجز تذكرة من بيجاسوس علي موقعهم , بس بشرط يكون معاك كريديت كارد
===============================
أولا ادخل علي الموقع بتاعهم ده
لو هتحجز من مصر فعندك مطار شرم او الغردقة , يفضل بشكل عام تروح علي الغردقة عشان متروحش سيناء وتعدي نفق الشهيد والقلق اللي عليه , لو عايز الغردقة افتح القايمة فوق علي الشمال واختار
Hurghada
ولو هتسافر من شرم اختار
Sharm El-Sheikh
من القايمة اللي تحتها اختار مطار صبحية واسمه في القايمة
Istanbul - S.Gokcen
ولو انت حاجز نزول من تركيا لمصر يبقي طبعا تختار العكس , صبيحة فوق والغردقة او شرم تحت
بعدها اختار الرحلة رايح جاي لو انت مسافر تركيا ومش معاك اقامة
Round trip
بعدها اختار مواعيد السفر رايح وجاي من القايمتين اللي عندك
وخد بالك من حاجة , بيجاسوس ملهاش رحلات يومية من الغردقة وشرم لتركيا , لكن بايام معينة
بعدها اكتب عدد المسافرين في القوائم اللي تحتها , حسب السن , لو كلهم فوق الـ 12 سنة يبقي اختار من القايمة اللي علي الشمال العدد , ولو انت لوحدك سيب رقم 1 زي ما هو
واخيرا اعمل علامة صح علي السؤال ده
Are your travel dates flexible?
في حالة انك مش فارق معاك تواريخ السفر كتير عشان يشوفلك لو فيه ارخص في ايام قريبة , وبعدها دوس "استمر"
===============================
الصفحة اللي بعدها هيجيبلك اسعار التذاكر للرحلات خلال اسبوعين من التاريخ اللي انت حددته , عشان تشوف ايه افضل اسعار ليك , وهيقولك ايام ايه في رحلات وايام ايه مفيهاش وكل رحلة بكام
فانت من القايمة الأولي اختار اليوم المناسب ليك حسب السعر , وانزل تحت اختار اليوم المناسب للرجوع
بعدها دوس علي الزرار الأخضر
List Flights
===============================
وقتها هتظهر صفحة فيها مواعيد الرحلات واسعارها , لو عايز اختار الـ
ESSENTIALS
عشان بتكون من غير اي زيادة , ونفس الموضوع اعمله تحت في رحلة الرجوع
اول ما تختار الرحلة فوق وتحت هيبدأ علي اليمين يجيبلك السعر النهائي للتذكرة , هتلقي ان سعر التذكرة عبارة عن مجموع رحلة الذهاب والعودة مضاف اليها رسوم خدمات وحاجات زي كدة , ولو العملة طالعة بالليرة التركية , اختار من القايمة اللي تحت السعر علي طول الدولار الأمريكي وهو هيحولها فورا
بعدها دوس علي الزرار الأحمر "استمر"
===============================
الصفحة ديه هيعرضلك اولا تفاصيل رحلة الذهاب والعودة ومواعيدهم , بعدها تحت شوية هيبدأ يعرض
عليك خدمات اضافية باسعار اضافية طبعا
يعني في اول خانة هيقولك احجز الكرسي بتاعك في الطيارة , لو دوست علي اي كرسي هتلاقي سعر التذكرة زاد , فلو عايز كبر دماغك ومتدوسش علي حاجة
تحتها بشوية هيقولك لو عايز وجبة في الطيارة , عشان اصلا بيجاسوس مفيهاش وجبة , فهيقولك فيه وجبة بتمن كذا , نفس الموضوع لو عايز تريح دماغك متدوسش علي حاجة
تحتها علي طول الوزن , هيقولك الوزن المسموح بيه 20 كيلو بس , ولو عندك زيادة اختار من دلوقتي , فلو انت شنطك اكتر من 20 كيلو , اختار عندك زيادة قد ايه , وكل 5 كيلو بـ 30 ليرة, ولو معندكش وزن زيادة سيبها من غير ما تلمسها
تحت خالص دوس علي الزرار الأحمر
Continue without Pegasus Plus login
هيطلعلك ساعتها رسالة تاكيد , هل متأكد انك مش عايز وجبة ولا شنط زيادة , اختار الزرار الأخضر
Continue
===============================
هنا بقي نيجي لأهم صفحة واللي لازم نركز فيها , وهي إدخال البيانات , واللي فيها لازم نملي البيانات بشكل دقيق ومن غير اي غلطة
الاول نبدأ من مربع
Passenger Information
نبدأ من علي الشمال خالص انك تختار
Mr
لو المسافر ذكر أو تختار
Mrs\Ms
لو المسافرة انثي
بعدها تروح علي خانة الاسم , وفيها تدخل اسمك الأول بس , ونفس الحروف زي ما موجود في الباسبور
روح بعدها علي الخانة اللي علي اليمين اللي اسمها
Surname
وفيها تدخل اسم اللقب اللي هو آخر اسم في جواز السفر عندك
تحت خانة اللقب هتلاقي خانة تاريخ الميلاد دخلها
وسيب الخانتين اللي اسمهم
Pegasus Plus Member No
Turkish Citizenship No:
متكتبش فيهم حاجة
===============================
انزل تحت شوية وروح علي مربع
Contact Details
هتلاقي ان الاسم الاول والاخير اتعمل نفس اللي انت كتبته فوق , فانزل علي خانة الـ
Country
واختار انت قاعد فين دلوقتي , لو في مصر اختارها من القايمة
هتلاقي علي يمينك خانة المدينة , اكتب اي حاجة , طالما مش عليها علامة النجمة الحمراء فهي مش ضرورية للموقع
هتلاقي تحت خانة الموبايل واكتب رقم موبايلك في مصر لو انت في مصر , المربع الاول علي الشمال اكتب فيه 20 , المربع اللي علي يمينه اكتب فيه 10 او 11 او 12 او 16 و هكذا , والمربع اللي علي يمينه كمل باقي موبايلك , لو لأي سبب الموقع استغبي ومرضيش , ساعتها اكتب اي رقم تركي , المربع الاول علي الشمال اكتب فيه 90 , المربع اللي علي يمينه اكتب فيه 53 , والمربع اللي علي يمينه اكتب اي 8 ارقام , كدة كدة رقم الموبايل مش هيعمل معاك حاجة في الحجز
هتلاقي علي يمين خانة الموبايل الايميل , لازم تكتب ايميل عشان يبعتلك عليك التذكرة ملف بي دي اف , اوعي تكتب ايميل مش عارف تفتحه ولا تكتب اي حروف وخلاص
هتلاقي تحت علي طول فيه سؤال
I want to receive my Reservation Information via SMS message. (1 SMS will be charged as 6.21 TRY)
شيل علامة الصح من عليهه ومتكتبش حاجة في رقم الموبايل ده , مش هتعمل بيها حاجة
بعدها سيبك من الزرار الأصفر , وروح علي الزرار الأخضر
Continue to Payment
ودوس عليه
===============================
هيطلعلك رسالة ان البيانات ديه مش هينفع تتغير واتاكد منها وبتاع , قوله اوكي
ديه بقي الصفحة الأخيرة , بيقولك السعر النهائي للتذكرة كذا وعايز تدفع ازاي , لو معاك كريديت اختار الاختيار الأول
Payment by Credit Card
ساعتها هتظهر المربعات اللي فيها بيانات الكريديت بتاعك , وهي كالتالي :
اول خانة الـ
Payment
سيبها زي ما هي
تاني خانة الـ
Credit Card Type
ومنها شوف اسم البنك بتاعك موجود في القايمة ولا لأ , لو مش موجود فاختار الاختيار قبل الأخير اللي اسمه
Other Visa\Master – Turkish Bank
في حالة ان معاك كريديت علي بنك تركي بس مش موجود في القايمة , زي بنك كويت ترك
او اختار
Other Visa\Master – Non-Turkish Bank
لو معاك كريديت من بنك غير تركي
الخانة اللي بعدها اللي اسمها
Card Number
بتكتب فيها العشرين رقم اللي موجودين في الكريديت , وكل ما تكتب اربع ارقام بتلاقيه اوتوماتيك عمل شرطة
الخانة اللي بعدها
Credit Card Holder
بتكتب فيها اسم حامل الكريديت , لو بتاعك اكتب اسمك الاول والاخير جنب بعض بنفس السبيلينج اللي موجود في الكارت
الخانة اللي بعدها اللي اسمها
Expiry Date
بتختار فيها شهر وسنة انتهاء صلاحية الكارت
واخيرا الخانة اللي بعدها اللي اسمها
Security Code
بتكتب فيها التلات ارقام اللي في ضهر الكريديت علي اليمين
ولازم تعمل علامة صح علي الاختيارين اللي تحت
I agree to be contacted by Pegasus and its partners about promotions, products and services by email.
I have read and accept Pegasus Airlines Terms & Conditions and Privacy Policy&Terms.
واختار الزرار الأخضر
Buy Now
===============================
هنا هيبدأ البنك اللي انت عامل منه الكريديت يتعامل معاك , ساعتها البنك هيبعت رسالة فورا لموبايل صاحب الكريديت بكلمة سر لازم يتم ادخالها في خلال 3 دقايق من وقت ارسال الرسالة
لما يتم ادخال كلمة السر , ساعتها بيجاسوس هيأكد الحجز ويقولك مبروك , تم حجز الرحلة , وساعتها هيبعتلك ايميل فورا فيه تفاصيل التذكرة
طب ايه الخطوة الجاية ؟
اطبع التذكرة وخليك جاهز يوم السفر , قبل الرحلة ب 3 او 4 ساعات روح علي المطار وادخل علي مكان ادخال الشنط , و طلع التذكرة المطبوعة وجواز سفرك , الموظفه هتاخد منك الشنط وتديلك البوردنج , وكل سنة وانت طيب
طيب حاجة أخيرة , ازاي اروح مطار صبيحة ده او اجي منه ؟
مطار صبيحة فيه من عنده بيطلع اتوبيس اسمه هاواتاش , بيروح لغاية تقسيم , ويانيكابي , ب 14 ليرة , او فيه قايمة من الاتوبيسات العادية بتوديك اماكن كتيرة في اسكنبول الاسيوية , والاتوبيسات هي :
Hat No Hattın Adı
122H S.GÖKÇEN HAVALİMANI - YENİŞEHİR - 4.LEVENT METRO
130H TUZLA - SABİHA GÖKÇEN HAVALİMANI
132H PENDİK YHT - SABİHA GÖKÇEN HAVALİMANI
16S SABİHA GÖKÇEN HAVALİMANI - UZUNÇAYIR METROBÜS
E-10 SABİHA GÖKÇEN HAVALİMANI - KURTKÖY - KADIKÖY
E-11 SABİHA GÖKÇEN HAVALİMANI - KADIKÖY
E-18 ALTUNİZADE - ÜMRANİYE - SABİHA GÖKÇEN HAVALİMANI
E-3 SABİHA GÖKÇEN HAVALİMANI - 4.LEVENT METRO
E-9 BOSTANCI - SABİHA GÖKÇEN HAVALİMANI
KM22 SABİHA GÖKÇEN HAVALİMANI - KARTAL METRO - CEVİZLİ
SG-1 KADIKÖY - SABİHA GÖKÇEN HAVALİMANI
SG-2 TAKSİM - SABİHA GÖKÇEN HAVALİMANI
فمن الاماكن ديه ممكن تكمل مواصلات عادي لاي مكان في اسطنبول
============================================
طيب ازاي نسترد قيمة تذكرة بيجاسوس اللي ماستخدمنهاش ؟
طبعا عشان احنا مضطرين نحجز رايح جاي , فاغلب اللي بييجو تركيا بيستخدموا رايح بس و بتضيع عليهم تذكرة الرجوع , طيران بيجاسوس عامل امكانية انك تسترد جزء من قيمة التذكرة لما متركبهاش
طبعا الشركة مش بترجع التذكرة كلها ولا حتي نصها , بترجع جزء صغير من التذكرة طالما انت استخدمت تذكرة الذهاب وعايز ترجع تذكرة الرجوع , وغالبا بيكون في حدود الـ 60 ليرة علي حد تجربتي لاكتر من تذكرة
ولو انت هترجع تذكرة مستخدمتهاش خالص لا ذهاب ولا اياب , ساعتها بيرجع جزء كبير من التذكرة , تقريبا 70 % من اللي دفعته , بس بشرط يكون قبل معاد السفر ب 48 ساعة
====================================
طيب عشان نلغي التذكرة . اول خطوة ادخل علي موقع بيجاسوس
روح في نص الشاشة علي الشمال هتلاقي خانة مكتوب عليها
My Tickets
زي الصورة رقم 1
وبيطلب منك كود الحجز , والاسم الاخير للمسافر , والاتنين دول هتلاقيهم في التذكرة اللي معاك , الاسم الاخير معروف , وكود الحجزاللي هو الست حروف وارقام المكتوبين تحت الاسم علي طول في التذكرة زي كدة
Passenger Name : Asem Hesham Mr
Booking Ref : GH6K3H
طبعا لاحظ ان بيحطو الاسم الاخير الاول بعدها الاسم الاول , يعني الاسم اللي هيتحط في التذكرة هو عاصم , مش هشام
المهم دخل البيانات واضغط كونتينيو
====================================
هيطلعلك شاشة فيها تفاصيل الرحلة زي ما باين في الصورة رقم 2 , لو اكيد
عايز تلغي التذكرة روح علي اخر زرار المكتوب فيه
Cancel All Flights
====================================
ساعتها هيطلعلك سؤال زي اللي في الشاشة رقم 3 , هيقولك متأكد يا بوب ؟ قوله ايوة , ودوس علي الزرار الأخضر
====================================
ساعتها هيوديك علي شاشة جديدة زي الشاشة رقم 4 فيها قيمة المبلغ اللي هيرجع , ويسالك مرة اخيرة موافق ولا مش موافق , اعمل علامة صح علي السؤال اللي تحت ودوس علي الزرار الأخضر , وكدة تبقي لغيت التذكرة خلاص
====================================
طيب السؤال الأخير , هاخد فلوسي ازاي ؟
المبلغ اللي هيتم ارجاعه هيتم تحويله خلال 3 او 4 ايام لنفس الكريديت كارد اللي تم الحجز بيها , فانت تواصل مع اللي حجزلك التذكرة , وخليه يتابع الكريديت بتاعه لغاية لما تيجي رسالة في حساب البنك بتاعه ان تم تحويل مبلغ 63 ليرة من بيجاسوس , وخليه يسلمهالك
====================================
طيب في حالة انك مش معاك كريديت كارد خالص , وعايز تحجز تذكرة و تدفع كاش ؟ ؟
شوف البوست ده
====================================
ادخل علي الموقع ده
www.travelstart.com.eg
ديه شركة سويدية , ليها فروع كتيرة علي مستوي العالم ومنها فرع في مصر , في المعادي بالتحديد
الميزة انها بتخليك انت اللي تبحث بنفسك علي التذاكر وتختار افضل مواعيد واقل اسعار , واللي ميعرفش يتعامل معاه الخطوات سهلة
الاول ابدأ من الشمال وامشي خطوة خطوة لليمين
اختار
return
لو هتحجز رايح جاي , او
ONE WAY
لو هتحجز ذهاب بس , بعدها اختار المطار اللي هتسافر منه , بعدها المطار اللي هتوصله , وممكن بسهولة تكتب حروف للمطار بدل ما تدور :
مطار القاهرة CAI
مطار برج العرب HBE
الغردقة HRG
شرم الشيخ SSH
اتاتورك في اسطنبول IST
مطار صبيحة في اسطنبول SAW
بعدها يا معلم اختار معاد السفر ومعاد الرجوع , وطبعا كل ما تحجز قبل ما تسافر بمدة كل ما يكون ارخص , بعدها اختار كام واحد هيسافر
تحت تاريخ السفر علي طول هتلاقي علامة
-\+ 3 day
ديه اختارها عشان يشوفلك لو فيه اسعار اقل في ايام قريبة من اللي انت اخترتها
خلاص كدة , دوس ستارت
هيجيبلك جدول فيه الاسعار والاوقات , اختار السعر المناسب , وهيقولك هل الطيران مباشر ولا فيه ترانزيت
لو خلاص فيه تذكرة ليقتها مناسبة ابدأ اختارها ودوس
continue
عشان تبدأ تدخل تفاصيل الركاب , لما تدخل الاسم لازم يكون مطابق بالظبط زي الاسم في الباسبور , اي حرف فرق ممكن يعمل مشكلة , وطبعا بتدخل الاسم الاول والاسم الاخير زي الباسبور
بعدها بيقولك اختار الكونتاكت بيرسون , اعمل علامة الصح علي ان نفس الشخص المسافر , وتدخل رقم موبايل سواء هنا في تركيا او مصر
لما بتخلص تسجيل البيانات عندك كذا طريقة للدفع , اما بالماستر كارد في لحظتها , او لو مش معاك ماستر اختار انك تدفع في المكتب بتاعهم في المعادي عن طريق حد من قرايبك او اصحابك , اختار
cashpayment
بعدها
travelstart
ساعتها هيعملك حجز مبدئي للتذكرة بالتفاصيل ديه , وخلال 24 ساعة من الحجز خلي اي حد يروح مكتبهم في المعادي ويقول انا عايز ادفع تمن تذكرة فلان اللي بتاريخ كذا , يدفع الفلوس و كدة يبقي خلاص التذكرة تم التاكيد عليها , والعنوان بتاعهم سهل قريبين جدا من الكورنيش , اللي يروح يتصل بيهم وهما يقولولو يروح ازاي , رقمهم 25257576