هجرة المستثمرين لكندا
في حين تنتشر المعلومات والأخبار عن هجرة العمالة الماهرة لكندا , فإن عددا من البرامج الأخري للهجرة لكندا قد تتوائم مع ظروف الآخرين
ونعرض الآن تفاصيل هجرة المستثمرين لكندا
************************************************
الهجرة بالاستثمار إلى كندا
معظم المقاطعات فى كندا ليها برنامجها للهجرة بالاستثمار كل واحدة لها شروطها الخاصة... أقلهم فى المبلغ هى مانيتوبا Manitoba ( ربع مليون دولار كندى) وأكثرهم هى اونتاريو (مليون دولار كندى)
************************************************
لو انت مش مدير او صاحب شركة ومش مستعد تستثمر ربع مليون دولار كندى يبقى البوست ده مش ليك.
************************************************
الموضوع ده محتاج رجل أعمال محترم علشان يقدر يكمل فيه ... ويعمل مشروع حقيقى بالمبلغ ده (Active Investing)مش مجرد يحط الفلوس وخلاص.
هاتكلم عن مانيتوبا علشان هى الأرخص وقد تكون متاحه لأثرياء الجروب الكرام
أول خطوة هى أنك تشوف هاتجيب كام نقطة حسب المعايير فى هذا الرابط
طبعا هما مش بياخدوا كل المتقدمين، بياخدوا الناس اللى جايبه أعلى نقاط، كل شهر تقريبا بيعملوا سحبة. آخر سحبة (يونيو 2017) كانوا واخدين كل من هو أعلى من 89 نقطة.
يمكنك مشاهدة كل النتائج السابقة من هذا الرابط
أهم النقاط فى البرنامج:
-
حضرتك محتاج تثبت أن ثروتك وممتلكاتك تزيد قيمتها عن 350 ألف دولار كندى.
-
محتاج يكون عندك خبرة كرجل أعمال فى الإدارة العليا للمؤسسات.
-
محتاج تودع فى حساب حكومة المقاطعة 100 ألف دولار كندى، يتم استردادهم بعد سنتين من وصولك إلى كندا وبعد أن يتأكدوا انك باشرت فى مشروعك بشكل جدي، وإلا لن يتم رجوعهم لك.
-
محتاج تستثمر 150 ألف دولار كندى فى مشروعك المستقبلى فى كندا.
-
لابد أن يكون هذا المشروع هو عملك الأساسي وتباشره بشكل يومي.
-
غالبا هاتحتاج تعمل زيارة استكشافية للمقاطعة علشان تزود نقاطك.
-
هاتحتاج دراسة جدوى حقيقية ومقنعة ليهم لمشروعك هناك.
-
في معظم الحالات بيكون فيه انترفيو معاك علشان مسئول الهجرة يقتنع انك جاد وإمكانياتك الإدارية تسمحلك بإدارة بيزنس بشكل كامل.
-
يوجد العديد من الطلبات التفصيلية الأخرى مثل توثيق ملكيتك لأي أصل وتثمينه واثبات خبرتك الإدارية وامتحان الايلتس لو عايز تزود درجاتك وعلشان كده الإجراءات دى بتاخد من سنة إلى سنتين حتى تصل إلى كندا.
ميزة البرنامج ده إنك بتاخد الإقامة الدائمة من أول يوم (او من قبل سفرك حتى) ومعك اسرتك
وعيبه أنك محتاج تستقر فى ولاية مانيتوبا لمدة عامين على الأقل (وإلا ضاعت عليك الوديعة 100 ألف دولار) وهذه المقاطعة فى الحقيقة ليست من ضمن الأفضل فى كندا.
المقاطعة التى تليها من حيث السعر هى British Colombia وتشترط الا تقل قيمة ثروتك عن 600 ألف دولار كندى. لو حد عايز معلومات عنها يشغلنى معاه وانا اقوله :)
ربنا يوسع علينا وعليكو
لو عايز تشوف مقارنة مبدئية بين كل المقاطعات من حيث برامج البيزنس الخاصة بها، الرابط اهو