خطوات هجرة المهندسين هي نفسها هجرة باقي المهن , لكن نتكلم اليوم عن كيفية معادلة شهادة الهندسة لعمل هناك كمهندس

​

.................................................................................

​

خطوات الحصول علي شهادة مهندس تحت التمرين للمهندسين (كندا)

​​

• تروح الجامعه تطلع المحتوي العلمي للمواد الي درستها او تشوف حد معاك في نفس الجامعه طلعها ودي سهله نداء صغير في جروب استراليا حتلاقي اكيد واحد من جامعتك طلعها علشان ساعات بتطلب منه في المعادله و عشلان كدة اغلبيه الناس بتامن نفسها و بتطلعه

​

• تعمل upgrade WES و حتلاقي الموقع اتغير من النسخه الي الموقع منزلها لطريقه العمل بس هي قريبه منها و حننزل الطريقه الجديده للناس علشان تشوفها الحاجه المهمه انك لما تيجي تعمل ابجريد حيطلبو حتلاقيهم طلبو منك الورق يتبعت تاني و المهندس احمد مشكور بعت للويس ميل و رضو و قالو ان دي رساله الكترونيه ولاداعي للقلق منها و فعلا ورقه وصل

​

• حتاخد إثبات الشخصيه بتاعك و هو كذا حاجة لكن الي تتماشي معانا هو الباسبور بتاعك و تختم عليه صوره طبق الاصل زي الملف الي الموقع منزله و تمل الفورم بتاعته و تختم الاتنين و تحط الصوره و الفورم في ظرف و تفله و تختم الظرف من بره و تبعته ليهم بالبريد (ما تبعتش بالميل و لا بالفاكس)و الي بيختملك الورق واحد من التلاتة

  •  كاتب عدل (محامي عندة ختم انجليزي)

  •  عضو في APEGS

  • كندي يكون معاه شهادة مهندس محترف

​

• حتعمل السي في بتاعك و تظبطه كويس اوي و تشرح فيه المهام و الي كنت بتعمله في الشركة بالتفصيل و طبعا بتواريخ العمل من و الى و اسم الشركه و المسمي الوظيفي بتاعك و تبعته بالميل apegs@apegs.ca طبعا في الميل بتكتب رقم الملف بتاعك في العنوان و الاسم كامل

​

• تقعد تستني ورقك يوصل بالسلامه و تراجع الموقع وتراك للشحنه بتاعتك زي ما عملت في الويس بالظبط علشان تتاكد ان كل ورقك وصل بالسلامة

​

• ​املا الورق و الفورمز الي طالبينها كلها و تبعتها لما يطلبوها منك و حضر شهادات الخبره و ما تبعتهاش الا لما يطلبوها برضو

 

• شركة APEGS حتراجع الورق بتاعك وحترد عليك بإمكانيه الغاء الامتحانات اذا انت

  •  انك يكون معاك ماستر او دكتوراه و ماتكونش الماستر تحت نظام بولونيا و ة نظام في اوروبا مش موجود في مصر

  • تكون خبره اكتر من خمس سنين و لو اتطلبت منك حيبعتولك الخطوط الرئيسيه الي بيها تكتب خبرتك و دي ترجع للمراجع بتاعك يعني ماتبعتش ورقك الا لما هما يطلبوة

​

• بعد ما تخلص امتحانات او يتم الغاء الامتحانات بيتم اعتمادك كمهندس تحت التمرين و بتدفع الرسوم السنويه بتاعتهم و بيبعتولك خطاب الإعتماد خلال اسبوع من دفع الرسوم

​

• تاخد الخطاب دة و تكمل بيه ورق الهجره لساسكاتشوان

 

.......................................................................................

 

 

انا متابع المنتدى الجميل دا من فتره كبيره و لكن سجلت فيه قريب , اخوكم المهندس محمد الشماخ مصرى من هندسه عين شمس , مش بفكر فى قرار هجره لكندا فى الوقت الحالى و لكن ليا اصدقاء كتير جدا مهندسين و دكاتره عايشين فى كندا و استراليا و ما شاء الله ناجحين جدا و دايما على اتصال بيهم .

الحاجه الوحيده اللى لفتت نظرى بعد القراءه فى جميع مواضيع المنتدى هى عدم وجود فرصه عمل خاصه للمهندسين ,

 

قريت قصص فشل كتير جدا و حسيت بحالات احباط كتير جدا ممكن يحس بيها اى حد يقرا فى بعض مواضيع المنتدى , انا من الناس اللى بيفكروا فى الهجره بس انا واثق فى ربنا اولا ثم نفسى فى موضوع انى الاقى شغل فى مجال الهندسه ان شاء الله .

​

كتير جدا من الناس فاكره انها اما تعمل المعادله هتلاقى شغل و لو ملقوش شغل هيقولوا كندا وحشه و استراليا وحشه ( انا بالنسبالى موضوع المعادله دا موضوع وهمى خيالى مش موجود غير فى عقولنا او تقريبا المعادله دى المفروض تكون اخر حل لاى مهندس ) لان بمعنى اصح انت لو مهندس من هندسه عين شمس و سافرت كندا و عملت معادله و قدمت على شغل اكيد صاحب الشركه مش هيخادك و يسيب واحد متخرج من جامعه مونتريال مثلا .

​

​

الحلول اللى بتجيب نجاح ملحوظ و اكتريت اصدقائى عملوها هى الدراسه او للوضوح اكتر , احد الحلول اللى كل الناس تقريبا عرفاها و لكن الشائع و الملفت الايام دى هى دراسه و الحاجات دى بتقوى مركزك فى الشغل اكتر من وهم المعادله .

​

الحاجه التانيه اللى انا فاتح الموضوع عشان اكلم فيها و اللى بتخص مجال الهندسه هى طبعا مجال معروف على مستوى العالم و لكن ازاى اشتغل مهندس من غير ما اعمل المعادله او ازاى اقوى مركزى عند الشركات , الحل انك تبدا فى دراسه الشهادات العلميه اللى معتمده على مستوى العالم زى ال , طبعا دى كلها حاجات ممكن تقوى مركزك جدا جدا عشان تحصل على وظيفه محترمه

​​

• FE) Fundamentals of engineerin) :دى شهاده معترف بيها من امريكا واكتر الشركات الكبيره بتتطلبها و امتحانها فى الجامعه الامريكيه وخد بالك من اللى جايه دى الامتحان دا مش متاح غير فى مصر و امريكا و اليابان .

​

• PE ) Professional Engineer ) : اكتر شهاده مهمه بالنسبه لاى مهندس فى العالم , بمعنى اصح لو معاك الشهاده دى و معملتش معادله و سافرت اى دوله فى العالم هتقوى مركزك جدا جدا و هتلاقى شغل بنسبه كبيره ان شاء الله .

​

• PMP )Project management professional ) : شهاده محترمه جدا و بقت معروفه جدا على مستوى العالم و معظم الشركات بتتطلبها و بتقوى قرص الحصول على عمل .http://www.pmi.org/Certification/Project-Management-Professional-PMP.aspx

​

• PSP ) Professional Scheduling professional ) : من اهم الشهادات برضو و صعبه جدا http://www.pmi.org/en/Certification/PMI-Scheduling-Professional-PMI-SP.aspx

​

• PgMP ) Program management professional ) : ناس قليله اوى اوى اللى معاهم الشهاده و احد اهدافى . و بتقوى مركزك جدا فى دوله فى العالم

​

• CCC/CCE) Certified Cost Engineer) : ناس قليله جدا برضواللى معاهم الشهاده دى

 

 

كل دى شهادات international Certifications بتقوى فرصك للحصول على عمل

فى اى دوله فى العالم بما فيهم كندا اللى محيره الناس , لانك لو عايز تشتغل فى مجال ال Planning , Cost Control Engineer , Construction management or even Project manager

​

كل الشهادات دى هتقوى مركزك عند التقديم للوظيفه من غير معادله ولا الكلام الفاضى دا , من الاخر المهندس اللى بيطلع بره بلده لازم يكون معاه شهادات دوليه نخليه ينافس بيها المهندسيين التانيين لان الكل بيدور على الكلام و بيدرسوا و الميزه ان كل الشهادات دى دراستها موجوده فى عكس معظم الدول العربيه , فى مهندس معروف جدا فى ABB Company

​

سافر سنه 2001 عشان يدرس CCC/CCE فى امريكا , دلوفتى كل دا موجود هنا

​

ملحوظه كمان المهندس دا اشتغل فى هولندا و امريكا من غير معادله بس الفكره انه كان مهندس معترف بيه دولبا عن طريق الشهادات دى .

​

اخيرا . اتمنى اكون وصلت للناس الفكره اللى شايف انها نجحت مع مهندسين كتير اوى شغالين فى كندا و استراليا وفى الاخر لازم نفهم اننا لازم نكون معترف بينا دوليا عشان نعرف نشتغل برا مصر . لان شهاده الكليه فى كندا ملهاش لازمه و المعادله بالنسبالى ولا ليها اى لازمه, و المره الجايه هتكلم عن كيفيه كتابه ال CV عشان فى ناس بتترفض بس عشان مش بيعرفوا يكتبوا كويس مش عشان خبرتهم لا تمسح

, عارف انى كتيت كتير و زهقتكوا