سلسلة أحمد حسن للهجرة لكندا
الهجره الى كندا الجزء الاول
السلام عليكم جميعا.....ياريت المهتم يعرفنى علشان اكمل الجزء التانى ولا لا
كنــــدا والهجره الي كندا ان شاء الله هنغطى كندا من جميع الجوانب وجميع انواع التاشيرات.
كندا تتألف من 10 مقاطعات وتمتلك كندا واحداً من أعلى مستويات المعيشة في العالم
اول نقطه مين المؤهل للهجره الى كندا؟
الهجره الى كندا نوعين
-
اول نوع هجره العماله الماهره.
-
تانى نوع هجرة المستثمر
اللى بيهمنا هنا هو النوع الاول وده له قسمين
-
القسم الاول اصحاب الشهادات او المهن غير الحرفيه يعنى محامى محاسب الخ
-
القسم التانى المهن الحرفيه سباك نجار جزار الخ
الفيصل فى تحديد التاهل للهجره لكل الاقسام هو اللغه سواء كانت انجليزى او فرنسي
طبعا مش هتقول انا بتكلم انجليزى كويس لا مش انت اللى تحدد اللى بيحدد ده شهاده تقول ده اللى هى الايلتس
علشان الموضوع طويل هنعمله على اجزاء
الجزء الاول
هجرة العماله الماهره الاكسربريس انترى لاصحاب الشهادات واصحاب الحرف المهنيه
اصحاب الشهادات
دى ليها 3 نقط اساسيه اعمل حفظ للبوست وارجعله فى كل خطوه علشان متوهش
اول نقطه وهو يكون عندك حساب على الموقع الرسمى للحكومه الكنديه والحساب ده مش بس للهجره ده لاى نوع فيزا حتى لو عاوز تقدم على فيزا سياحه الرابط التالى
اول خطوه بتختار اللغه المناسبه عندك اختيارين الانجليزى والفرنسي
بعد اختيار اللغه بتختار الجمله دى وهى تسجيل الدخول او فتح حساب جديد علشان تقدر تطلب اون لاين
Sign in or create an account to apply online
بعدها يتختار واحد من اختيارين
اختارنا التسجيل بدون مكتب هجره
بندا فى خطوات التسجيل الرابط
https://clegc-gckey.gc.ca/j/eng/rg?execution=e1s1
نقبل الشروط والاحكام ونبتدى الموضوع يبدو صعب لكن فى الحقيقه سهل جدا ومش هياخد دقايق
هيطلب منك اسم مستخدم وايميل ورقم سري مكون م حرف كبير وصغير وعلامه وارقام وتتم عمليه التسجيل والتفعيل
كده بقى عندك حساب على الموقع الرسمي للحكومه الكنديه وده اول جزء من المنشور وان شاء الله نكمل باقى الاجزاء لحد نهايه عمليه طلب الهجره او طلب اى نوع تاشيره لكندا.
الهجره الى كندا الجزء الثاني
اتكلمنا فى الجزء الاول عن الموقع الرسمي وطريقة التسجيل علشان يكون عندك حساب على موقع الحكومه الكنديه اللى هو الاساس اللى من غيره مش هتقدر تتواصل مع الحكومه الكنديه واللى من خلاله تقدر تقدم على اى نوع فيزا( سياحه – عمل – هجره – لجوء الخ )
يعنى وجود حساب ده اول نقطه اساسيه.
اليوم هنتكلم عن نقطيين من النقط الاساسيه اللى بدونهم مينفعش تبدأ فى ملف الهجره الاكسربيس انترى هجره العماله الماهره Federal skilled worker
اول نقطه وهى الايلتس او شهاده اثبات اللغه الانجليزيه للمتحدثين باللغه الانجليزيه
IELTS (International English Language Testing System)
وشهاده ال TEF للمتحدثين بالفرنسيه
TEF (Test d'évaluation du français)
طبعا الايلتس بيتم الحصول على شهادته من المجلس الثقافى البريطانى
British Council
اما الTEF بيتم الحصول عليه من
Alliance Française
طبعا موضوع اللغه مفيش فيه كلام الا ان من غيره مش هينفع التقدم للهجره وطبعا لازم نحاول نطور من مهارات اللغه.
النقطه التانيه وهى التقييم العلمى او معادله الشهادات اللى بيسموها
ECA (Educational Credential Assessments)
وتقدر تشوفها من الرابط ده
http://www.cic.gc.ca/english/newcomers/credentials/index.asp
وده بيكون عن طريق مراكز او وكالات معتمده من الحكومه الكنديه هكتبهم كلهم وده الرابط اللى تقدر تدخل تشوفهم منه
https://www.cicic.ca/1374/obtain-an-academic-credential-assessment-for-general-purposes/index.canada
وهما عباره عن 6 مراكز اهمهم واشهرهم وارخصهم اخر واحد اللى هو WES منهم واحد مختص بمقاطعة كيبك الخامس وهما
1-Comparative Education Service (CES).
2-International Credential Assessment Service of Canada (ICASC).
3-International Qualifications Assessment Service (IQAS)
4-International Credential Evaluation Service (ICES)
5-Ministère de l'Immigration, de la Diversité et de l'Inclusion du Québec
6-World Education Services – Canada (WES)
السؤال ازاى نعمل التقييم
مطلوب من سيادتك تعمل حاجتين
بيان درجات من الكليه اللى حضرتك متخرج منها يكون باللغه الانجليزيه ويستحسن كمان شهادة تخرج باللغه الانجليزيه ويتقفل عليهم ظرف جميل وعليه ختم الكليه وتوقيع العميد على مكان فتح الظرف.
تعمل حساب على موقع التقييم على الرابط التالى
بعد ماحضرتك تسجل الحساب طبعا ايميا ورقم سري زى اى تسجيل على اى موقع الموقع بيطلب منك بعض الطلبات زى بلد التخرج اللى هى مثلا مصر بعدها اسم الجامعه وبالتالى الكليه اللى اتخرجت منها لغايه ماتوصل لعمليه الدفع ايوه عمليه الدفع.
اللى بيحصل انك بتدفع مقدما تمن التقييم وبعد الدفع بتاخد رقم مرجعي
Reference number
الرقم المرجعى بتكتبه مع العنوان اللى تحت ده على الظرف لمكان التقييم فى كندا لانه بدون الرقم المرجعى للاسف مش هيتم التقييم وهيتم اعدام الملف اللى حضرتك باعته وبيتم الارسال على العنوان التالى.
World Education Services
Attention: Documentation Center
2 Carlton Street, Suite 1400
Toronto, Ontario M5B 1J3
Canada
بعد الدفع والارسال بيتم عمل التقييم ةارسال نسخه لحضرتك على الايميل ودى اللى بتستخدمها فى ملف الهجره لاحتساب نقاط الدرجه العلميه.
يارب مكنش ناسي حاجه وبالتوفيق للجميع والى اللقاء فى الجزء التالت.
كدا غطينا التسجيل واللغه والتقييم العلمى او النقاط الاساسيه ان شاء الله الجزء الجاى نبدا فى التقديم على الموقع مش عارف نبدا بمتطلبات السياحه ولا عمل ملف EXPRESS ENTRY ولا احتستب النقاط اللى انتو عاوزينه قولولى عليه.
الهجره الى كندا الجزء الثالث
الاعضاء الكرام اتكلمنا فى الجزء الاول والتانى عن طريقة التسجيل فى موقع الحكومه الكنديه للهجره والايلتس ومعادله الشهاده والنهارده هنعرف ازاى نعمل ملف الدخول السريع او express entry
البدايه هى الحصول على كود التاهل لفتح الملف الموضوع بكل سهوله هتدخل على الرابط ده.
http://www.cic.gc.ca/ctc-vac/ee-start.asp
وهوعباره عن كام سؤال هتجاوب عليهم بنعم او لا مع اختيار الجنسيه والعمر الخ
بعد الانتهاء من الاسئله بيعطيك نتيجه مبدئيه اذا كنت مؤهل او لا لو كنت مؤهل بيعطيك كود والكود ده هو نقطة البدايه اللى من خلاله هتبدا فى فتح ملف الدخول السريع.
الخطوه التاليه وهى الدخول باسم المستخدم على الموقع الرسمي اللى حضرتك سجلت فيه حساب واللى هندخله من الرابط ده
https://clegc-gckey.gc.ca/j/eng/l?ReqID=s2e2792e3b8c142ba8b603f9adeb8fd1b836302b5b
هتفتح الحساب وتختار كلمه الدخول السريع او هيطلب من حضرتك الكود اللى قولنا عليه علشان يبدأ فى الخدمه
هتبدأ بعد كده تكمل كل البيانات لنفسك وللزوجه او الزوج وبكده حضرتك تقدر تعمل Submit Your Profile
فروض بعد كدة إن هايطلعلك صفحة بتأكد الـ Submission وهاتجيلك رسالة تأكيد على حسابك.
بعد كده حصرتك هتعمل عمل بروفايل على بنك الوظائف ثم ربطه بحساب الاكسبريس انتري بتاعك.
ازاى هتعمل بروفايل بقي سؤال لولبى
هاتروح على موقع بنك الوظائف www.jobbank.gc.ca وتسجل فيه وتربط حساب بنك الوظائف ده مع بروفايل الاكسبريس إنتري مع ملاحظة إنك هاتحتاج Express Entry Profile Number، وكمان هاتحتاج الـ Job Seeker Validation Code, الاتنين دول هاتلاقيهم في رسالة التأكيد اللي جتلك على حسابك على MyCIC.
اخر حاجه هاتجيلك رسالة جديدة على MyCIC بتأكد قبولك وإضافتك لـ Express Entry Pool.
روابط مهمه
رابط احتساب النقاط الحاليه حسب كل حاله
http://www.cic.gc.ca/english/immigrate/skilled/crs-tool.asp
رابط لمعرفه الحد الادنى الحالى على فكره بيتغير شهريا
http://www.cic.gc.ca/english/express-entry/rounds.asp
ان شاء الله الجزء القادم نتكلم عن ترشيح المقاطعات وكتابه شهادة الخبره على حسب متطلبات ال NOC مع بنك الوظايف وطلب تاشره السياحه.