اختبار السات
السات اختبار امريكي ، معمول عشان تقييم الدخول للجامعات ، و حاليا بعض الجامعات التركية بتعترف بيه و بتطلبه . .
السات الفرق بينه و بين اليوس ان السات مكون من جزئين انجليزي و رياضة ، والرياضة اللي في السات اسهل شوية من الرياضة اللي في اليوس ، بس المشكلة انها محتاجة انجليزي كويس . .
فلما طالب يكون محتار امتحن سات ولا يوس ، اول حاجة يسال فيها نفسه ، يا تري الجامعة اللي هو عايزها عايزة انهي فيهم . .
لو الجامعة مش هيفرق معاها سات او يوس ، ساعتها الطالب يشوف هو كويس في الانجليزي ولا لا
لو كويس في الانجليزي يخليه في السات لان الرياضة فيه اسهل
لو ضايع في الانجليزي يخليه في اليوس ، لان تعلم الانجليزي هيكون مرهق معاه
فيه حوالي 7 اختبارات سات في السنة ، و بيتم حجزهم عن طريق موقعهم هنا , و بتختار هتمتحن في اسطنبول ولا انقرة ولا ازمير
و ممكن تشتري كتاب السات من امازون من هنا
او تحمل نسخ تانية من الكتاب من هنا او هنا او تنزل امتحانات من هنا
ومن موقع خان اكاديمي هتلاقي عدد كبير من الملفات المهمة
هنا تفاصيل كاملة عن الامتحان
وهنا عدد من الاختبارات الكاملة مع حلولها
وهنا فيديوهات لتعليم السات الماث
وهنا فيديوهات كاملة لتعليم السات الانجليش
و ممكن تشوف محاضرات ليه علي اليوتيوب من هنا