​

بالنسبة للشغل ف الامور صعبة جدا البلد فيها تقريبا 750 الف سوري .. 

الاتراك مش بيشوفو اجانب خالص (السوريين مش اجانب بالنسبة للاتراك ف اضنا) ف بيبقى فيه معاملة مميزة للاجانب ف اضنا .. الاجراءات اسهل ف اوقات كتير .. 

السكن رخيص بيبدا من 300 ليرة وانضف حاجة 3 غرف بتبقى ب 1500

​

البلد قريبة من مصر جدا حتى ف درجات الحرارة مفيش تلج والصيف رطوبة عالية جدا 

غير ان السكن رخيص الحاجة الوحيدة اللي ممكن تبقى سبب او دافع للقعدة ف اضنا هو الجامعتين اللي موجودين .

​

جامعة شكوروفا ودي ترتيبها بين 10 او ال15 على تركيا

فيها اقسام بتدرس ب انجليزي كتير غير انها بتقبل عدد كبير مقارنة بجامعات تانية

ومش بتشترط غير اليوس

​

والجامعة التانية اضنا بيليم .. فيها كل التخصصات بالتركي بس ملهاش اي شروط للقبول وبرضه بتقبل اعداد كبيرة جدا
 

التقديم ف المدارس مش بيحتاج حتى ترجمة الشهادات او المعادلة

ومواعيد الاقامات ممكن تبقى تاني يوم لان مفيش ضغط .

 

قبل ما اجي كنت لقيت ناس كتير بيتكلمو عن العنصرية والاكراد وحاجات غريبة بس مفيش حاجة يعني الحمدلله 

​

اغلب الاتراك شغالين ف الزراعة او الخياطة

والسوريين ليهم مناطق خاصة بيهم متجمعين فيها وعاملين مجتمع خاص بيهم .. حتى بيبيعو منتجات مختلفة تن اللي ف محلات الاتراك

اضنا مفهاش سياحة تقريبا هي مناسبة جدا للي جاي يستقر في تركيا ومش ف دماغه انه يشتغل وللي جاي يتعلم

​

اسعار السلع زي اسطنبول تقريبا

​

والاقامة عادي المدة اللي تطلبها بتاخدها الا لو ربنا رزقك بموظف تركي رخم عليك وبيدي سنة بس .. بس دي مش بتحصل كتير يعني