سلام عليكم

النهاردة حابب اكلمكم عن بورصة وعن المعيشة والسكن, الدراسة والايجار والخدمات وخلافه, بحيث الناس يبقى عندها فكرة واللى حابب يجي او كده يلاقى مرجع ملخص ممكن يفيده

لو ابتدأنا بتعريف قصير عن بورصة فهي رابع اكبر مدينة فى تركيا, قريبة من اسطنبول, بالفيري بوت حوالى ساعتين بس وتبقى ف بورصة, جوها حر ف الصيف وبارد فالشتا, قريب من جو اسطنبول, وبورصة فى كذا احصائية نالت مكان متقدم زي احصائية المدن اكثر امانا فى العالم, كانت ف احد السنوات من ضمن افضل 20 مدينة, وف احصائية المدن الصالحة للمعيشة كانت من افضل 50 مدينة

 

بورصة مدينة صناعية ففيها فرص عمل, بس طبعا لازم يكون معاك لغة تركية, وبتختلف من وظيفة لاخرى, لكن لو انت موهوب ومميز, تقدر تفرض نفسك وتتفوق عالتركي, بالنسبة لاسعار الحياة فى بورصة هي قريبة من اسطنبول برضه لكن المواصلات فى بورصة اغلى من اسطنبول

بالنسبة للسياحة او الاماكن الترفيهية, كنت كتبت مقال عن الموضوع ده ممكن تشوفوه
https://www.sasapost.com/opinion/50-things-you-have-to-do-when-you-visit-bursa/
 

 

بالنسبة بقى للسكن

فانت عندك خيارين, اول حاجة تشوف موقع 
Sahibinden 
التركي الشهير, وتدور فى حي بورصة فى المكان اللى تحبه عن الشقق واسعارها وخلافه, لكن لازم تبقى مصحصح, وتشوف الشقة دي اذنها معيشة ولا مكتب, وتعرف تصرف نفسك فى حوارات الطابو والكلام ده 

 

 

بورصة فيها كذا منطقة.

اشهرهم, يلدرم, عثمان غازي, نيلوفر  

 

يلدرم دي حتة كده فيها مناطق شعبية ومناطق قديمة وعشوائيات

عثمان غازي هو مركز المدينة, وفيه معظم الاثار والسياحة والجو ده

نيلوفر, من اجدد المناطق, وفيها الاماكن الراقية شوية, وفيها الجامعة, وجنب الجامعة زي ما نتو عارفين فيه حي جروكله, الحي بتاع الطلبة واللى يعتبر للسكن رخيص ولكن مش ارخص من يلدرم طبعا, وف نفس الوقت, عمر السكن –اتبني من كام سنة- وحالته  وموقعه الخ الخ بيؤثر ف السعر

مثلا انا عملت دلوقتي بحث عشوائي عن شقة ف بورصة ف يلدرم, لقيت شقة فى بدروم ف منطقة امير سلطان مساحتها 50 متر واحد زائد واحد باقل من40 الف ليرة. ولقيت واحدة ف امير سلطان برضه 80 متر واحد زائد واحد بجراجها ب 80 الف ليرة, عملت بحث ف جروكله – الل بالمناسبة اسعارها بتعلى بسبب الجامعة والطلبة الل بيحبو ياجرو – لقيت شقة واحد زائد واحد ب 97 الف ليرة,,, فهكذا , قبل ما تشترو دوروا كتير وفكرو كويس واستشيرو كذا حد, معنديش خبرة ف موضوع الشقق بصراحة ف مقدرش افيدكم كتير

بالنسبة للدراسة, عندكم جامعتين ف بورصة

جامعة اولوداا, ترتيبها السنة دي 16 على تركيا, جامعة كبيرة وفيها اقسام كتير زي:

​​

• قسم العلوم التربوية

• قسم العلوم الخاصة

• قسم  تعليم اللغات الاجنبية

• قسم تعليم الفنون الجميلة

• قسم تعليم الحواسيب والتكنولوجيا

• قسم التعليم الابتدائي

• قسم تعليم اللغة التركية

• قسم الاثار

• قسم الفلسفة

• قسم علم الاحياء

• قسم الفيزياء

• قسم الكيمياء

• قسم الرياضيات

• قسم تاريخ الفنون

• قسم علم الاجتماع

• قسم التاريخ

• قسم اللغة التركية وادابها

• قسم علم النفس

• قسم ادارة الاعمال

• قسم التجارة الدولية

• قسم انظمة التنمية والادارة

• كلية الهندسة المعمارية

• الهندسة الكهربائية والالكترونية

• الهندسة الصناعية

• الهندسة البيئية

• هندسة الانشاءات

• هندسة الالات

• هندسة السيارات

• هندسة المنسوجات 

• قسم التعليم الرياضي والتربية البدنية

• كلية الطب

• كلية الطب البيطري

• كلية فنون جميلة

• كلية حقوق

• كلية العلوم الاقتصادية والادارية وتتضمن الاقسام :

• قسم الاقتصاد

• قسم المالية

• قسم العلاقات الصناعية واقتصاد العمل

• قسم ادارة الاعمال

• قسم العلاقات الدولية

• معاهد التعليم العالي :

• المعهد العالي للموسيقى الوطنية

• المعهد العالي للتعليم الصحي

• المعهد العالي للغات

• معهد غمليك نجاتي كورتولوش للتعليم العالي البحري

• الادارات المرتبطة برئاسة الجامعة :

• قسم مبادئ اتاتورك وتاريخ الثورة التركية

• قسم الرياضة والتربية البدنية

• قسم المعلوماتية

• قسم الفنون الجميلة وقسم اللغة التركية

• المعاهد :

• معهد العلوم التربوية

• معهد العلوم الفنية

• معهد العلوم الصحية ومعهد العلوم الاجتماعية

 

 الدراسة فيها بالتركي بوجه عام, لكن فيه اقسام بتفتح بالانجلش جديد زي قسم العلاقات الدولية, سمعت انهم فتحوه بالانجلش ومعنديش معلومات اكيدة الصراحة

 
تاني جامعة هي بورصة تكنيك
الموقع بتاعها بالانجليزي اهو
http://www.btu.edu.tr/index.php
تقدرو تشوفو منه المعلومات الخاصة بها
 

 

بالنسبة للخدمات, ف بورصة بما انها مدينة كبيرة, فيعتبر فيها كل حاجة يمكن تعوزها
مش هتلاقو مشاكل ف الموضوع ده يعني
 

 

بالنسبة للشغل, معنديش معلومات اوي عنه, لكن لو عايز تشتغل لازم يبقى معاك لغة تركية كويسة الاول, ثم قبل ما تيجي وتستقر هنا وتدور على شغل, تبقى عامل حسابك انك لازم تلف وتتعب عقبال ما تلاقى فرصة كويسة, لكن لو عالشغل العادي, الل هو مش هيخليك تحوش بس تصرف منه يا دوب ع نفسك, ف ده ممكن تلاقيه والله اعلم بسهولة. زي انك تشتغل جارسون او خلافه! انما لو عايز بقى تبقى مهندس او او.. ف الافضل انك تراسل شركات او مصانع من قبل ما تيجي عشان متلبسش يعني

 

انا معنديش خبرة ف الشغل ف مختلف المجالات ف مقدرش افتي, اما لو على مجالى والل هو هندسة معمارية, ف لو انت مهندس معماري كويس, وبتعرف تشتغل برامج كويس جدا, ف فرصة انك تلاقى شغل مش صعبة والله اعلم
..
دي كانت مقدمة بسيطة عن بورصة, الل حابب يعرف اكتر بقى يقدر يبحث فى ضوء الخطوط اللى كتبتها
 

ربنا معاكم ويوفق الجميع