عند تغيير عنوانك بتركيا , يجب عليك اتباع عددا من الخطوات , لتجنب أي نوع من المشاكل الإدارية مع إدارة الأمنيات التركية , نوردها هنا في المنشور الخاص بالدكتور أنس هشام

​

====================================================

​

طريقة تغير محل الأقامة فى نفس الولاية
 

لو حد فى أسطنبول وغير السكن , لازم تبلغ بالتغيير الجديد إلى تم علشان ممكن يحصلك ألغاء للاقامة لو عرفوا أنك غيرت من غير ما تبلغ

وممكن تدفع غرامة وأنت بتجدد لما تدخل عنوان جديد بتوصل لألف ليرة
 

وكمان لو دخلت عنوان جديد هيعملك مقابلة بدل ما تبعت ورقك بالبريد

 

دلوقتى مطلوب منك الخطوات ديه : 

​

• أول واحد هتاخد عقد السكن والأهم من عقد السكن هو فاتورة تكون بأسمك وتروح النفوس فى نفوس الفاتح فى ادارة الأمنيات الرئيسية بس على اللمين

• هتاخد العقد مع الفاتورة وتدخل لمين فى لمين أخر أوضه فى الوش هتلاقى هناك مكتب الى هتسجل فيه بياناتك الجديدة هيطلب منك الأقامة والعقد مش لازم يكون متنوتر والفاتورة

• طب لو مش معاك الفاتورة لازم إلى متسجل بأسمه الفاتورة بتاعت الشقة وعليها العنوان يروح معاك ويضيفك ويمضى

• بعدها هتاخد ورقة منهم

• الورقة دى هتطلع بيها على المختار

• المختار (مهتار ) ده زى شيخ الحارة بتاعت منطقتك المهم هتسأل أى محل فى الشارع إلى أنت ساكن فيه هتقوله المختار فين هيقلك طريقه

• هتروح تديله الورقة إلى أخدتها من النفوس

• هوهياخدها ويقلك شكرا يعنى كده أنت بقيت تبعى

• هتقله انا عاوز ورقة للأمنيات هيطلعلك ورقة مطبوعه عليها عنوان السكن وأسمك ورقم الأقامه ويختمها وتدفع 7 ليرة

• هتروح الأمنيات فى الفاتح الدور الأخير جنب السلم مباشرة هتلاقى أوضه مكتوب عليه تجديد المعلومات وهتلاقى طابور

• هتديله صورة الباسبور صورة الأقامة وصورة الورقة إلى أخدتها من المختار وأنت قاعد هيكون مغير معلومات السكن بتاعك على سستم الأقامه

• أوضه تغير المعلومات دى بتغير فيها برده لو أنت جددت الباسبور أو ضاعت منك الأقامه وعاوز تطلع واحده جديده أو غيرت أى معلومات فى الباسبور وعاوز تعدلها بس بيتطلب حجات تانية منها صوره شخصية

• مش عارف هل نفوس الفاتح تصلح لكل المناطق ولا لازم تلتزم بالنفوس إلى فى منطقتك

• هل تجديد المعلومات الخاصة بالاقامة ممكن تتم فى أمنيات الفاتح ولا لازم مكان الأمنيات إلى طلعت منها الأقامه لا أعلم