يعد الاختبار في السفارة خيارا مثاليا للعديد من الأسر الآتية حديثا , والتي لا تستطيع تحمل نفقات مدارس خاصة , وفي نفس الوقت لم يتمكن الطلاب بعد من تعلم اللغة التركية المطلوبة للمدارس الحكومية

 

وهنا عددا من المعلومات الهامة الخاصة بالاختبار في السفارة 

​

الامتحان في السفارة​

• ذات مصاريف بسيطة 

• لا توجد دراسة أكاديمية , لكن علي الطالب أن يذاكر وحده و يقوم بالاختبار في السفارة 

• التحصيل العلمي يكون ضعيف غالبا

• يتحتم علي احد الوالدين المذاكرة لابنه , او الاستعانة بالدروس الخاصة او المراكز التعليمية 

• يجب التوجد باسطنبول او انقرة وقت الامتحان

​

وننقل هنا منشورا هاما فيه تفاصيل التقديم لاختبارات السفارة 

​

=========================

هتكلم في البوست دة عن طريقة التقديم للأولاد في السفارة عشان يدرسوا المنهج المصري .

​

طريقة التقديم والأوراق المطلوبة :

• بتجيبوا بيان درجات من المدرسة و بعض الطوابع من البوسطة مدير المدرسة هيعرفكم ايه هما

• بتختموا بيان الدرجات من الادارة التعليمية .

• بتودوه مع شهادة ميلاد الطالب لمكتب سفريات في مصر يوثقه من الخارحية و قنصلية البلد اللي عاوزين تروحها .

• ولما بتوصلوا بسلامة الله بتقدم بيان الدرجات مع شهادة الميلاد مع صورة من بسبور الطالب وبتقدموهم للمركز الثقافي بتاع مصر مش عارفه هو فين في تركيا ابقوا اسألوا في السفارة

• بيخلوكم تدفعوا مبلغ معين في بنك تابع ليهم واول ما ياخدوا اوراق الطالب وتدفعوا الرسوم كدة الطالب بقى مشترك في نظام اختبارات ابنائنا في الخارج . 

•  تتابعوا صفحة المركز الثقافي المصري على الفيس وموقعهم هنا عشان بينزل عليه أرقام الجلوس و أسماء المدارس إللي الطلاب هيختبروا فيها 

• نظام إختبارات أبنائنا في الخارج لحد ثانية ثانوي بس وتالتة ثانوي بينزل الطالب يمتحن في مصر لان مفيش اختبار ثانوية عامة بيخرج بره مصر مش بيتوزع على سفارات .

• حضراتكم مش محتاجين تسيبوا اولادكم مقيدين في مدرسة في مصر هو بالتحاقه بنظام اختبارات ابنائنا في الخارج يعتبر بيدرس في مصر ولما بترجعوا بسلامة الله بيدخل مدرسته عادي جدا بدون اي معادلات 

• بس الطالب بيذاكر في البيت طول السنة مفيش مدارس تابعه للسفارة المصرية والطالب بيمتحن في المنهج كله مفيش نظام الترم وفي شهر 4 السفارة بتاجر مدرسة الطلاب بيختبروا فيها و بتطلع الشهادة من المركز الثقافي برده 

• والتقديم لنظام ابنائنا في الخارج ليه وقت لان الدراسة بتبدأ مع الدراسه في مصر بس بيخلصوا قبل مصر بيمتحنوا في اول أبريل 

• أعتقد إن التقديم هينتهي في شهر 11 التقديم مش مفتوح طول السنة

• أما رأي أنا الشخصي في إسلوب التعليم دة أنا برفضه أنا جربته سنه مع أولادي وتعبوا نفسيا من جلوسهم في البيت 

• وبعدين التعليم والمدرسة مش مجرد دروس ومعلومات الطالب يحفظهم المدرسة هي اللي بتكون شخصية الطالب وبتكون حقل لتطبيق فعلي للمعلومات و النصائح اللي بيتلقاها من معلميه ومن الكتب 

• إحنا في الخليج بنلجأ للسفارة لأن التعليم الحكومي سيء جدا لدرجة إنه أشبه بمحو الأمية  , إنما أنا شايفة ناس كتير بيشكروا في التعليم في تركيا وواضح من مستواها التكنولوجي والاقتصادي ليه بقة نلجأ لتعليم السفارة في تركيا ؟

​

وهنا الموقع الرسمي للحكومة المصرية , الخاصة بالتقديم لامتحانات السفارة

​

أما بالنسبة للحصول علي المنهج المصري , فيمكن تحميل جميع الكتب من هذا الموقع