غازي عنتاب محافظة حدوديه مع سوريا من جهة حلب فيها عدد سوريين ضخم جدااا و عراقيين الاقامات السياحية هنا للسوريين و العراقيين فقط مش بيدو اقامة للمصريين او اي جنسية اخرى. 

من حيث المساحه فهي كبيرة جدا ولسه فيها مناطق بتتعمر الايجار فيها بيبدأ من 250 في المناطق الفقيره ومن 700 في المناطق العادية. مفيهاش ازدحام كتير زي اسطنبول فيها مناطق شعبيه ومناطق هاديه.

 

فيها عدد طلاب كتير لانها فيها جامعتين كبار واحده حكومية و التانيه خاصة.

 

الاسعار فيها متوسطه كارت الباص 1.30 للطالب و 2.30 للعادي.

 

عنتاب فيها منطقة صناعية للمصانع فقط. الشغل هنا بيكون في مصانع الملابس و الكافيهات اكتر حاجه.

​

الدراسة في جامعة غازي عنتاب احسن كليات فيها الهندسة بالانجليزي بتبدأ من مجموع 80% و الطب من 90‰ الاسعار كل سنة بترتفع.

 

القبول فيها سهل إلا الطب القبول فيه صعب جدا مع ان المستوى مش عالي. الطب فيه تركي و انجليزي 

بالنسبة للطلاب شهريا متوسط 700tl تكفي. سكن الجامعه 280tl شامل الاكل 

الايجارات جنب الجامعه بتبدأ من 700tl لو 1+1 و طبعا في يورتات خاصة بتدأ من 300tl

شعبها بيحب الطلاب كا عادة الاتراك مش بيحبو العرب عمتا بس مافيش مشاكل بينهم الا المناطق الشعبيه ممكن.

 

التنقل سهل جدا و متوفر دائما و الترام بيجيب بيجبها من اولها لأخرها.

فيها شغل كتير بس علشان السورسين والعراقيين كتير مش بيكون سهل.