مجموعة من المعلومات المهمة عن الإقامة الإنسانية  :

​

• أولا هي معمولة للي ميقدروش يرجعوا بلادهم بسبب الظروف السياسية  

​

• بتروح أمنيات فاتح وتقدم فيها في قسم خاص هناك , مجرد متروح وتقول "إنساني إقاميت" هيفهمك , ممكن تروح تقدم ميرضوش يقدمولك , فلازم يكون حد عارف في الحاجات ديه معاك

​

• هيجيبولك حد بيتكلم عربي , تقوله انا مقدرش ارجع بلادي لاسباب كذا كذا كذا

​

• هيدرسوا حالتك والموضوع هياخد فترة طويلة , ممكن 5 او 6 شهور لغاية لما ييجي الرد

​

• فيه احتمال برفض الإقامة لو مقتنعوش بحالتك

​

• مش مطلوب انك تعمل تأمين صحي عشان تعمل الإقامة زي باقي انواع الإقامات

​

• اي حد يعمل إقامة إنساني بيكون ليه الحق يتعالج في المستشفيات الحكومية مجانا , يعمل ورقة من الوالي ان معاه إقامة إنساني , وبيها يروح اي مستشفي حكومي يتعالج فيه

​

•  لو عايز يسافر من مدينة لمدينة  , او خارج تركيا , فلازم يروح الوالي يجيب ورقة بالموافقة علي السفر . لكن ممنوع يرجع مصر 

​​​

• لو سافرت لمصر حتي لو عن طريق دولة تانية احتمال يحصلك مشكلة في مصر او في تركيا , في مصر عشان هيعرفوا انك مغضوب عليك من النظام المصري  

​

• ولو عرفت ترجع تركيا , و الظابط مسك جواز سفرك ولقي ان فيه ختم دخول لمصر بتاريخ بعد تاريخ اقامتك الانسانية , احتمال يسحبوها منك لاقتناعهم انك لا تستحقها بدليل انك نزلت مصر

​

• ميزتها انها من غير مصاريف 

​

• ميزتها كمان انك ممكن تعملها لو كاسر فيزا , لما يستحيل عندك انك تعمل السياحي

​

• من عيوبها , ان في اي انتخابات في تركيا , لو لأي سبب جه حزب الشعب الجمهوري اللي هو مؤيد تماما للسيسي وكاره لمرسي , لو فاز الحزب ده بنسبة اكبر , احتمال كبير يحصل تقارب تركي مصري , ساعتها كل اللي واخدين انسانية هيبقو في مشكلة كبيرة

​

==========================

​

فرايي الشخصي , محدش يقدم علي الانسانية لخطورتها وعدم استقرارها علي الاطلاق , السياحي اضمن كتير , ولو انت كاسر فيزا قدم علي الانسانية , ولما تاخدها قدم علي السياحي فورا , ولو خدت السياحي هتبقي في امان