مدينة إنيغول inegol

تابعة لبورصا بتبعد عنها 30 لل 40 دقيقة بالباص عدد سكانها 315 ألف بالإضافة لنسبة من 12 حتى 16 ألف سوري

فيها تشتهر بصناعة الموبيليا أثاث المنازل من غرف نوم و غرف جلوس ... الخ

بل تعتبر برأيي عاصمة صناعة الموبيليا بتركيا فيها مدينتين صناعيات 90% من المصانع موبيليا و مشتقاتها
أغلب السوريين بل معظمهم يعملون بهذه المصانع

الرواتب تبدأ من 1300 ليرة على الأقل للعمال الجدد و تصل حتى 2500 ليرة لبعض الأختصاصات بالموبيليا
لو عندك خبرة بصناعة غرف النوم و غرف الجلوس

لو كنت بخاخ موبيليا (بويا) أو فراش (منجد) أو اي حاجه متعلقة بأمور الموبيليا نصيحتي الك تفضل على إنيغول
في سكن مشترك شبابي من 200 حتى 300 ليرة شامل كل الفواتير

الأكل رخيص و ما بتحتاج للمواصلات كتير لانه المدينة صغيرة فيها مشفى حكومي رائع وكبير تم بناءه من 3 سنوات يمكن أفخم من المشافي الخاصة ببلادنا العربية

مستوى المدارس و التعليم ممتاز

مستوى النظافة رهيييييب جدا جدا

السلبيات في هذه المدينة هي ارتفاع أجار المنازل و حتى هناك ازمة سكن يعني بدك تتعذب شوي لتلاقي بيت

و الشغل ب3 اشهر بالشتاء بينخفض و في بعض المعامل الصغيرة بتوقف عدة اسابيع

لازم وقت تشتغل تسأل اذا كان الشغل دائم الا في وقفات

طبعاً أنا بقالي 4 سنوات مقيم فيها و الحمدلله ما شفنا شي من الأتراك الا كل خير و ساعدونا كتير