منهج التومر
هي شهادة اللغة التركي ، شبيهة بالايلتس في الانجليزي ، و التيف في الفرنسي ، بس الفرق ان الايلتس هو مجرد اختبار ، يعني انت ذاكر باي طريقة انت عايزها ، روح امتحن في المركز الثقافي البريطاني . .
التومر مش كدة . .
التومر لازم تحضر بنفسك المحاضرات ، و فيه نسب للغياب ، لو عديتها مش هتعدي المستوي ، وهكذا . .
التومر ٥ مستويات هي :
A1
A2
B1
B2
C1
كل مستوي بيقعد تقريبا 5 او 6 اسابيع ، الدراسة بتكون 5 ايام في الاسبوع ، حوالي 4 ساعات في اليوم . . .
بعد كل مستوي بتمتحن امتحانين ، شفوي و تحريري ، و لو نجحت في المستوي ، بتدخل المستوي اللي بعده . .
.
اغلب الجامعات بتبدا التومر في اول اكتوبر ، يعني انت لو مشيت في المستويات واحد ورا التاني بشكل طبيعي هتخلص تقريبا علي شهر 5 . .
اغلب الجامعات اللي بيدرس التومر فيها اتراك ، و بيتعمدو يجيبو اتراك مش بيتكلمو عربي ولا انجليزي ، يعني مش هتسمع الا تركي في الكلاس . . .
رسوم التومر بتتراوح من 600 ل 1500 ليرة في المستوي الواحد ، حسب مستوي الجامعة . . .
و التومر غالبا بيتطلب لما تيجي تقدم علي جامعة حكومية . . .
و ستجد العديد من مراكز و جامعات لتعلم التومر في تركيا , لكن عليك أن تتأكد من كفاءة التعليم لدي المركز الذي ستقدم فيه
و نقوم هنا بنقل منشور هام , للدكتور أنس , عن تفاصيل دراسة التومبر بجامعة محمد الفاتح باسطنبول :
لتعلم اللغة فى معهد تومر الخاص بجامعة الفاتح سلطان محمد FSM , هنا الرابط
الكورس ٥ مستويات . المستوى ٦٥٠ ليرة , والمستوى يستغرق ٧ اسابيع
ممكن عمل امتحان تحديد مستوى وعليه تدخل المستوى الاعلى , و لو انت في مصر ممكن يدفع مستوى من على اى بنك للحساب ويضاف تمن الدعوة ١٦٠ ليرة , يعنى المجمل ٨١٠ ليرة ويرسل الوصل مع صورة الجواز الى الجامعة , والجامعة هتبعت الدعوة للسفارة وليك علشان تاخد تاشيرة طالب لغة
التواصل ديركت مع الجامعة , يعنى مفيش مكتب هياخد كومسيون او اى شيء , الى مش بيعرف تركى
يتواصل معاهم عربى فيه موظفين فى المكتب بيتكلموا عربى
دى جروبات المعهد على الفيس هنا جروب الطلبة وهنا صفحة الادارة
انصح الناس الى لسه هتقدم تذاكر من تركيا جنة الارض وتخلص مستويان وتمتحن تحديد مستوى هتوفر على الاقل المستوى الاول وتدخل على التانى
----------------------------------------------------------
وننقل هنا منشور هام لمحمد الفاتح
ده بوست فيه الملفات الهامة للبدأ في تعلم اللغة التركية بطريقة فعالة و إعتماداً على النفس
أولاً كتاب Teach Yourself Turkısh
كتب teach yourself من انجح و افيد الكتب في تعلم اللغات بدون معلم بطريقة اكاديمية و ليست مجرد كلمات
طب ابدأ ازاي ...
هتبدأ في الكتاب ده و تهتم بالمقدمة اللي فيه اوي و تمسك بعد كده وحدة وحدة ...هو 16 وحدة ..كل وحدة فيها 2 محادثة بالملف ال mp3 بتاعهم بعد كده هتلاقي تعليق على مثلا لو فيه كلام في المحادثة الاتراك بيقولوه في حياتهم اليومية او تعبيرات خاصة بالاتراك ..
بعد كده شرح القواعد و بعد كده تدريبات
لو مسكت كل يوم وحدة لمدة ساعتين في اقل من 3 اسابيع هتقدر تتعامل مع الاتراك و هينبهروا بيك عن تجربة و هتفك الخط بصورة كبيرة جداا
طب في الشرح هتلاقي كلمات مكتوبة بالتركي و ملهاش ملف mp3 و عايز تعرف تنطقها زي الاتراك هتعمل ايه ....!!
محلولة هتتدخل على الموقع ده و تكتب الكلمة هتلاقي نطقها و كذا واحد تركي ناطقها
و لو عايز تعرف معنى اي كلمة مش لاقي معناها في الكتاب ...هتدخل على الموقع ده
الموقع ده في كذا مود ترجمة تركي انجليزي ...و تركي عربي ...و إنجليزي عربي
انا بافضل إنك تستخدم تركي انجليزي ...عشان بيجيب الزمن المرادف في الانجليزي
او تقدر تقول في الترجمة التركي انجليزي أدق من العربي
ال 3 مصادر دول مبدئياً هيخلوك تقف على رجلك و هيوفروا وقت و مجهود كبير بإذن الله
في 3 ملفات تانيين هرفعهم بس دول لازم تكون بدأت في الكتاب ده الاول
----------------------------------------------------------
وهنا منهج هيتيت , بالكتب و الاسطوانة :
المنهج الأول :
المنهج الثاني :
المنهج الثالث :