و هنا هنلاقي مجموعة من الصورة اللي فيها تفاصيل بعض المعالم السياحية بتركيا
أماكن سياحية باسطنبول
لدي اسطنبول عدد لا ينتهي من الأماكن الجذابة , والتي تستحق زيارتها مرارا , ونورد هنا بعضا منها
=====================================
1 - شاطئ شيلا
في الجزء الاسيوي من اسطنبول , مكانه هنا
فيها شاطئ للنزول , و صخور للقعاد للمياه , هنا صور ليها
عشان تروحها اركب لاوسكودار , ومنها اتوبيس 139 او 139A
وهنا المسار بتاعه
الاتوبيس ب 10 ليرة , بس اول ما توصل احجز للرجوع سريعا عشان الاتوبيسات محدودة
=====================================
2 - جزر الاميرات
هما 9 جزر موجودين في الجزء الاسيوي من اسطنبول , مكانهم هنا
مفيهاش شاطئ للنزول , بس مكان للجلوس علي البحر , اوطلوع الجبال هناك , ده غير الرحلة البحرية ليها , وهنا صور ليها
عشان تروحها تروح كاباتاش اخر خط الترام ,وتاخد من هناك المركب اللي يتروح Adalar اللي هي الجزر بالتركي , المركب ب 6 او7 ليرة , بس مواعيدها قليلة في اليوم
او خد المتروبوس لاخر محطة سويوتلوتشيشمي , ومنها خد اتوبيس رقم 4 اللي بيروح لاخر محطة اللي هي بوستانجي , وده مساره
و الميناء هنا
ومن هناك هتلاقي كل ربع ساعة مركبة رايحة الجزر ديه , وب 2 ليرة و نص
=====================================
3 - قصر طوبكابي
وهو من اجمل متاحف تركيا
موجود في منطقة السلطان احمد في اسطنبول الاوروبية , مكانه هنا
وفيه كمية كبيرة من الاثريات التركية و الاسلامية , محتاج 3 ايام لوحده عشان تخلصه , و ديه صور منه
هنا الموقع الخاص بالمتحف
المتحف هيكون اجازة اول يوم العيد , بعد كدة هو متاح , التذكرة ب 40 او 65 ليرة , حسب الاقسام اللي هتشوفها , والمواعيد من 9 صباحا ل 7 مساء
عشان تروحه اركب الترام لمحطة سلطان احمد , واتمشي ورا جامع السلطان احمد علي طول
=====================================
4 - متحف مينيا تورك
متحف كبير , فيه نماذج صغيرة لكل الاماكن الاثرية في تركيا و بعض الاثار في العالم
هنا صور ليها
هنا مكانه , في منطقة باياوغلو
عشان تروح هناك , اركب المتروبوس لمحطة اوكمايدان , وخد تاكسي قوله مينياتورك
او من امينونو فيه كذا اتوبيس بيروح هناك زي 47 , 47E , 47C
التذكرة ب 10 ليرة , والمكان بيطل علي الخليج مباشرة
=====================================
5 - حديقة يلديز
حديقة جميلة , فيها غابات و شلالات و بحيرة , هنا صورها
وهنا مكانها في منطقة باشيكتاش
لو هتروح بالمتروبوس , انزل محطة زينجيرليكويو , اخر محطة في اوروبا , وخد تاكسي ليها علي طول
او خد الترام لاخر محطة فيه , كاباتاش , وخد اي اتوبيس رايح لاورتاكوي وتنزل محطة
YAHYA EFENDİ
وتتمشي حاجة بسيطة
=====================================
6 - شاطئ كليوس
شاطئ جميل علي البحر الاسود ,هنا مكانه
فيه شاطئ لنزول المياه , وكافيتريات و مطاعم سمك
عشان تروحه خد مترو تقسيم لاخر محطة , اللي اسمها حاجي عثمان , ومنها خد اتوبيس 151 , وهنا مساره
وانزل محطة
KİLYOS MERKEZ
وهنا صور للشاطئ
=====================================
7 - شاطئ فلوريا
موجود بين فلوريا و جينيت محاليسي , هنا بالظبط
المكان ده مفيهوش نزول مياه , صخور للجلوس بس , ولو عايزنزول مياه هيكون جنبه بشوية , في شاطئ مينيكشي هنا
عشان تروحه , اركب المتروبوس لمحطة كوتشوكتشيكميجي , او جنيت محاليسي , و منها اتمشي شوية او خد تاكسي
والمنطقة مشهورة بالشوي , و العجل و الباتيناج و هنا صور ليها
=====================================
8 - شاطئ ريفا
مكان جميل , علي البحر الاسود في اسطنبول الاسيوية , وهو مصب لنهر تشاياجيز في البحر الاسود
و هنا صورها
عشان تروحه , اركب من كاديكوي , او من متروبوس اوزونتشاير اتوبيس
15BK
وانزل محطة
SU ÜRÜNLERİ
و منها خد اتوبيس 137
وانزل محطة
RİVA
و هنا مسار الاتوبيس
=====================================
9 - غابات بلجراد
من اكبر غابات اسطنبول ، موجودة في منطقة باهتشيكوي ، جنب سارير في اسطنبول الاوروبية ، هنا مكانها
وهنا صور ليها
مكان رائع انك تقعد اليوم كله هناك ، غابات حقيقية ، و بحيرة جميلة
عشان تروحها ، اركب لتقسيم , ومن هناك اركب اتوبيس 42T
واللي مساره من هنا
وانزل الاخر هتلاقي اول الحديقة
=====================================
10 - سابانجا
مدينة جميلة خارج اسطنبول و تبعد عنها حوالي ١٠٠ كيلو ، محتاجة اكتر من زيارة ، فيها بحيرة مياه ، وهنا صور ليها
افضل طريقة انك تروح سابانجا عن طريق القطر اللي بيطلع من اسطنبول لسكاريا و بيعدي علي سابانجا
اول حاجة تدخل تحجز تذكرة اونلاين من هنا
اختار اللغة انجليش ، و اكتب من
Pendik
الي
Sapanca
اختار المعاد و رقم الكرسي و هتلاقي التذكرة رايح جاي ب ٢٥ ليرة تقريبا ، وتدفع بالكريديت
لو مش معاك كريديت ، ممكن تروح محطة القطر نفسها و تحجز تذكرة ، بس متضمنش هيكون فاضي ولا لا
القطر بيطلع من مدينة بينديك في اسيا ، عشان تروحها ، اركب المتروبوس و انزل محطة اوزونتشايير في اسيا ، و اركب من هناك المترو وانزل اخر محطة كارتال ، و من كارتال اركب اتوبيس 17B وتنزل بعد ٨ محطات بالظبط في محطة YHT Pendik هنا بالظبط
القطر جميل جدا و بياخد ساعة تقريبا في المشوار ، انزل محطة سابانجا هنا
ولما تنزل اتمشي لغاية شاطئ البحر هنا
هتلاقي هناك كافيتيريات و مطاعم و جيلاتي و مسجد و كل حاجة
بعدها خد تاكسي لشلالات ناطور كوي هنا
صورها هنا
المسافة مش كبيرة ، حوالي ٦ كيلو
كمان فيه منتج مورادي هنا
ولما تخلص ترجع محطة القطر اللي هنا
=====================================
11 - مول فينيسيا
مول كبير ، معمول علي شكل مدينة فينيسيا الايطالية ، بحيث فيه اكتر من قناة مائية ، و فيه مراكب الواحد ممكن يركبها تمشي فيهم . .
هنا صور ليه
المول مفيهوش مزارات ، بس مولات و محلات و الاسعار غالية شوية لان الخليجيين هناك كتير جدا ، بس الواحد ممكن يتمشي في الممرات هناك ، او يركب المركب هناك ، و تقريبا هي ب ٣٠ ليرة للاربع افراد لمدة ٥ دقايق
هنا مكانه
اركب المتروبوس لمحطة اديرنه كابي ، و منه اركب الترام التاني بتاع مسجد السلام ، و تنزل محطة ميتريس Metris
او لو انت ساكن في اكسراي اركب الترام الاول لطوبكابي و غير منه للترام التاني
ولو انت في الفاتح ، اركب اي باص رايح محطة شهيتلير للترام التاني
=====================================
12 - حديقة الحيوان
انا مرحتهاش بس ناس كتير مشكرتش فيها
موجودة في الجانب الاسيوي ، هنا
اركب من اكسراي المرمراي ، انزل الاخر ، بعدها اركب المترو الاسيوي ، لمحطة كارتال ، بعدها اركب اتوبيس 17B وانزل محطة Şeker Sokak و اتمشي شوية
=====================================
13 - شاطئ كارابورون
شاطئ مجاني جميل علي البحر الاسود ، صوره هنا
هنا مكانه
اركب المتروبوس لمحطة اديرنه كابي ، و منه اركب الترام التاني بتاع مسجد السلام ، و انزل الاخر ، و منه اركب اتوبيس 336K , و انزل محطة Karaburun Limanı
او لو انت ساكن في اكسراي اركب الترام الاول لطوبكابي و غير منه للترام التاني
ولو انت في الفاتح ، اركب اي باص رايح محطة شهيتلير للترام التاني
=====================================
14 - صابانجا و معشوقية
أولا أتحركت بالعربية الساعه 12 إلى معشوقية الطريق أخد حوالى ساعة ونصف السرعة بالعربية من أسطنبول على 120 والطريق جميل ومناظره تسليك
وصلت لمنطقه المطعم إلى على الشلات الصغيرة ومنطقة الألعاب للكبار والصغار
وهنا اللوكيشن بتاعها
قعدنا فيها شوية بعدها كملت بالعربية لأعلى قمة الجبل منتجع كارتبا هنا
السواقة شيقة جدااا وأنت طالع الجبل الأرتفاع عالى جدااا , الدخول للعربية 20 ليرة
بعدها بتركب التلفريك كويس ورخيص مش غالى , بعدها نزلنا بالعربية مسافة 40 د منهم 20 د نزول من على الجبل , ورحنا منطقة ناتوركوي هنا
وده مطعم وسط شلالات كتير بس كبير والقاعده فيه مريحه وانت رايح هتعدى على مصنع لتعبئة الميه الجبلية
شربنا عصائر بس شفت أسعار الأكل مش غالى ومش رخيص , يعنى وجبة مشويات الفرد 48 ليره بس مش عارف هتباه فى الواقع شكلها يشبع ولا لاه
أنتهينا طلعنا على ساحل سابنجا وهنا اللوكيشن بتاع أول الساحل إلى هوالممشى
هتتمشى هناك لحد أخره الممشى مش كبير والقاعده عليها ووشك للبحيرة متعة ما شاء الله
كنا ريحين متأخرين وصلت على 6 كانت البدالات إلى بتنزل البحيرة أتوقفت أخدت مركب ونزلت برده
الجو كان جميل ومكنش زحمه وفيه قاعدت كويسه
هتلقوا مطاعم كتير طول الممشى بس كان فيه واحد عامل قاعده جوه البحر , متدخلوش فيه لأنه غالى وده عرفته بعد التدبيسه
فيه واحد بعديه عامل قعده على هيئة سفينة وبرده على البحر سندوتش السمك ب 8 ليره , وهتلاقوا منطقه كفتريا فى الممشى وهى الوحيده إلى برده على البحر مباشره دى بتاعت البلدية ودى أرخص أسعار للمشروبات فى الممشى
=====================================
15 - حديقة كوتشوكتشيكميجي
بغض النظر عن اسمها اللي يخوف , بس المكان جميل جدا , و بيطل علي بحر مرمرة , وخليج كوتشوكتشيكميجي مع بعض
هنا المكان
و ممكن تركبله المتروبوس لمحطة IBB اللي قبل افجلار بمحطتين , وتنزل و تتمشي مسافة صغيرة
حديقة مجانية ضخمة فيها ملاعب و جناين , ومسجد و أماكن للشوي , وقعاد علي البحر بس مفيش نزول
