واللي المفروض هتطبعها و تروح بيها

​

وخد بالك لو الموقع مرضيش يعمل موعد , يبقي الموقع مهنج  ,او مفيش مواعيد فيه , فيا إما تحاول مرة تانية , او تشوف مكتب و تريح دماغك 

​

============================================

 

طيب انا كدة حجزت الموعد , اعمل ايه بقي يوم المقابلة

هنا اخونا المهندس محمد سعودي حكالنا بالتفصيل تعمل ايه يوم المقابلة :

 

الخطوة اﻷخيرة فى تقديم أوراق الإقامة

الراندفو . الموعد . المقابلة. اﻷوراق المطلوبة

- ازاى توصل ؟

بالمترو تنزل أمنيات فاتح Emniyet Fatih وتخرج تعدى الطريق وتمشى 3 دقايق هتلاقيها على اليمين.

لو جاى باتوبيس رايح فى اتجاه يوسف باشا اكسراي زى مثلا 76D

ممكن تنزل أى محطة من دول (فينديكازى - هاسكي - يوسف باشا - اكسراي ) هاسكي وفينديكازى أقرب عشان متمشيش كتير إنما أى واحدة منهم هتوصلك ان شاء الله.

​

​

بعد متنزل من الاتوبيس هتعدى الناحية التانية من الطريق بعد الترام والاتجاه العكسي وتدخل أى شارع قصادك تمشى حوالى 200 متر لحد الشارع ميخلص بحيث تروح فى الاتجاه التانى خالص بتاع المنطقة دى اللى هو لو مشيت يمينه طوالى هتلاقي اكسراي. امشى انت بقه شمال طوالى حوالى 7 دقايق كمان هتلاقى المبنى على اليمين (هتعدى الطريق بردو) جنب بوليس استنبول

​

ولو انت فى اكسراى نفس الكلام. هتخلى محطة مترو اكسراى فى ظهرك وتمشى طوالى على الرصيف اليمين. لحد متوصل.

 

ممكن وانت ماشى تسأل اى حد لو توهت او للتأكيد. قوله استنبول بوليس أو اقامات (بالعربى والتركي زي بعض) . لو متعرفش تركي مش هتفهم منه أى حاجة طبعا بس هيشاورلك على الاتجاه على الأقل

 

​

اجمالا التجربة فى المكان كانت سيئة.

 

انا كان موعدى فى الاستمارة الساعة 4 . انا قلت تركيا وبتاع أكيد نظام هروح فى موعدى هلاقى الموظف مستنينى

 

المهم روحت انا الساعة 2 طلع الموعد اللى فى الورقة ملوش أى لزمة. اللى بيجي الأول بياخد دوره ويدخل.

 

الصدمة التانية انى قلت أكيد عاملين حسابهم والموظفين بتكلموا عربى وانجليزى وتركي أو على الأقل انجليزى وتركى . مع الأسف تركي فقط.

 

المكان مش منظم. أو شبه منظم. بس أسوأ مصلحة حكومية دخلتها فى تركيا حتى الآن( لا اقارن بمصر - اقارن بباقى تركيا). ماشيين طوابير. ومفيش نظام انك تاخد الرقم وتقعد تستنى دورك كما تعودنا فى تركيا.

 

الموظف بينادي على اللى عليه الدور وبينادي فى سره . اضطريت كل شوية اقوم من الكرسي واروح جنب الباب أشوف ناقص اد إيه. المفروض انهم بينادوا بس معرفش مسمعتش حد.

فالمهم انت أول متدخل المبنى بتطلع الدور التانى تروح على مكتب الاستقبال أول متدخل هيديك رقم مثلا

D-32 -16

 

 

ده معناه انك هتروح على غرفة رقم D على الموظف رقم 32 جواها بيكونوا كاتبين الرقم على شاشة الكمبيوتر بتاعته بشكل واضح كبير. وانت رقم 16 عنده. هتروح تديله الورق وتستنبط من الورق اللى قدامه قدامك حوالى كام واحد أو تشوف آخر واحد كان رقمه كام وتنتظر وتتابع على الباب.

 

قعدت ساعتين فى الحوار ده. وكان موظف بارد وبطيء مع أنه شاب و كمان بيستخدموا انترنت اكسبلورر يعنى برود موظف وبطء وبرود براوزر. لحين الموظف مخلص كانت الساعة بقت 4 نزلت لقيت الخزينة قفلت اضطريت اجى تاني يوم مرة تانية. وصلت 12:15 كانت الخزنة فى البريك وقفت طابور تانى رخم على الخزنة لحد مدفعت خدت بتاع ساعة كمان فى الطابور ده.

 

 

فاللى يروح يحاول ميروحش وقت البريك. يعنى تكون هناك على 9 او 1:30 لو مش هتقدر بدرى

المفروض قاللى ادفع 55 ليرة. الراجل بتاع الخزنة قاللى 85 وكتبلى ايصال فعلا بالمبلغ ده (ضرب فى جيبه 1.5 ليره عشان الوصل كان مكتوب فيه 83 وكسر)

 

المهم بعد متدفع وتاخد الايصال هتطلع بيه تانى مع الورق بتاعك كامل اللى المفروض الموظف راجعه ودبسه واداهولك وتديه تانى للموظف وتنتظر شوية لو في ايده حد يخلصه ويناديلك. هتقعد معاه 5 دقايق كمان او 10 هيطبعلك الاستمارة ويحط عليها صورتك ويديهالك والحمد لله . اوعا تمشي لسه

المفاجاة التالتة اللى فكرتنى بأم الدنيا انك لازم تاخد الورقة دى تختمها من مكتب تانى

 

مكتب صغير كده على جنب. الصراحة مخدتش فى ولا دقيقة وريته الورقة ختمها ختمين على الصورة وعلى امضاء الموظف التانى. أخدت الورقة ومشيت الحمد لله . المفروض بعد كام يوم(معرفش كام بالظبط) بروح استلم كارت الاقامة الأحمر ده لما اعرف هقولكم.

 

ملحوظة : ممكن يكون الطوابير والتأخير سوء حظ بالنسبة ليا أو سوء توقيت. ممكن ميحصلش ده فى حالتك.

​

================================

​

ولو المقابلة عدت علي خير يبقي كويس جدا , هيسلمك الموظف استمارة بالعرض فيها صورتك , وكدة خلاص الاقامة تمت , وهتستلمها خلال اسبوعين , ان هتيجي رسالة علي الموبايل المتسجل في استمارة الاقامة , فيها كود , تعمله تراكنج من موقع البي تي تي من هنا 

​

ومنها تعرف الاقامة في انهي مكتب بريد , وتستلمها 

 

لو في المقابلة فيه اي ورق ناقص , الموظف مش هيستلم منك حاجة , وهيكتبلك علي الملف من برة الورق الناقص عشان تجيبه خلال شهر بالكتير

​

​

​

================================

​

​

أما تجديد الإقامة فهو بخطوات قريبة من ده 

​

الاقامة السياحية لازم يتم تجديدها قبل ما تنتهي ، و ممكن الواحد يبدا يجددها قبل ما تنتهي بشهرين ، لغاية قبل ما تنتهي بيوم واحد . . .

​

​

يعني لو اقامتك هتخلص يوم ١ اغسطس ٢٠١٨ ، فممكن تبدا تجددها بداية من ١ يونيو ٢٠١٨ ، لغاية ٣١ يوليو ٢٠١٨ . . .

​

​

بس خد بالك من حاجة ، كتير بيكون الموقع مهنك او فيه مشاكل ، فانت لو بدات تجددها قبل ما تخلص بيوم او يومين ، فممكن متعرفش تخلص الخطوات ، وهوب تلاقي الاقامة خلصت ، فيعتبرك كاسر ، و يقولك مع السلامة

​

​

فحضرتك ابدا جددها قبل ما تخلص بشهر مثلا ، و ياريت شهرين . . .

طب اجددها ازاي ؟ ؟

​

اولا ادخل الموقع هنا

​

هيطلب منك عدد من المعلومات وهي :

​

•  اول حرفين من اسمك الاول

• اول حرفين من اسمك الاخير (ودول اكتبهم بالظبط زي ما هما في الاقامة الحالية ، حتي لو متغيرين عن الباسبور )

• الجنسية 

• رقم      Foreigners ID No     و ده الرقم اللي في وش الاقامة اللي بيبدا ب ٩٩

• حرف    Residence Permit Card Serial Number ،   و هنا تكتب الحرف اللي موجود في الاقامة تحت علي الشمال ، و غالبا بيكون حرف A

• رقم    Residence Permit Card Number  وهنا تكتب الرقم اللي جنب الحرف ، اللي غالبا بيكون ٥ او ٦ ارقام

​

بعدها تكتب ايميل او تليفون (يفضل ايميل )، و تعمل علامة صح علي

i'm not robot

 

لو بياناتك مظبوطة ، و فاضل اقل من شهرين علي انتهاء اقامتك ، ساعتها هيبعت لينك وكود علي الايميل اللي انت دخلته . . .

​

افتح الايميل ، ودوس علي اللينك و دخل الكود . .

.

و هنا الموقع هيفتحلك استمارات مشابهة جدا للي انت عملتها لما جيت تعمل اقامة اول مرة ،

​

 

دخل كل البيانات الجديدة ، واعمل ابلود لصورة ليك ، و امشي علي نفس الخطوات اللي مكتوبة في البوست ، واختار في الاخر المدة اللي انت عايز تعمل الاقامة ليها ( سنة او سنتين )

​

لو انت دخلت نفس بيانات المرة اللي فاتت بالظبط ، من غير اي تغيير ، نفس العنوان ، رقك الباسبور ، و هكذا ، فالموقع هيبعتلك استمارة ، تطبعها ، و تبعت ورقك بالبي تي تي

​

اول حاجة تعملها ، انك تحمل الاستمارة اللي هيبعتهالك ، وتطبعها ، و تمضيها بايدك (لازم تمضيها بنفسك ) ، و تجيب باقي ورقك وهو :

​

•  حساب بنكي ( احيانا مش بيطلبوه )

•  صورة من عقد ايجار موثق ( لازم يكون ساري لنهاية فترة الاقامة المطلوبة )

• ورقة عدلية ( مكتوب تفاصيلها في البوست القديم )

•  تامين صحي ( برضة يكون ساري لنهاية فترة الاقامة المطلوبة )

•  ٣ صور شخصية 

• وصل بمصاريف الاقامة ( انت تطبع الاستمارة الاولي ، و تروح اي فيرجي اداري قريبة منك ، و هتدفعها هناك وتجيب الوصل )

​

تاخد الورق ده كله ، و تروح اي بي تي تي جنبك ، و تقول عايز ابعته علي 
Istanbul iL Goc Idaresi

​

​

الموظفه هتفهم انت عايز ايه ، تكتب العنوان السليم

​

بس لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم لازم الورق كله يخلص و يتبعت خلال ٥ ايام من تاريخ ما عملت التجديد علي الموقع

​

​

و اتاكد انك تكون حاطط رقم تليفون سليم في الاستمارة الاولي ، عشان هيبعتولك عليه التفاصيل

لو ورقك كامل هتلاقي رسالة اتبعتت ان الاقامة وصلت في مكان كذا في البي تي تي تعالي استملها

لو حاجة ناقصة هيتصلو بيك ان تعالي الامنيات يوم كذا عشان تجيب كذا ناقص

​

==================================

​

كل ده في حالة ان الموقع نفسه قالك ابعت ورق التجديد بالبي تي تي

​

طب في حالة الموقع قالك لازم تعمل موعد ؟ ؟

​

ساعتها مش هينفع تبعت بالبي تي تي ، لازم تحدد موعد ، و برضه تحمل الاستمارة و تطبعها و تمضيها ، و تعمل نفس الورق اللي فات بالظبط من غير اي تغيير ، بس الفرق انك هتروح موعد ، مش هتبعته بالبي تي تي

​

و في الموعد لو ورقك كامل هتستلم وصل ، ولو فيه حاجة ناقصة هيقولولك عليها . . .

​

==================================

​

طب انا كنت عامل اقامة في محافظة و عايز اجدد في محافظة تانية اعمل ايه ؟ ؟

​

نفس الخطوات بالظبط ، دخل بياناتك ، ولما تيجي في العنوان الجديد اختار المحافظة الجديدة و العنوان فيها ، و ده اوتوماتيك هيخلي التجديد بالمقابلة مش بالبي تي تي

​

طب انا عامل باسبور جديد ، نفس الحوار ، دخل بياناته الجديدة

​

​

==================================

​

طيب لو الإقامة ضاعت ؟ 

​

لو الاقامة ضاعت تروح القسم تعمل محضر وبعدين تاخده , وتاخد صورتين شخصية , مع جواز السفر أصل وصورة مع الورقة اللي أخدتها بعد إنهاء إجراءات الإقامة (صورة)  مع ورقة معلومات عنوان السكن  Adrss bilgisi  و65 ليرة ...

​

ولو أنت تبع أمنيات الفاتح هتطلع الدو التالت اول مكتب على اليمين أمام الأسانسير  مكتوب عليهاkayıp ikaması

​

هتاخد رقم وتستني دورك وتدخل وتقدم الورق وتقول  Kızım ikaması kayıp etti
 

هياخدوا منك الأوراق وهيديوك وصل تدفعي به في الخزينة تروحي تتدفع وترجعي للمكتب تاني هياخد منك الوصل ويقولك هتوصل لبيتك خلال شهر

​