لأن القانون الفيديرالي الأمريكي يكفل لأي طفل مولود بالولايات المتحدة , اكتساب الجنسية الأمريكية فورا , فكثيرا من الأسر ترغب في منح أطفالها هذه الفرصة الكبيرة . . 

​

لذا ننقل هنا مقالات هامة في هذا الشأن :

​

==============================

​

السلام عليكم..

انا أحمد حسني اسمحولى بعرض الموضوع ده.. اعتقد انه يهم ناس كتير دلوقتى بما اننا لبسنا فى الحيط والحمد لله.

​

انا مهندس كمبيوتر عايش فى باريس الشرق (الرياض).. قررت انى مش هكرر غلطة ابويا لما ادانى الباسبور الاخضر.. الجيل الجديد من حقه يعيش ويتعامل بادميه , قررت ان اولادى يبقوا امريكان..

​

مش هنتكلم عن الفيزا.. هفترض ان معاك فيزا فعلا.. وان مراتك حامل في الشهور الأولى (او مخططين للحمل).. وحضرتك عاوز تسافر علشان مراتك تولد هناك ومن ثم ابنك يحمل جواز سفر ازرق رائع يعيش بيه آمن في اى مكان.

​

في الأول.. لازم تكون متجوز.. ظننت هذا واضحا 

​

دول تجربتين شخصيتين.. هحكيهم زى ما حصلوا بالظبط.. هل فى حاجات تانيه حصلت لناس غيرى؟؟

اكيد في.. بس انا مقدرش أقول الا اللى انا عشته.. بقول آخر.. كل معلومة هنا انا مسئول عنها تماماً.

​

علشان حضرتك تولدى في أمريكا مش محتاجه اكتر من تأمين طبى يتحمل عنك التكلفه.. علشان واحده تولد على حسابها هناك لازم تكون بنت محمد فريد خميس او متجوزه ساويرس مثلا.. خصوصا لو عرفتوا ان تكلفة الولاده الطبيعيه بتدور حوالين 15 الف دولار.. بينما القيصرى وصلت في بعض المستشفيات الى 50 الف دولار من أبو 18 جنيه.

 

اذن متفقين.. تأمين طبى يغطى الولاده هو كل ما تحتاجوه.

 

في حالتى انا.. طفلى الأول رحت على ولايه فى الشمال اسمها ويسكونسن.. كان التأمين الخاص بزوجتى مغطى الولاده.. كل اللى عملته انى كلمت شركة التأمين.. انا عاوز اعمل 1 2 3 .. قالولى اتفضل .. ده رقم الوكيل بتاعنا في أمريكا.. اول ما توصل كلمه وشوف ايه المستشفيات اللى بيغطيها.. وعيش.

 

وصلت هناك وكلمت الرقم ده.. ادونى ويب سايت دخلت عليه مفهمتش حاجه.. رحت على مستشفى نظيفه وقلت هي دى.. دخلت على الريسيبشن.. انا تأمينى تبع كذا والوكيل هنا كذا , اعمل ايه؟؟

​

طلبولى شاى.. مسافة ما خلصته.. جت الموظفه معاها ورق كتير اوى وقالتلى اه احنا بنتعامل معاهم.. امضى هنا وهنا وهنا.. خلصت .. تمام.. خد كارت التأمين بتاع مراتك اهو.. ربنا ينتعها بالسلامه.. شوف بقى دكتور او دكتوره هنا تابع معاهم.

 

وبس كده.

 

تمت الولاده.. ومدفعتش الا فلوس التاكسيات.. ياللا.. مش مسامحهم فيها.

 

القصد ايه؟؟

 

لو تأمينك دولى.. يبقى انت كده في امان تااااااام.. متعملش اى شيء ومتشغلش دماغك بأى شيء.. قبل ما تسافر رتب مع شركة التأمين بتاعتك.. ولما توصل هناك المستشفى هتعملك كل الإجراءات.

 

ازاى بقى التأمين دولى ولا لا .. وبيغطى ايه ومش بيغطى ايه.. دى تفاصيل تتحقق منها من شركة التأمين بتاعتك قبل ما تسافر.

 

ارجوك.. متسمعش كلام اى حد الا شركة التأمين.

 

تمام كده؟؟

​

طيب.. 

 

الحاله التانيه بقى.. المره دى الشركه استندلت معانا.. التأمين بتاعنا مش مغطى أمريكا.. يمين شمال.. مفيش فايده.

​

طب هعمل ايه.. صعب اوى اتحمل تكاليف الولاده والاقامه مع بعض.. ده انا لو تاجر مخدرات.. مستحيل برضه.

 

اذن الحل انى أعمل تأمين دولى يغطى..

 

سألت عليه في السعوديه (مطرح ما انا عايش وورقى كله موجود).. لقيت ان مينفعش اعمله ومراتى حامل فعلا.. وكمان لازم يكون عدى سنه على العقد معاهم علشان اقدر استفيد بحكاية الولاده بره دى.

شيء سخيف فعلا..

 

بس في حل.

 

حكومة نيويورك بتقدم خدمة تأمين طبى للطوارىء.. حاجه ببلاش متاحه للأمريكان والزوار.. تأمين طبى شامل مجانى اسمه "Medicaid".. المسئول عنه شركه كبيره اوى هنا اسمها "United Healthcare".

 

ده ملوش اى شرط الا ان يكون معاك جواز سفر.

 

بس كده؟؟

 

اه والله.. بس كده.

 

طب اعمل ايه.. اروح فين.. أكلم مين؟؟ , وهل التأمين ده شغال في كل الولايات؟؟ , وبيتكلف كام؟؟

 

واحده واحده..

ناخد الاسئله من الاخر للأول.. 

• بيتكلف كام؟؟ ولا مليم.. مجاني تماما

• هل هو لناس معينه؟؟ لا.. كل الناس.. حتى الزوار.

• شغال في كل الولايات؟؟ ايوه.. مجرد ما تستلم الكارت.. تقدر تتعامل مع اى مستشفى في أمريكا كلها من أقصاها الى اقصاها.

• اطلعه ازاى؟؟ اه.. هو ده بقى الكلام.

​

 

اسهل واسرع طريقه هي انك تروح على مكتب الجاليه العربيه في نيويورك.. هتقابل الست المسئوله عن التأمين ده.. مدام رويدا .. هي شاميه ولطيفه ومتعاونه جدا.. هتساعدك في كل شيء مجانا بدون اى مقابل.. هي موجوده السبت والأحد والأربعاء من 9 الى 5.

​

عنوان مقر الجاليه اهو..   7111 5th Ave, Brooklyn, NY 11209

 

العنوان ده في شارع 5.. اشهر شوارع بروكلين.. الشارع في منطقه اسمها "Bayridge" في بروكلين (نيويورك).. منطقه كلها عرب ومحلات أكل حلال.. تقريبا هتحس انك في شبرا مش في أمريكا.

 

طيب ايه متطلبات تأمين ال "Medicaid" ده؟؟

 

زى ما قلت.. يكون معاك باسبور انت ومراتك.. ويكون عندك عنوان.. ده مهم جدا لان كل المراسلات هتجيلك عليه.. من غير العنوان.. انت في الضياع.. مش هتقدر تعمل اى حاجه.

 

طيب انا هقعد عند حد قريبى.. ينفع كده؟؟

 

اه ينفع.. بس تخليه يروح لصاحب البيت ويعدل العقد علشان يضيف اسمك عليه.. كده كده لما بييجوا يعملوا التأمين بيستعلموا عن العنوان.. لو ملقوش اسمك.. الابليكيشن بتتلغى اوتوماتيك.

 

قدمت الطلب؟؟

 

زى الفل.. الحكومه بتوافق عليه وبعد 7 أيام هيوصلك اول ظرف على البيت (نسختين) فيه كم مهول من التفاصيل.. متشغلش بالك.. بعد 7 أيام كمان هيجيلك ظرف تانى فيه الكارت بتاع مرات حضرتك وكارت للمولود مكتوب في خانة الأسم "unborn".

 

طيب.. كده تمام يعنى؟؟ خلاص كده؟؟

 

لا لسه. انت محتاج دكتور او دكتوره تتابع معاها الحمل وتدخلك المستشفى وتبقى مسئوله عن الولاده..

 

على فكره.. الولاده في أمريكا لازم تكون طبيعى.. مش بيولدوا قيصرى ابدا الا لو الدكتور شاف ان في خطوره على الام والجنين والأب والمستشفى وأمريكا كلها.. حتى التدخل الجراحى برضه بيكون درجات..

 

نظام فتح البطن ده مش بيحصل هناك الا مره كل 10 قرون مثلا.. في طفلى الأول.. سابونا نعانى 14 ساعه كامله وبعدين استخدموا الشفاط.

​

طيب.. هل في دكاتره مرشحين للتعامل معاهم؟؟

 

شخصيا.. تعاملت مع الدكتوره ايمان سلطان.. سوريه.. هي موجوده في نفس المنطقه "Bayridge".. وبتقبل حالات متأخره (بعد الشهر الثامن).. الله يكرمها رتبتلى كل ما يتعلق بالمستشفى.. رحنا مستشفى اسمها "The Brooklyn Hospital Center"

​

في مستشفى تانيه سمعت عنها اسمها لوثرن في بروكلين برضه.. مش فارق.. كلهم زى بعض.. نفس الخدمات هي هي.

​

الدكتوره حددت يوم الولاده.. لكن ربنا شاء ان بنتى تزهق من الخنقه وتقرر تنزل بدرى يومين.. مفيش اى أزمات.. تتصل على الدكتوره وتروح على المستشفى.. هتحط مراتك معاهم وتروح البيت تكمل لعب على الفيس بوك.. اصل الرجاله مش مسموحلها تتواجد هناك.

​

طب اعمل ايه تانى؟؟

​

ولا اى حاجه.. تقعد في البيت.. تصلى وتدعى ان مراتك تقوم بالسلامه وان العيل ينزل سليم معافى.. وتنتظر لحد ما يجيلك التليفون وفى صوت صراخ طفل مزعج.. مبروك انت بقيت بابا.

​

المستشفى هتاخد منك بيانات الاب والأم.. هيعملولك كل إجراءات شهادة الميلاد.. بعد 8 أيام هتوصلك نسخه اصليه على عنوان بيتك..

 

لو مستعجل.. ممكن تروح مبنى المحكمه تستلمها من هناك بعد يومين بالظبط (وممكن تعمل اكتر من نسخه احتياطاً).. بعد 3 أسابيع هيوصلك رقم الضمان الاجتماعى "Social Security No" على عنوانك.. مبروك .. ابنك بقى مواطن امريكى وعنده حقوق مصريه 

​

..تقدر بعد كده تعمل جواز السفر عادى جدا.. بس ده اعتقد محتاج موضوع لوحده علشان في تفاصيل كتير.

​

بس يا معلم.. كده انت لبست في الحيط تماما وأصبحت الشقة من حق الزوجة.. و المرتب من حق البامبرز وده جزاء اللى ميسمعش كلام اللى اتجوزوا قبليه لما قالوله انج سعد فقد هلك سعيد.

 

اسئله رخمه

=======

​

(س): اسافر امتى؟؟

(ج): اول مره انا سافرت ومراتى في اول الشهر السابع.. تانى مره سافرنا في اول التاسع.. اعرف ناس سافرت في الأسبوع ال 35 وولدت بعد الوصل باسبوع.

​

(س): هو مش شركات الطيران بتمنع ركوب الحوامل؟؟

(ج): اه ولا.. الخوف من ركوب الحوامل هو الخوف من احتمالات الولاده المبكره.. طبيا.. مفيش اى خطر.. انما الشركات مش عاوزه تاخد اى مخاطرات..

​

(س): طب اعمل ايه علشان اتفادى القلق؟

(ج): خد تقرير من الدكتور اللى حضرتك متابع معاه ان مفيش خطوره من ركوبها الطياره وان معاد الولاده المقترح فاضل عليه وقت اد كده.. ده سهل جدا واى دكتور بيعمله (في مصر والخارج).

​

(س): بس انا سمعت انهم ممكن يرجعونى من المطار علشان مراتى حامل.

(ج): اونطا.. اول مره ظابط الجوازات سألنى.. هي حامل.. قلتله ايوه.. بص على بطنها وشاور وضحك وقال "هاى جونى".. رغم ان الواد مش جونى ولا حاجه.. تانى مره مسألنيش اطلاقا ان كانت حامل وللا لأ.. اول مره دخلت من المطار (نيويورك) في اقل من ربع ساعه.. تانى مره المطار كان زحمه اوى.. قعدت ساعتين كاملتين.

​

(س): امال ايه اللى بنسمعه عن الدخول وان في ناس رجعوها والكلام ده؟؟

(ج): ملهاش قواعد.. اعرف ناس نزلت من الطياره قبل ما تطلع.. اه ده ممكن وكتير.. واعرف ناس وصلت هناك وقعدت 4 ساعات محتجزه للاستعلام الامنى.. كده كده الطياره مش بتطلع من مصر او الخليج عموما الا لو خدت ال "Ok" من المطار في أمريكا.. كونهم بقى رجعوا حد وصل فعلا هناك.. دى حالات نادره جدا.

​

(محلوظة الأدمن : كلامه مش دقيق لأن فيه حالات كتير رفض دخول حوامل لأمريكا طالما فيزا سياحة )

​

(س): طيب هل الميدكيد له عيوب؟؟

(ج): في بعض الشائعات بتقول انه ممكن يمنعك من انك تاخد الفيزا تانى.. بس ده مش صح لان عندى جيران في السعوديه أطفالهم اتولدوا بالتأمين ده وجددوا الفيز عادى جدا.. انما في كلام ان التأمين ده نفسه هيتمنع للزوار.. ترامب قافش شويه.. عموما هنعرف من الأخبار.. تانى بكرر.. الحاجه اللى فعلا هتديلك بلوك من دخول أمريكا هو الكذب.

​

(محلوظة الأدمن : تاني كلامه مش دقيق لأن أغلب اللي اعتمدو علي الميديكيد و مدفعوش الفلوس معرفوش يجددو الفيزا )

​

(س): هل اقدر بنفس كارت الميدكيد اروح ولايه تانيه غير الكئيبه نيويورك؟؟

(ج): طالما المستشفى بتتقبل تأمين الميدكيد.. يبقى انت حر.. انشالله تروح القمر.. لو في مستشفى عجبتك.. كلمهم واسأل.. بتقبلوا ميدكيد.. اه.. يبقى روح.. لا.. يبقى خليك اتعذب في نيويورك.

​

(س): طب اقعد فين وهصرف كام وهعيش ازاى؟؟

(ج): نيويورك هي أسوأ مدن أمريكا.. وقد يكون العالم.. غاليه وزحمه ورخمه.. ولكن لا مفر.. اقل شيء ممكن تلاقيه للسكن هيكون في حدود 2500 دولار شهريا وتقريبا مش اقل من 1000 دولار مصروفات شهريه لو انت ومراتك قررتوا تعيشوا على الجبنه والزيتون.. وصعب اوى اوى انك تلاقى حد يرضى يأجر بالشهر.. كله هناك بيأجر بالسنه.

​

(س): ممكن مراتى تسافر لوحدها وانا احصلها؟؟

(ج): لو انت واثق انها تقدر تعمل الإجراءات دى لوحدها.. يبقى ابعتها.. الستات هنا لها مكان وتقدير اعلى من الرجاله على فكره.

​

(س): ليه نيويورك.. وليه بروكلين تحديدا؟؟

(ج): حسب معلوماتى.. تأمين الطوارئ المجانى مش بيطلع الا في نيويورك بس.. كل ولايه هنا لها قانون خاص بيها وكأنها دوله مستقله.

​

(س): طيب انا مش بعرف أتكلم انجليزى؟؟

(ج): مش أزمه.. وقت الحاجه.. تهته وقولهم انا عاوز مترجم.. هيجيبوا مترجم.. ده حقك مش تفضل منهم ولا حاجه.. انا شخصيا كنت بطلب مترجم.. المصطلحات الطبيه مش هيقدر يفهمها الا الدكاتره وابليس.. اعوذ بالله من ده انجليزى.

​

(س): طيب في ناس بتقول...

(ج): من غير ما تكمل.. نفض لكل ده.. الكلام اللى تصدقه هو كلام الجهات الرسميه بس.. شركة التأمين.. المستشفى.. او حد عاش التجربه بنفسه.. مش عن طريق حد ولا بالسمع.

 

==============================

​

بخصوص الولادة في أمريكا

 

• حجزك حاول ميكونش فترة طويلة يعني 15 ولا 20 يوم و بعدين اجل التذاكر بسهولة و مبلغ بسيط ممكن 100 دولار عالفرد فالرينج دا كانت 

​

• متاخدش ورق هارد كوبي عن الحمل خده علي فلاشة و اطبعه هناك لمصلحتك انته والله

​

• ميشيغان ولاية من ارخص الولايات لان ضرايبها قليلة و عرب كتييير خاصة عراقيين كلدان في ووارن و ديربون و تروي و فيه لبنان و المصريين موجودين بردوا بكثرة الي حد ما 

​

• محامين في ميشيغان بعد نيويورك تعتبر للي عايز يظبط اوضاعه و كفاءات و بيبداوا ب حوالي 3000 نص فالاول و الباقي علي اول جلسة دا كمثال لمحامي

​

• شهادة الميلاد طلعت بعد تلات ايام عمل و الجواز 9 ايام عمل و السوشيال نمبر 15 يوم و تقدر تزود يومين لكل خمس ايام كاجازات سبت وحد مثلا و اللي فادنا الموظفة كلارك فالمستشفي خدت كل البيانات و عرفناها اننا مسافرين خلال شهر فعملت راش فايل فور باسبورت فسرع الاجراءات و كله اتنقل بالبريد بس انا كنت بروح استلم بنفسي بقي عشان اعجل اكتر فلو هتستني البريد يبقي زود يوم او اتنين عالمدد اللي فاتت لكل حاجة 

​

• البلد متوافر فيها شقق و فنادق و مطاعم عربي كتيييير و تمتاز بحدايق و منتزهات و بحر و قنوات مياه واتنين بوردر مع كندا لكنها برد بالنسبة لبلادنا و فيه شهور ثلج فالشتا و الصيف روعة و الهدوم و الاغراض ارخص من نيو يورك لفرق الضرايب 

​

• الطيران كان قطرية 14 ساعة و بعتوا سكان لورقة الحمل اما سالتني الزوجة حامل و معاك تقرير طبي فبعتته لامريكا و ردوا ابرووف فعدينا و الاوفيسرز هناك اول واحد اسئلة تقليدية و مسك الختم كان هيختم بس قالي انته كنت هنا دراسة قلتله لا قالي مجتش قبل كدا ولا زيارة يييس شوور ييس بعت لواحد خدنا سكندري رووم للي اول مرة و اللي بيشكوا فيهم عد فلوس و كلم الفندق بعد مشاف ورقة تاكيده بتاعة بوكينج و اسئلة عادية و ختم بست شهور لينا وروحنا خدنا الشنط ووحنا خارجين من اخر بوابة خلانا فتحنا كله و فتش ورقة ورقة و حاجة حاجة واحد اشقر عنصري شوية للاسف لاننا عرب رخم اسئلة وتفتيش غير التانيين دا بقي خد باله من الحمل الوحيد الاتنين اللي قبله عادي و رجعنا للسكندري بس عديناها الحمد لله

​

•  نصايح طيارة نوم عتلات كراسي فالاخر مثلا تروح بدري و تحجز بحاجة وورا غالبا بيبقي فيه فاضي وفوق الجناح و المشي و خلع الكوتشي او الشوز عالطيارة و شراب فقط افضل لعدم حبس الدم او التنميل و مياه كتير و عصير ​

​

==============================

​

اسمحولي اعرض عليكم تجربتي في السفر والولاده في امريكا

​

انا عايشة وشغالة في قطر من سنين انا وجوزي وطلعنا الفيزا بسهولة جدا وسافرنا سياحة مرتين فلوريدا ونيويورك

​

بداية الموضوع اما فكرت انا وجوزي في الولاده في امريكا دورنا كتير وبحثنا ولقينا موضوع الميديكيد ده وكان شاغل تفكيرنا وقولنا كويس اوي نروح ونظبط كل حاجه وهندفع تكاليف بسيطة وخلاص وكمان انا عندي خالي معاه الجنسية وساكن في نيويورك وشجعني اكتر اما قولتله اني بفكر اولد هناك وقالي تيجي تعملي التأمين ومش هتدفعوا حاجه!

المهم كنا خلاص تقريبا قررنا هنسافر امتى وهنعمل ايه بالظبط وحجزنا التذاكر على نيويورك قبل السفر ب ٦ شهور عشان كان في عرض حلو على التذاكر وهوباااا مره واحده الدنيا اسودت في وشنا 
 

زميل جوزي في الشغل كان راح ولد بنته في امريكا من سنتين والفيزا بتاعته كانت سنتين فقط وخلصت المهم راح يجددها قالوله انت متسجل عندنا انك ليك طفل امريكي قالهم مظبوط قالوله فين الفواتير بتاعة الولادة 
 

طبعا هو اتردد في الاجابة وقالهم نسيتها قالوله هاتها وخد موعد مقابله تاني ومن ساعتها مش عارف ياخد الفيزا.

المهم احنا اما شوفنا الوضع ده كلمنا خالي وسألناه هل في فاتوره بتطلع لنا بعد الولاده على نظام التأمين 
قالنا لا طبعا الفواتير بتروح بإسمكوا على العنوان اللي كاتبينه بعد التأمين ما يسددها بيطالبكوا بيها.
 

الموضوع ده خوفنا اكتر وقولنا خلاص نشوف اسعار الولاده ايه ونفكر فيها تاني
 

وبعدين واحنا بندور وقع في طريقنا شركة اسمها النخيل الازرق في فلوريدا منطقة تامبا اتواصلنا معاهم وقالولنا على عرض سعر بس كان غالي اوي وصل ١٦ الف دولار بس طبعا شامل الاقامه والانتقال بالعربيه مع الولادة وكل حاجه فقولنا ده تمام ممكن نجربه.
 

وبعدين فضلنا ندور تاني يمكن نلاقي حاجه اقل، وفعلا بالصدفة لقينا موقع عليه اسماء دكاترة وارقام تليفوناتهم في امريكا اتواصلنا مع واحد فيهم وكان في لوس انجلوس - كاليفورنيا وبعد مكالمات وايميلات وصلنا معاه ان سعر الولادة الطبيعي ٨٠٠٠ دولار والقيصري ١٠٠٠٠ دولار ده بالنسبه لدكتور كاليفورنيا، بس ده واحد من دكاترة كتير اوي وكل بيانتهم على النت والفكرة هنا ان الدكتور قالي على اسم المستشفى اللي بيولّد فيها ومن هنا ابتدينا الطريق الصح.
 

دخلنا على موقع المستشفى وشوفنا اسماء دكاترة كتير فيها واتواصلنا مع اكتر من واحد وكمان اتواصلنا مع المستشفى نفسها عشان نشوف اسعارها ايه.
 

طبعا انا كنت خايفة من كاليفورنيا دي عشان مروحتهاش خالص وكمان جوزي المفروض انه مش هيقعد معايا كتير عشان شغله وقولنا نشوف فلوريدا- اورلاندو عشان سافرنا هناك قبل كده والمدينة كانت حلوه والسواقة فيها سهلة جدا ورخيصة في كل حاجه بس للأسف اسعار الدكاتره هناك كانوا غاليين اوي بالنسبة لأسعار لوس انجلوس.
 

المهم استقرينا على لوس انجلوس في منطقة اسمها سانتا آنا قريبة جدا من أنهايم ديزني.
 

سافرنا على طيران الاماراتية بعد تعديل التذاكر طبعا وكانت الرحلة مدتها ١٦ ساعة وسفري كان في الاسبوع ٣٧ بس انا جبت شهادة من الدكتور اني في الاسبوع ٣٢ وطلعوني عادي والامور مشيت تمام

 

والحمد لله ان الطيارة كانت فاضية كل راكب اخد ٣ كراسي ونام عليهم وطبعا احنا كمان عملنا كده وكانت رحلة مريحة بالرغم من طول مدتها واما وصلنا المطار دخلنا على الجوازات سالنا جايين ليه قولناله سياحة فختملنا ٦ شهور ومشينا.
 

بعد الجوازات بنمر على الجمارك وده بيبقى الرخامه كلها معظمهم بيكونوا ظباط رخمين وفعلا قالولنا تعالوا على جنب وروحنا لشباك لوحدنا عليه ظابط سألنا جايين امريكا ليه؟ رديت عليه قولتله انا حامل وهولد هنا وده طبعا كان بالاتفاق مع جوزي اننا هنقول كده لو رخموا علينا 

سألنا معاكوا فلوس كام واسم الدكتور اللي متابعين معاه وكان ناشف اوي في كلامه وجاد جدا وبعدها قولناله على اسم الدكتور واما اطمن ان كل حاجه تمام فضل يهزر ويضحك وقالنا انا كمان امي ولدتني هنا واخدت الجنسية وقالنا اتفضلوا استمتعوا بإقامتكم في امريكا.

 

بعد كده طلعنا من بوابة المطار وروحنا نستلم العربية اللي من شركة فوكس داخل المطار واخدنا الطريق على الفندق في سانتا انا قولنا هنريح النهارده وبكره نروح نشوف الدكتور.

 

تاني يوم من الوصول صحينا بدري وروحنا طلعنا خط موبايل عشان نعرف نتكلم مع العيادات او اي حاجه عاوزين نتصل بيها وبعدها طلعنا على الدكتور وقولناله عندنا ميعاد قالنا في انتظاركم وروحنا بنقوله على الاسعار قالنا لا كل الاسعار دي اتغيرت وزادت ١٠٠٠ دولار طبعا احنا زعقنا معاه ومشينا عشان حسيت انه كان عاوز يضحك علينا وقولنا نشوف دكتور تاني الدكاترة كتير هنا
 

فضلنا نتصل بعيادات كتير لدكاتره تابعين للمستشفى اللي احنا اتفقنا معاها ونشوف الاسعار ايه لحد ما وقعنا على اسم دكتور عربي وفعلا كلمناهم وطلع ارخص سعر فيهم وبيولد في نفس المستشفى.
 

وحاجه تانية كمان كانت عاملالنا مشكله غير سعر الدكاتره وهي اني في الاسبوع٣٧ يعني مفيش حد راضي يقبلني في الوقت ده
 

والحمد لله الدكتور الوحيد اللي وافق يقبل حالتي هو الدكتور ده واما روحناله اكتشفنا انه مش عربي ولكن من اصل عربي ومولود في امريكا بس المهم انه وافق يقبل حالتي واتفقنا معاه على السعر وقالنا في مستشفى تانية ارخص كتير من اللي انتوا بتقولوا عليها واحسن في الخدمات واخدلنا ميعاد فيها عشان نروح نعمل جوله وفعلا كانت مستشفى رائعة بالنسبة لسعرها.

​

طبعا انا عندي مشكله ان جوزي هيسبني ويسافر وانا هولد لوحدي فإقترحنا على الدكتور ينفع اولد قيصري عالطول بدون انتظار الطبيعي قالي عادي براحتك بس في الاسبوع ٣٩ قولتله لا مش هينفع لان جوزي مسافر ولازم يحضر الولاده قالي ممكن نظبطها ان موعد الولاده هيكون بتاريخ كذا وانتي دلوقتي في الاسبوع ٣٨ وكمان كم يوم تكوني في ٣٩ 

حددت معاد الولاده بعدها بـ٤ ايام يعني انا سافرت يوم ١٠ نوفمبر ٢٠١٦ وحددت ميعاد الولاده يوم ١٦ نوفمبر والحمد لله عدت على خير والمستشفى فعلا كانت خدماتها حلوة جدا وجوز حضر الولاده معايا.

 

بالنسبة لتفاصيل اسعار عيادة الدكتور كانت كالآتي:

• ولادة طبيعي ١٥٠٠ دولار 

• قيصري ٢٠٠٠ دولار ولادة

• دكاترة الاطفال والتخدير ٩٠٠ دولار

 

أما أسعار مستشفى:south coast medical center hospital 

• طبيعي ١٩٠٠ دولار ليله واحدة ويومين

• قيصري ٣٦٠٠ دولار ليلتين و٣ ايام

• الرحلة كاملة كانت بالظبط ٢١ يوم 

• تكلفة الولادة فقط ٦٥٠٠ قيصري

 

بالنسبة لإجراءات الورق بعد الولادة كانت سهلة جدا لأن المستشفى هما اللي بيبعتوا ورق شهادة الميلاد واحنا بنروح نستلمها بعد ٤ ايام عمل وبعدها بنقدم على الباسبور ونستلمه في نفس يوم التقديم يعني الموضوع كله ٥ ايام

 

ملحوظه: اهم حاجه اننا اخدنا حاجه اسمها الزيرو بلانس اللي هي بتثبت ان مفيش اي حاجه علينا للمستشفى والدكتور يعني بتعتبر زي مخالصة بينك وبين الدولة ان مفيش فلوس عليك.

حتى لو دفعت كل الفلوس واخدت بيها فواتير لازم في النهاية تاخد الزيرو بلانس دي وتتأكد انها تكون للأم والطفل. دي كانت تجربتي انا الشخصية والحمد لله انا شايفاها ناجحة جدا. 
 

الفيزا انتهت بشهر ابريل ٢٠١٧ وروحت اجددها موظف السفاره قالي ظاهر عندي على السيستم ان عندكم طفل امريكي كيف؟    قولناله نعم اتولد هناك 
 

قالنا فين الفواتير     شافها ووافق على تجديد الفيزا بدون اي اسئلة تانية.

  

==============================

​

موضوع يوضح الولادة فى أمريكا أهداء من الاستاذ محمد الذى سافر الى أمريكا من وقت قليل

ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ .

ﺍﻥ ﺷﺎﺀ ﺍﻟﻠﻪ ﻫﻜﺘﺐ ﺑﻮﺳﺖ ﺍﺣﻜﻰ ﻓﻴﻪ ﺗﺠﺮﺑﺘﻰ ﺍﻟﺸﺨﺼﻴﺔ ﺍﻧﺎ ﻭﻣﺮﺍﺗﻰ ﻑ ﺍﻟﺴﻔﺮ ﺑﻘﺼﺪ ﺍﻟﻮﻻﺩﺓ ﻑ ﺍﻟﻮﻻﻳﺎﺕ ﺍﻟﻤﺘﺤﺪﺓ ﺍﻻﻣﺮﻳﻜﻴﺔ ﻣﻦ ﺍﻭﻝ ﻣﺒﺘﺪﻳﺖ ﺍﻓﻜﺮ ﻑ ﺍﻟﻤﻮﺿﻮﻉ ﻣﺮﻭﺭﺍ ﺑﺎﺧﺪ ﻓﻴﺰﺍ ﺳﻴﺎﺣﺔ . ﻭﻧﻬﺎﻳﺔ ﺑﺎﻟﻮﻻﺩﺓ ﻭﺍﻭﺭﺍﻕ ﺍﺑﻨﻰ ﻭﺣﺘﻰ ﺭﺟﻮﻋﻰ ﻟﻤﺼﺮ . ﻛﺎﻥ ﺍﻟﻠﻪ ﻑ ﻋﻮﻥ ﺍﻟﻌﺒﺪ ﻣﺎ ﺩﺃﻡ ﺍﻟﻌﺒﺪ ﻑ ﻋﻮﻥ ﺍﺧﻴﻪ

ﺍﻟﻤﻮﺿﻮﻉ ﻣﺶ ﺻﻌﺐ ﻭﻻ ﻓﻴﻪ ﺍﻯ ﻣﺴﺘﺤﻴﻞ ﺍﻟﺘﻮﻓﻴﻖ ﻣﻦ ﺍﻟﻠﻪ ﻭﻟﻴﺲ ﺑﻤﻬﺎﺭﺓ ﺍﻭ ﻋﺒﻘﺮﻳﺔ ﻣﻦ ﺍﺣﺪ

 

- ﺍﻟﺘﻘﺪﻳﻢ ﻟﻠﺤﺼﻮﻝ ﻋﻠﻰ ﻓﻴﺰﺍ ﺳﻴﺎﺣﺔ

ﺑﺼﺮﺍﺣﺔ ﺍﺳﺘﻔﺪﺕ ﺍﻭﻯ ﻣﻦ ﺍﻟﺒﻮﺳﺘﺎﺕ ﺍﻟﻤﻨﺸﻮﺭﺓ ﻋﻠﻰ ﺍﻟﺠﺮﻭﺏ ﻫﻨﺎ ﻭﺧﺒﺮﺍﺕ ﺍﻟﻨﺎﺱ ﺍﻝ ﻗﺪﻣﺖ ﻭﻭﻓﻘﺖ ﻭﺍﻝ ﺗﻘﺪﻣﺖ ﻭﺍﺗﺮﻓﻀﺖ ﻭﺍﻝ ﺍﻫﻢ ﻧﺼﺎﺋﺤﻬﻢ ﺗﺘﻠﺨﺺ

​

• ﺍﻳﺠﺎﺩ ﺳﺒﺐ ﻣﻘﻨﻊ ﻟﻠﺴﻔﺮ ﻭﺍﻛﻴﺪ ﻳﻜﻮﻥ ﻓﻴﻪ ﻭﺭﻕ ﻳﺪﻝ ﻋﻠﻰ ﻛﺪﻩ ﻭﺩﻩ ﺭﺑﻨﺎ ﻭﻓﻘﻨﻰ ﻓﻴﻪ ﺑﺎﻧﻰ ﺑﺤﺜﺖ ﻋﻦ ﻣﺆﺗﻤﺮﺍﺕ ﻃﺒﻴﺔ ﻑ ﺗﺨﺼﺼﻰ ﻭﺗﺨﺼﺺ ﻣﺮﺍﺗﻰ ﻑ ﺍﻟﺘﻮﻗﻴﺖ ﺍﻝ ﻣﻔﺘﺮﺽ ﺍﺑﻘﻰ ﻓﻴﻪ ﻓﻰ ﺍﻣﺮﻳﻜﺎ ﻭﺭﺍﺳﻠﻨﺎ ﺍﻟﻤﺆﺗﻤﺮﺍﺕ ﻭﺍﺧﺪﻧﺎ ﻣﻮﺍﻓﻘﺔ ﻋﻠﻰ ﺣﻀﻮﺭﻧﺎ ﻭﻧﻔﺲ ﺍﻟﺸﺊ ﻟﺰﻭﺟﺘﻰ ﻋﻠﻰ ﻓﻜﺮﺓ ﺍﻗﻨﻌﻨﺎﻫﻢ ﺍﻥ ﺣﻀﻮﺭﻧﺎ ﻳﺒﻘﻰ ﻣﺠﺎﻧﻰ ﻭﺍﻧﻨﺎ ﻫﻨﺘﺤﻤﻞ ﺗﻜﺎﻟﻴﻒ ﺍﻟﺴﻔﺮ ﻭﺍﻻﻗﺎﻣﺔ ﺑﺪﻭﻥ ﺩﻓﻊ ﻗﻴﻤﺔ ﺣﻀﻮﺭ ﺍﻟﻤﺆﺗﻤﺮ ﻭﺑﻜﺪﻩ ﺑﻘﻰ ﻓﻴﻪ ﺳﺒﺐ ﻣﻘﻨﻊ ﻟﺴﻔﺮﻧﺎ ﻻﻣﺮﻳﻜﺎ

• ﺣﺴﺎﺏ ﺍﻟﺒﻨﻚ ﺗﻘﺮﻳﺒﺎ ﻣﻜﻨﺶ ﻟﻴﻪ ﺍﻫﻤﻴﺔ ﻛﺒﻴﺮﺓ ﻣﻌﺎﻳﺎ ﻛﻨﺖ ﺟﺎﻳﺐ ﺣﺴﺎﺏ ﺏ 70 ﺍﻟﻒ ﻟﻴﺎ ﻭ 70 ﺍﻟﻒ ﻟﺰﻭﺟﺘﻰ ﺍﻟﻘﻨﺼﻞ ﻣﺒﺼﺘﺶ ﺩﻓﻴﻬﻢ ﺍﺻﻼ ﻭﺍﻥ ﻛﺎﻧﺖ ﻧﺼﺎﺋﺢ ﺍﻋﻀﺎﺀ ﺍﻟﺠﺮﻭﺏ ﺍﻥ ﻳﻜﻮﻥ ﺣﺴﺎﺏ ﻣﻀﻰ ﻋﻠﻰ ﺗﺎﺳﻴﺴﻪ ﺳﻨﻴﻦ ﺍﻭ ﺷﻬﻮﺭ ﻭﻳﻜﻮﻥ ﻓﻴﻪ ﺳﺤﺐ ﻭﺍﻳﺪﺍﻉ ﻣﺴﺘﻤﺮ ﻋﺸﺎﻥ ﺍﻟﻘﻨﺼﻞ ﻳﻘﺘﻨﻊ ﺍﻧﻪ ﺣﺴﺎﺏ ﻭﺍﻗﻌﻰ ﻣﺶ ﻣﻌﻤﻮﻝ ﻣﺨﺼﻮﺹ ﻟﻠﻤﻘﺎﺑﻠﺔ

• ﻭﺟﻮﺩ ﺗﺎﺷﻴﺮﺍﺕ ﺩﺧﻮﻝ ﻟﺪﻭﻝ ﺍﺟﻨﺒﻴﺔ ﻳﺎﺭﻳﺖ ﻟﻮ ﺍﻭﺭﺑﻴﺔ ﺩﻩ ﻣﺶ ﺷﺮﻁ ﺍﺳﺎﺳﻰ ﺑﺲ ﺣﺎﺟﺔ ﺑﺘﺴﻨﺪ ﺍﻟﻤﻠﻒ ﻭﺑﺘﺒﻴﻦ ﻟﻠﻘﻨﺼﻞ ﺍﻧﻚ ﺳﺎﻓﺮﺕ ﺑﻼﺩ ﻭﻣﻜﺴﺮﺗﺶ ﻓﻴﺰﺍ ﻭﺭﺟﻌﺖ ﻓﻰ ﻣﻌﺎﺩﻙ ﺩﻩ ﻫﻴﺪﻳﻪ ﺛﻘﺔ ﺍﻧﻚ ﻣﺶ ﻣﺴﺎﻓﺮ ﺍﻣﺮﻳﻜﺎ ﻫﺠﺮﺓ ﻭﺍﻧﻚ ﺭﺍﻳﺢ ﺳﻴﺎﺣﺔ ﻭﻫﺘﺮﺟﻊ ﻭﺩﻩ ﻛﺎﻥ ﺳﻬﻞ ﺑﺎﻟﻨﺴﺒﺎﻟﻰ ﻻﻧﻰ ﺭﻭﺣﺖ ﺑﻌﺜﺔ ﻓﻨﻠﻨﺪﺍ ﺍﻧﺎ ﻭﺯﻭﺟﺘﻰ ﻟﻤﺪﺓ ﺳﻨﺔ ﻭﻛﺎﻥ ﻣﻌﺎﻳﺎ ﺍﻻﻗﺎﻣﺎﺕ ﺍﻟﺸﻨﺠﻦ ﻭﺩﻩ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻝ ﻃﻠﺒﺖ ﺗﺸﻮﻑ ﺍﺻﻠﻬﺎ

• ﻳﻮﻡ ﺍﻟﻤﻘﺎﺑﻠﺔ ﺗﺘﻜﻠﻢ ﺑﺜﻘﺔ ﻭﺗﺤﺴﺲ ﺍﺍﻟﻘﻨﺼﻞ ﺍﻧﻪ ﻭﻻ ﻓﺎﺭﻕ ﻣﻌﺎﻙ ﻭﺩﻳﻤﺎ ﺑﺎﺻﺺ ﻓﻰ ﻋﻨﻴﻪ ﻭﻭﺍﺛﻖ ﻣﻦ ﻧﻔﺴﻚ ﻭ ﺗﻜﻮﻥ ﻣﺤﻀﺮ ﺳﻴﻨﺎﺭﻳﻮ ﻟﻼﺳﺌﻠﺔ ﺍﻟﻤﺘﻮﻗﻌﺔ ﻭﺍﺟﺎﺑﺘﻚ ﻋﻠﻴﻬﺎ ﻭﺗﺘﺠﻨﺐ ﺑﻘﺪﺭ ﺍﻻﻣﻜﺎﻥ ﺍﻧﻚ ﺗﺘﺼﺪﻕ ﺑﻜﻼﻡ ﻟﻢ ﺗﺴﺎﻝ ﻋﻨﻪ ﻋﺸﺎﻥ ﻫﻴﺠﻠﺐ ﻋﻠﻴﻚ ﻣﺰﻳﺪ ﻣﻦ ﺍﻻﺳﺌﻠﺔ ﻏﻴﺮ ﺍﻟﻤﺘﻮﻗﻌﺔ ﺍﻻﺟﺎﺑﺔ ﻋﻠﻰ ﻗﺪﺭ ﺍﻟﺴﺆﺍﻝ

• ﻭﺟﻮﺩ ﺧﻄﺔ ﻣﺠﻬﺰﺓ ﻟﻔﺘﺮﺓ ﺍﻗﺎﻣﺘﻚ ﻑ ﺍﻣﺮﻳﻜﺎ ﺑﺤﻴﺚ ﻟﻮ ﺳﺎﻟﺖ ﺍﺛﻨﺎﺀ ﺍﻟﻤﻘﺎﺑﻠﺔ ﻫﺘﺮﻭﺡ ﻓﻴﻦ ﻭﻻﻳﺔ ﺍﻳﻪ ﻫﺘﻘﻌﺪ ﺍﺩ ﺍﻳﻪ ﺗﻜﻮﻥ ﺟﺎﻫﺰ ﺑﺎﻟﺮﺩ ﻣﺜﻼ ﺍﻧﺎ ﻛﻨﺖ ﺣﺎﺟﺰ ﻓﻨﺪﻕ ﻓﻰ ﺍﻟﻮﻗﺖ ﺍﻟﻤﺤﺪﺩ ﻟﻤﺪﺓ ﺷﻬﺮ ﻣﻦ ﻋﻠﻰ ﻣﻮﻗﻊ ﺑﻮﻛﻨﺞ ﻭﺩﻩ ﻣﻴﺰﺗﻪ ﺍﻧﻚ ﺑﺘﺪﻓﻊ ﻟﻤﺎ ﺗﻮﺻﻞ ﺑﻤﻌﻨﻰ ﺍﻧﻪ ﻟﻮ ﻻ ﻗﺪﺭ ﺍﻟﻠﻪ ﺍﺗﺮﻓﻀﺖ ﻣﺶ ﻫﺘﺨﺴﺮ ﺍﻯ ﺷﺊ ﻭﻃﺒﻌﺖ ﺍﻟﺤﺠﺰ ﻭﺍﺧﺪﺗﻪ ﻣﻌﺎﻳﺎ ﺍﻟﻤﻘﺎﺑﻠﺔ

• ﻛﻞ ﺍﻝ ﻓﺎﺕ ﻳﻨﻔﻊ ﻧﺼﺎﺋﺢ ﻋﺎﻣﺔ ﻻﻯ ﺣﺪ ﻣﻘﺪﻡ ﻋﻠﻰ ﺗﺎﺷﻴﺮﺓ ﺳﻴﺎﺣﺔ ﺑﺲ ﺑﻤﺎ ﺍﻥ ﻣﺮﺍﺗﻰ ﻛﺎﻧﺖ ﺣﺎﻣﻞ ﻭﻓﻰ ﺍﺧﺮ ﺍﻟﺸﻬﺮ ﺍﻟﺜﺎﻣﻦ ﻭﻗﺖ ﺍﻟﻤﻘﺎﺑﻠﺔ ﻓﻜﺎﻥ ﻻﺯﻡ ﺗﺮﻭﺡ ﺍﻟﻤﻘﺎﺑﻠﺔ ﻻﺑﺴﺔ ﻋﺒﺎﻳﺔ ﺧﻠﻴﺠﻴﺔ ﻭﺍﺳﻌﺔ ﻭﻃﺮﺣﺔ ﻃﻮﻳﻠﺔ ﻣﻊ ﺑﻌﺪ ﺍﻟﺘﻌﺪﻳﻞ ﻑ ﺍﻟﻤﻼﺑﺲ ﻟﻤﺤﺎﻭﻟﺔ ﺍﺧﻔﺎﺀ ﺍﻟﺤﻤﻞ ﻗﺪﺭ ﺍﻻﻣﻜﺎﻥ ﺑﺼﺮﺍﺣﺔ ﺭﺑﻨﺎ ﻛﺮﻣﻨﺎ ﺍﻥ ﺍﻟﻘﻨﺼﻞ ﺑﺘﺒﻘﻰ ﻑ ﻣﻜﺎﻥ ﻣﺮﺗﻔﻊ ﻣﻦ ﻭﺭﺍ ﺷﺒﺎﻙ ﺑﺤﻴﺚ ﺍﻥ ﺍﻟﺸﺒﺎﻙ ﺑﻴﺒﻘﻰ ﻑ ﻣﺴﺘﻮﻯ ﺍﻟﺼﺪﺭ ﻭﺑﻜﺪﺍ ﻣﺶ ﺑﺘﺸﻮﻑ ﺍﻻ ﺍﻟﻮﺟﻪ ﻭﺍﻋﻠﻰ ﺍﻟﺼﺪﺭ ﻓﻘﻂ ﻭﻟﻴﺲ ﺍﻟﺒﻄﻦ ﻓﻠﻢ ﺗﻼﺣﻆ ﺍﻟﺤﻤﻞ

 

ﺛﺎﻧﻰ ﺧﻄﻮﺓ . ﻛﺎﻧﺖ ﺍﻟﺘﺠﻬﻴﺰ ﻟﻤﻮﺿﻮﻉ ﺍﻟﻮﻻﺩﺓ ﻭﺩﻩ ﻛﺎﻥ ﻓﻴﻬﺎ ﻋﺪﺩ ﻣﻦ ﺍﻟﺘﺤﺪﻳﺎﺕ .

 

ﺍﻭﻻ .ﺗﻜﺎﻟﻴﻒ ﺍﻟﻮﻻﺩﺓ . ﻑ ﺍﻣﺮﻳﻜﺎ ﻏﺎﻟﻴﺔ ﺟﺪﺍ ﺑﻤﺘﻮﺳﻂ . ﺧﻤﺴﺔ ﺍﻻﻑ ﺩﻭﻻﺭ ﻟﻠﻄﺒﻴﻌﻰ . ﻭ ﻣﻦ ﺧﻤﺴﺔ ﻋﺸﺮ ﺍﻟﻰ ﻋﺸﺮﻳﻦ ﺍﻟﻒ ﺩﻭﻻﺭ ﻟﻠﻘﻴﺼﺮﻯ . ﺍﻧﺎ ﺯﻭﺟﺘﻰ ﻛﺎﻧﺖ ﻣﺘﻮﻗﻊ ﺗﻮﻟﺪ ﻗﻴﺼﺮﻯ ﻻﻥ ﻭﻻﺩﺗﻬﺎ ﺍﻻﻭﻟﻰ ﻛﺎﻧﺖ ﻗﻴﺼﺮﻳﺔ . ﻭﻣﻌﻨﻰ ﻛﺪﻩ ﺍﻧﻰ ﻣﺶ ﻫﻘﺪﺭ ﺍﺩﻓﻊ ﻣﺼﺎﺭﻳﻒ ﺍﻟﻮﻻﺩﺓ ﻣﻦ ﺣﺴﺎﺑﻰ ﺍﻟﺨﺎﺹ .

 

ﻋﺸﺎﻥ ﻛﺪﻩ ﻓﻜﺮﺕ ﻓﻰ ﺷﺮﻛﺎﺕ ﺍﻟﺘﺎﻣﻴﻦ ﺑﺲ ﻟﻼﺳﻒ ﻣﻔﻴﺶ ﺍﻯ ﺷﺮﻛﺔ ﻭﺍﻓﻘﺖ ﺍﻧﻬﺎ ﺗﺎﻣﻦ ﻋﻠﻰ ﺣﺎﻣﻞ ﻑ ﺍﻟﺸﻬﺮ ﺍﻟﺜﺎﻣﻦ ﻭﻛﺎﻥ ﺷﺮﻃﻬﻢ ﺍﻧﻬﺎ ﻛﺎﻧﺖ ﻻﺯﻡ ﺗﺎﻣﻦ ﻗﺒﻞ ﺍﻟﺤﻤﻞ ﻣﻴﺤﺼﻞ .

 

ﺑﻌﺪ ﺑﺤﺚ ﻋﻠﻰ ﺍﻟﻨﺖ ﺭﺑﻨﺎ ﻫﺪﺍﻧﺎ ﻟﻤﻮﺿﻮﻉ ﺗﺎﻣﻴﻦ ﺍﻟﺴﻴﺪﺍﺕ ﺍﻟﺤﻮﺍﻣﻞ ﻑ ﺍﻣﺮﻳﻜﺎ ﺍﻟﻤﺴﻤﻰ . ﺍﻟﻤﺪﻛﺎﺩ ﻭﺩﻩ ﺗﺎﻣﻴﻦ ﺑﺘﺤﺼﻞ ﻋﻠﻴﻪ ﺍﻟﺴﻴﺪﺓ ﺍﻟﺤﺎﻣﻞ ﻭﻳﺴﺘﻤﺮ ﻣﻌﺎﻫﺎ ﺑﻌﺪ ﺍﻟﻮﻻﺩﺓ ﻓﺘﺮﺓ . ﺑﺲ ﻛﻞ ﻭﻻﻳﺔ ﻟﻴﻬﺎ ﺳﻴﺎﺳﺔ ﻓﻴﻪ .

 

ﻣﺜﻼ ﻭﻻﻳﺔ ﻧﻴﻮ ﺟﺮﺳﻰ ﺑﺘﺸﺘﺮﻁ ﺍﻥ ﺍﻟﺴﻴﺪﺓ ﺗﻜﻮﻥ ﺍﻣﺮﻳﻜﻴﺔ . ﻭﻫﻨﺎ ﺩﻩ ﻣﻦ ﺍﻟﻨﻘﺎﻁ ﺍﻝ ﺧﻠﺘﻨﺎ ﻧﺨﺘﺎﺭ ﻧﻴﻮﻳﻮﺭﻙ . ﺍﻧﻬﺎﺑﺘﺪﻯ . ﺍﻟﻤﺪ ﻛﺎﺩ . ﻻﻯ ﺳﻴﺪﺓ ﻣﻮﺟﻮﺩﺓ ﺑﺼﻮﺭﺓ ﻗﺎﻧﻮﻧﻴﺔ ﻋﻠﻰ ﺍﻻﺭﺍﺿﻰ ﺍﻻﻣﺮﻳﻜﻴﺔ ﺑﻤﻌﻨﻰ ﺍﻥ ﺍﻝ ﻣﻮﺟﻮﺩﺓ ﺳﻴﺎﺣﺔ ﻣﻦ ﺣﻘﻬﺎ ﺗﺤﺼﻞ ﻋﻠﻴﻪ . ﻭﺑﻜﺪﻩ ﺍﺗﺤﻠﺖ ﺍﻛﺒﺮ ﻣﺸﻜﻠﺔ ﻛﺎﻧﺖ ﻫﺘﺨﻠﻴﻨﻰ ﺍﻟﻐﻰ ﺍﻟﺴﻔﺮ ﻣﻦ ﺍﺳﺎﺳﻪ
 

تاني حاجة انا ﻣﻌﺮﻓﺶ ﺣﺪ ﻓﻰ ﺍﻣﺮﻳﻜﺎ .. ﻓﻜﻞ ﺍﻟﻮﻻﻳﺎﺕ . ﺑﺎﻟﻨﺴﺒﺎﻟﻰ . ﺳﻮﺍﺀ . ﺑﻌﺪ . ﺍﻋﺘﻤﺎﺩﻯ ﻋﻠﻰ . ﺍﻟﻠﻪ ﻭﺍﺳﺘﺨﺎﺭﺗﻪ . ﺍﺧﺘﺮﺕ . ﺍﻧﻰ ﺍﻧﺰﻝ ﻓﻰ ﻧﻴﻮﻳﻮﺭﻙ . ﻟﻼﺳﺒﺎﺏ . ﺍﻻﺗﻴﺔ .

• ﺍﻥ ﻭﻻﻳﺔ . ﻧﻴﻮﻳﻮﺭﻙ ﺑﺘﺪﻯ ﺍﻟﻤﺪﻛﺎﺩ . ﻟﻼﺟﺎﻧﺐ . ﺑﻌﻜﺲ . ﻭﻻﻳﺎﺕ ﺗﺎﻧﻰ .

• ﻣﻄﺎﺭ ﺟﻮﻥ . ﻛﻨﺪﻯ . ﺯﺣﻤﺔ ﻭﻋﺸﺎﻥ ﻛﺪﻩ ﻓﻴﻪ ﻓﺮﺻﺔ ﺍﻛﺒﺮ ﻣﻦ ﺍﻯ ﻣﻄﺎﺭ ﺗﺎﻧﻰ ﺍﻧﻨﺎ ﻧﻌﺪﻯ ﻭﺳﻂ ﺍﻻﻻﻑ ﺍﻝ ﺑﺘﻌﺪﻯ

• ﻃﻴﺮﺍﻥ ﻣﺒﺎﺷﺮ . ﻋﻠﻰ ﻣﺼﺮ . ﻟﻠﻄﻴﺮﺍﻥ . ﻣﻦ ﺍﻟﻘﺎﻫﺮﺓ ﻟﻨﻴﻮﻳﻮﺭﻙ . ﻓﻤڜ . ﻫﺤﺘﺎﺝ ﻃﻴﺮﺍﻥ ﺩﺍﺧﻠﻰ . ﺑﻤﺎ ﻓﻴﻪ ﻣﻦ ﻣﺼﺎﺭﻳﻒ ﻭﺧﻄﺮ ﻋﻠﻰ ﺯﻭﺟﺘﻰ ﻭﺍﻟﺤﻤﻞ . ﺍﻟﻤﺸﻜﻠﺔ ﺍﻟﻮﺣﻴﺪﺓ ﻛﺎﻧﺖ ﻏﻼﺀ ﺍﺳﻌﺎﺭ ﺍﻟﺴﮕﻦ ﻭﺍﻻﻃﻌﻤﺔ .

​

ﺍﻟﻌﻘﺒﺔ اللي بعدها ﻛﺎﻧﺖ ﻣﺨﺎﻃﺮ ﺍﻟﺴﻔﺮ . ﻟﺴﻴﺪﺓ ﺣﺎﻣﻞ في ﻣﻨﺘﺼﻒ ﺍﻟﺘﺎﺳﻊ ﻭﻗﺖ ﺭﻛﻮﺏ ﺍﻟﻄﺎﺋﺮﺓ . ﻭﺍﻟﺨﻄﺮ ﺩﻩ ﻳﺘﻀﺎﻋﻒ ﺍﻥ ﺍﺣﺘﻤﺎﻝ ﺍﻟﻘﻴﺼﺮﻳﺔ ﻋﺎﻟﻰ . ﺍﻟﺼﺮﺍﺣﺔ ﺍﻓﺎﺩﻧﻰ ﻛﻮﻧﻰ ﻃﺒﻴﺐ ﻓﻰ ﺍﻟﻨﻘﻄﺔ ﺩﻩ . ﺍﺧﻄﺮ ﺷﺊ ﺑﻴﻮﺍﺟﻪ . ﺍﻟﺴﻴﺪﺍﺕ ﺍﻟﺤﻮﺍﻣﻞ . ﺍﺛﻨﺎﺀ ﺭﻛﻮﺏ ﺍﻟﻄﺄﺋﺮﺓ ﻑ ﺍﻟﺜﻠﺖ ﺍﻻﺧﻴﺮ ﻣﻦ ﺍﻟﺤﻤﻞ 
 

ﺣﺪﻭﺙ ﺟﻠﻄﺎﺕ ﺑﺎﻟﺸﺮﻳﺎﻥ ﺍﻟﺮﺋﻮﻯ ﺑﺴﺒﺐ ﺗﺨﺜﺮ ﺍﻟﺪﻡ . ﻟﻌﺪﻡ ﺍﻟﺤﺮﻛﺔ ﻟﻔﺘﺮﺓ ﻃﻮﻳﻠﺔ ( ﻃﻴﺮﺍﻥ ١١ ﺳﺎﻋﺔ ﻣﺘﻮﺍﺻﻠﺔ ) ﻭﺩﻩ ﺣﻠﻪ ﻛﺎﻥ ﺍﻥ ﺍﺧﻠﻰ ﺯﻭﺟﺘﻰ ﺗﻘﻮﻡ ﺗﺘﻤﺸﻰ ﻑ ﺍﻟﻄﺎﺋﺮﺓ ﻛﻞ ﺭﺑﻊ ﺳﺎﻋﺔ . ﺧﻤﺴﺔ ﺩﻗﺎﺋﻖ . ﻭﺷﺮﺏ ﺳﻮﺍﺋﻞ ﻛﺘﻴﺮ .

 

ﺍﻟﺨﻄﺮ ﺍﻟﺘﺎﻧﻰ . ﻛﺎﻥ ﺍﻥ ﻳﺤﺼﻞ ﻃﻠﻖ ﻑ ﺍﻟﻄﺎﺋﺮﺓ . ﻋﻠﻰ ﻛﻞ ﺣﺎﻝ ﺍﻟﺤﻤﺪ ﻟﻠﻪ ﺭﺑﻨﺎ ﺳﺘﺮ ﻋﻠﻴﻨﺎ ﻭﻭﺻﻠﻨﺎ ﺑﺎﻟﺴﻼﻣﺔ .

ﺛﺎﻟﺜﺎ . ﺍﺧﻔﺎﺀ الحمل ﺣﺘﻰ ﻻﺗﻘﻮﻡ ﺍﻯ ﺟﻬﺔ ﺑﻤﻨﻌﻨﺎ . ﻣﻦ ﺍﻟﺴﻔﺮ . ﻭﻫﻨﺎ . ﻫﺘﻜﻠﻢ ﺑﺎﻟﺘﻔﺼﻴﻞ . ﻃﺒﻌﺎ . ﻛﺎﻧﺖ ﺯﻭﺟﺘﻰ ﻻﺑﺴﺔ ﻋﺒﺎﻳﺔ ﻭﺍﺳﻌﺔ ﻭﻃﺮﺣﺔ ﻃﻮﻳﻠﺔ ﻭﻗﺒﻞ ﺍﻯ ﺷﺊ ﺟﺒﺖ ﺷﻬﺎﺩﺓ ﻃﺒﻴﺔ ﻣﻦ ﺩﻛﺘﻮﺭﺓ ﻧﺴﺎ ﻭﻭﻻﺩﺓ ﺯﻣﻴﻠﺘﻰ ﺍﻥ ﺯﻭﺟﺘﻰ ﻑ ﺍﻻﺳﺒﻮﻉ ﺍﻝ ٣٦ ﻭﻋﻠﻴﻬﺎ ﺍﻛﻠﺸﻴﻪ . ﺍﻟﻠﺪﻛﺘﻮﺭﺓ . ﻭﺧﻠﻴﺘﻬﺎ ﻣﻌﺎﻳﺎ ﺍﻭﻝ ﻣﻮﺻﻠﻨﺎ ﻣﻄﺎﺭ ﺍﻟﻘﺎﻫﺮﺓ . ﺍﻣﻦ ﻣﺼﺮ ﻟﻠﻄﻴﺮﺍﻥ . ﻭﻟﻴﺲ ﺍﻣﻦ ﺍﻟﻤﻄﺎﺭ . ﻭﺩﻩ ﻛﺎﻧﺖ ﺳﻴﺪﺓ ﺍﻛﺘﺸﻔﺖ ﺍﻟﺤﻤﻞ . ﻭﺳﺎﻟﺖ ﺯﻭﺟﺘﻰ ﻫﻴﺎ ﻑ ﺍﻻﺳﺒﻮﻉ ﺍﻟﻜﺎﻡ . 

ﻟﻤﺎ ﻭﺭﻳﺘﻬﺎ ﺍﻟﺸﻬﺎﺩﺓ ﺍﻟﻄﺒﻴﺔ ﻋﺪﺗﻨﺎ ﻋﺎﺩﻯ . ﻻﻥ ﻗﺎﻧﻮﻧﺎ ﻻﻯ ﺳﻴﺪﺓ ﺍﻟﺤﻖ ﻑ ﺍﻟﺴﻔﺮ ﻗﺒﻞ ﺍﻻﺳﺒﻮﻉ ٣٦ ﺣﺴﺐ ﺳﻴﺎﺳﺔ ﻣﺼﺮ ﻟﻠﻄﻴﺮﺍﻥ .
ﺑﻌﺪ ﻛﺪﻩ ﻣﺮﺭﻧﺎ ﻋﻠﻰ ﺍﻣﻦ ﺍﻟﻤﻄﺎﺭ ﻧﻔﺴﻪ ﺍﻝ ﺑﻴﻔﺘﺶ ﻗﺒﻞ ﺭﻛﻮﺏ ﺍﻟﻄﺎﺋﺮﺓ ﺍﻟﺴﻴﺪﺓ ﺍﻝ ﻓﺘﺸﺖ ﺯﻭﺟﺘﻰ ﻗﻠﺘﻠﻬﺎ ﺗﻮﺻﻠﻮﺍ ﺑﺎﻟﺴﻼﻣﺔ .

ﻭﻣﺘﻜﻠﻤﺘﺶ ﻭﻻ ﻃﻠﺒﺖ ﺗﺸﻮﻑ ﺍﻯ ﺷﻬﺎﺩﺍﺕ ﺻﺤﻴﺔ .

 
ﻃﻠﻌﻨﺎ ﺍﻟﻄﻴﺎﺭﺓ ﻭﻓﻀﻞ ﺍﻛﺒﺮ ﺗﺤﺪﻯ . ﻟﻴﻨﺎ ﺍﻟﻤﺮﻭﺭ ﻣﻦ ﻣﻄﺎﺭ ﻛﻨﺪﻯ ﺑﻨﻴﻮ ﻳﻮﺭﻙ ﻭﻫﻨﺎ ﻫﺤﻜﻰ ﺑﺎﻟﺘﻔﺼﻴﻞ ﻭﺍﺣﻨﺎ ﻭﺍﻗﻔﻴﻦ ﻑ ﺍﻟﻄﺎﺑﻮﺭ ﺍﻝ ﺑﻴﺒﻘﻰ ﻋﻠﻰ ﺷﻜﻞ ﺯﻗﺰﺍﻕ ﻣﺘﻌﺮﺝ ﻣﻨﺘﻈﺮﻳﻦ ﺍﻟﻤﺮﻭﺭ ﻋﻠﻰ ﺿﺎﺑﻂ ﺍﻟﺠﻮﺍﺯﺍﺕ ﻻﺣﻈﺖ ﺍﻧﻪ ﺍﻟﻄﺎﺑﻮﺭ ﻭﺍﺣﺪ ﻭﻓﻴﻪ ﻋﺪﺓ ﺷﺒﺎﺑﻴﻚ ﺣﻮﺍﻟﻰ ﺧﻤﺴﺔ . 

ﻟﻤﺎ ﺑﺘﻮﺻﻞ ﻻﻭﻝ ﺍﻟﺼﻒ ﺑﺘﻘﻒ ﻋﻨﺪ ﺧﻂ ﻭﻟﻤﺎ ﺷﺒﺎﻙ ﺑﻴﻔﻀﻰ ﺑﺘﻮﺟﻬﻚ ﺿﺎﺑﻄﺔ ﺍﻣﻦ ﻧﺎﺣﻴﺔ ﺍﻯ ﺷﺒﺎﻙ ﻓﻴﻪ ﺣﻮﺍﻟﻰ ﻋﺸﺮﺓ ﻣﺘﺮ ﻣﺴﺎﻓﺔ ﺑﻴﻦ ﺍﻭﻝ ﺍﻟﺼﻒ ﻭﺍﻟﺸﺒﺎﻙ . ﺍﻟﺸﺒﺎﻙ ﻋﺎﻟﻰ ﺑﺤﻴﺚ ﻭﺍﻧﺖ ﻭﺍﻗﻒ ﺑﻴﺒﻘﻰ ﻓﻰ ﻣﺴﺘﻮﻯ ﺍﻋﻠﻰ ﺻﺪﺭﻙ ﻭﺑﻄﻨﻚ ﻣﺶ ﻫﺘﺒﺎﻥ ﻧﻬﺎﺋﻰ ﻗﺪﺍﻡ ﺿﺎﺑﻂ ﺍﻟﺠﻮﺍﺯﺍﺕ ﺑﺲ ﻃﺒﻌﺎ ﺍﺣﺘﻤﺎﻝ ﻛﺒﻴﺮ ﻳﻼﺣﻆ ﺍﻥ ﺯﻭﺟﺘﻰ ﺣﺎﻣﻞ ﻭﺍﺣﻨﺎ ﺟﺎﻳﻴﻦ ﻋﻠﻴﻪ ﻭﻣﺎﺷﻴﻴﻦ ﺍﻟﻌﺸﺮﺓ ﻣﺘﺮ .

 

ﺍﻧﺎ  ﺧﻠﻴﺘﻬﺎ ﺗﺒﻘﻰ ﻻﺯﻗﺔ ﻑ ﻇﻬﺮﻯ ﻭﺍﻧﺎ ﺑﻤﺸﻰ ﺑﺒﻂﺀ . ﺑﺤﻴﺚ ﻣﻨﺒﺎﻧﺶ ﺍﺻﻼ ﺍﻧﻨﺎ ﺍﺗﻨﻴﻦ ﺍﻻ ﻟﻤﺎ ﻧﻮﺻﻞ ﻗﺒﺎﻝ ﺍﻟﺸﺒﺎﻙ ﻭﻓﻌﻼ ﺭﺑﻨﺎ ﻛﺮﻣﻨﺎ ﻭﻭﺻﻠﻨﺎ . ﻭﻣﻼﺣﻈﺶ ﺷﺊ ﻭﻛﺎﻥ ﻛﻼﻣﻪ ﻣﻌﺎﻳﺎ . ﺍﻧﺘﻢ ﺟﺎﻳﻴﻦ ﻟﻴﻪ . ﻫﺘﻘﻌﺪﻭ . ﺍﺩ ﺍﻳﻪ . ﻭ ﻃﺒﻌﺎ ﻫﺰﺭﺕ ﻣﻌﺎﻩ ﻭ ﺿﺤﻜﻨﺎ ﺻﺮﺍﺣﺔ ﻛﺎﻥ ﺭﺍﺟﻞ ﻣﺤﺘﺮﻡ . ﻭﻋﺪﻳﻨﺎ ﻣﻦ ﺍﻛﺒﺮ ﻫﻢ ﻓﻰ ﺍﻟﻤﻮﺿﻮﻉ .

 

ﺭﺍﺑﻌﺎ ﺗﺪﺑﻴﺮ السكن ﺣﺎﻭﻟﺖ ﻗﺒﻞ ﻣﺴﺎﻓﺮ ﺣﺠﺰ ﺳﻜﻦ . ﺑﺲ . ﺍﻟﺼﺮﺍﺣﺔ ﻛﻞ ﻣﻮﺍﻗﻊ ﺍﻟﻨﺖ . ﺍﻝ ﺑﺘﺤﺠﺰ . ﺷﻘﻖ . ﻣﻌﻈﻤﻬﺎ ﻧﺼﺐ .
ﺭﺑﻨﺎ ﻫﺪﺍﻧﻰ ﺍﻧﻰ ﻣﺪﻓﻌﺶ ﺍﻭ ﺍﺣﻮﻝ ﻓﻠﻮﺱ ﻻﻯ ﻧﺼﺎﺏ . ﻭﻗﺮﺭﺕ ﺍﺣﺠﺰ ﺍﺭﺑﻊ ﺍﻳﺎﻡ ﻓﻰ ﻓﻨﺪﻕ ﻓﻰ ﻧﻴﻮ ﻳﻮﺭﻙ . ﺍﺩﻭﺭ ﻓﻴﻬﻢ ﻋﻠﻰ ﺳﻜﻦ . ﺣﺠﺰﺕ ﻣﻦ ﻋﻠﻰ ﻣﻮﻗﻊ . ﺑﻮﻛﻨﺞ ﻭﺩﻩ ﻣﻮﻗﻊ ﻣﺤﺘﺮﻡ . ﻭﺩﻓﻌﺖ ﻟﻤﺎ ﻭﺻﻠﺖ . ﺗﻘﺮﻳﺒﺎ . 
٥٠٠ ﺩﻭﻻﺭ ﻻﺭﺑﻊ ﻟﻴﺎﻝ .

ﻭﺑﺮﺩﻩ ﺍﻛﺘﺸﻔﺖ ﺍﻥ ﻛﻞ ﺍﻟﻤﻮﺍﻗﻊ ﺍﻝ ﻋﻠﻰ ﺍﻟﻨﺖ . ﻛﺮﻳﺞ ﻟﻴﺴﺖ . ﻭﺳﺒﻠﻴﺖ . ﻧﺼﺎﺑﻴﻦ . ﺣﺠﺰﺕ . ﻏﺮﻓﺔ ﺑﺤﻤﺎﻡ ﺧﺎﺹ . ﻓﻰ ﻓﻴﻼ ﺷﻴﺮﺩ ﻣﺸﺘﺮﻛﻪ ﻟﺴﻴﺪﺓ ﻣﺴﻠﻤﺔ ﻣﻦ ﺑﻨﺠﻼﺩﺵ . ﻭﺍﻟﺸﻬﺮ ﻛﻠﻔﻨﻰ ١٨٠٠ ﺩﻭﻻﺭ . ﻣﻦ ﻋﻠﻰ ﻣﻮﻗﻊ . ﺍﺭ ﺑﻰ ﺍﻥ ﺑﻰ ﻭﻓﻌﻼ ﻛﺎﻧﺖ ﺳﻴﺪﺓ ﻣﺤﺘﺮﻣﺔ ﻭﺳﺎﻋﺪﺗﻨﺎ ﻛﺘﻴﺮ . ﻭ ﻛﺎﻧﺖ ﺑﺘﻮﺻﻠﻨﺎ ﻟﻠﻤﺴﺘﺸﻔﻰ . ﻭ ﺟﺎﺑﺘﻨﺎ ﺑﻌﺪ ﻣﺨﺮﺟﻨﺎ ﺑﺴﻴﺎﺭﺗﻬﺎ

 

ﺧﺎﻣﺴﺎ ﺍﺟﺮﺍﺀﺍﺕ . ﺍﻟﻤﺪي ﻛيد . ﻭﺩﻩ ﺍﻧﺎ ﻛﺎﻧﺖ ﻋﺎﺭﻑ ﺧﻴﻂ ﺍﻟﺒﺪﺍﻳﺔ . ﻟﻴﻬﺎ . ﺑﺲ ﻣﻜﻨﺘﺶ ﻋﺎﺭﻑ ﺑﻌﺪ ﻛﺪﻩ ﻫﻌﻤﻞ ﺍﻳﻪ . ﺑﺪﺍﻳﺘﻬﺎ . ﺍﺟﺮﺍﺀ ﺍﺧﺘﺒﺎﺭ ﺣﻤﻞ . ﻓﻰ ﺍﻯ ﻣﺮﻛﺰ ﻃﺒﻰ ﻭﺑﻌﺪ ﺍﻟﺤﺼﻮﻝ ﻋﻠﻰ ﻧﺘﻴﺠﺔ ﺍﻻﺧﺘﺒﺎﺭ ﺍﻟﺒﺪﺀ ﻓﻰ ﺍﺟﺮﺍﺀﺍﺕ ﺍﻟﺤﺼﻮﻝ ﻋﻠﻰ ﺍﻟﺘﺎﻣﻴﻦ ﻭﺩﻩ ﺑﺘﻘﻮﻡ ﺑﻴﻪ ﻣﻜﺎﺗﺐ ﺍﻟﺤﻜﻮﻣﺔ ﺍﻻﻣﺮﻳﻜﻴﺔ ﻣﺨﺼﺼﺎﻫﺎ ﻟﻜﺪﻩ .

 

ﺍﺑﺘﺪﻳﻨﺎ ﺍﻻﺟﺮﺍﺀﺍﺕ ﺩﻩ ﻣﻦ ﺗﺎﻧﻰ ﻳﻮﻡ ﻭﺻﻮﻟﻨﺎ . ﻭﺑﻌﺪﻫﺎ ﺧﻄﻮﺓ ﺳﻠﻤﺘﻨﺎ ﻟﻞ ﺑﻌﺪﻫﺎ ﻭﻫﻢ ﻫﻴﻮﺟﻬﻮﻙ ﻫﻨﺎ ﻻﺯﻡ . ﺍﺭﻛﺰ . ﺍﻥ ﻣﺤﺪﺵ ﻳﺴﺘﻨﻰ ﻛﺎﺭﺕ ﺍﻟﺘﺎﻣﻴﻦ . ﻻﻧﻪ ﺑﺒﺎﺧﺪ . ﺍﻛﺘﺮ ﻣﻦ ﺍﺳﺒﻮﻋﻴﻦ ﺣﺘﻰ ﺗﺴﺘﻠﻤﻪ . ﻻﻧﻪ ﺑﻴﺮﺳﻞ . ﺑﺎﻟﺒﺮﻳﺪ .

 

ﺍﻻﻓﻀﻞ ﺍﻟﺤﺼﻮﻝ ﻋﻠﻰ ﺭﻗﻢ ﺍﻟﻤﺪﻛﺎﺩ ﺍﻟﺨﺎﺹ ﻣﻦ ﺍﻟﻤﻜﺘﺐ ﺍﻝ ﺍﻧﺖ ﺳﺠﻠﺖ ﻓﻴﻪ ﻭﺩﻩ ﺑﻴﺤﺼﻞ ﺑﻌﺪ ﺛﻼﺛﺔ ﺍﻳﺎﻡ ﻣﻦ ﺍﻟﺘﺴﺠﻴﻞ . ﻭﺍﻟﺮﻗﻢ ﺑﺘﻌﻤﻞ ﺑﻴﻪ ﻛﻞ ﺷﺊ ﺣﺘﻰ ﺍﻟﻮﻻﺩﺓ ﻭﺩﺧﻮﻝ ﺍﻟﻤﺴﺘﺸﻔﻰ . ﻻﻧﻪ ﺑﻴﺒﻘﻰ ﻋﻠﻰ ﺍﻟﺴﻴﺴﺘﻢ ﺑﺘﺎﻉ ﺍﻟﻤﺪﻛﺎﺩ

 

ﺳﺎﺩﺳﺎ. ﺍﺧﺘﻴﺎﺭ ﺍﻟﻤﺴﺘﺸﻔﻰ . ﻃﺒﻌﺎ ﺑﻤﺎ ﺍﻥ ليكي ميديكيد . ﻓﻤﻦ ﺣﻘﻚ ﺗﻮﻟﺪﻯ ﻓﻰ ﺍﻯ ﻣﺴﺘﺸﻔﻰ ﺗﺨﺘﺎﺭﻳﻬﺎ . ﺍﺧﺘﺮﻧﺎ ﻣﺴﺘﺸﻔﻰ . ﺍﺳﻤﻬﺎ . ﻟﻮﺛﺮﻥ ﻓﻰ ﺣﻰ ﺑﺮﻭﻛﻠﻴﻦ . ﻣﺴﺘﺸﻔﻰ ﻣﺤﺘﺮﻣﺔ ﻭﺗﻌﺎﻣﻠﻬﻢ ﺭﺍﻗﻰ . ﻭﻛﺘﻴﺮ ﺷﻐﺎﻟﻴﻦ ﻓﻴﻬﺎ ﻋﺮﺏ ﻭﻣﺴﻠﻤﻴﻦ .

ﻃﺒﻌﺎ ﻣﺘﺎﺑﻌﺎﺕ ﺍﻟﺤﻤﻞ ﺑﺘﻌﻤﻠﻴﻬﺎ ﺑﺮﻗﻢ الميديكيد ﻭﺍﻯ ﺳﻮﻧﺎﺭ ﺍﻭ ﺗﺤﻠﻴﻞ ﺑﺮﺩﻩ ﻋﻠﻰ ﺣﺴﺎﺑﻬﻢ .
 

ﺛﺎﻣﻨﺎ . ﻓﻰ ﺍﻣﺮﻳﻜﺎ . ﻣﺒﻴﺤﻮﻟﻮﺵ ﻭﺍﺣﺪﺓ ﺗﻮﻟﺪ . ﻗﻴﺼﺮﻳﺔ . ﺍﻻ ﺑﻌﺪ ﻣﺎ ﻣﻌﺎﺩ ﻭﻻﺩﺗﻬﺎ . ﻳﻔﻮﺕ . ﺑﺎﺳﺒﻮﻉ . ﻭﺑﻌﺪ ﻋﻤﻞ ﻛﻞ ﺍﻟﻤﺤﺎﻭﻻﺕ ﻟﺘﻮﻟﻴﺪﻙ ﻃﺒﻴﻌﻰ ﺍﻭ ﻳﻜﻮﻥ ﻓﻴﻪ ﺧﻄﺮ ﻋﻠﻰ ﺍﻟﺠﻨﻴﻦ . ﻑ ﺍﻋﻤﻠﻰ ﺣﺴﺎﺑﻚ . ﺍﻧﻚ ﻫﺘﺘﺎﺧﺮﻯ ﺷﻮﻳﺔ ﻭﻣﺶ ﻫﺘﻮﻟﺪﻯ ﺍﻭﻝ ﻣﺘﻮﺻﻠﻰ