​

أغلب البنوك في امريكا مش بترضي تعمل حساب بنكي بسهولة لشخص جاي بفيزا سياحة .و بيقولو لازم يكون معاك رقم ضمان اجتماعي . يعني تكون مقيم بشكل قانوني

​

لكن بعض البنوك بتقبل عادي حتي لو معاك إقامة سياحي

​

وفعلا رحت اليوم بنك اسمه سانتاندير Santander في نيو جيرسي . وتم الإجراءات بسهولة الحمد لله .

 

مع العلم معايا فيزا سياحي . ومش معايا رقم سوشيال سيكيوريتي . كل اللي طلبته . رقم تليفون . باسبور . عنوان في امريكا . عنوان في مصر . ايميل

 

فتح الحساب مجاني . بس لازم تحط فيه حد أدني 25 دولار

 

البنك بيكون ليه مصاريف شهرية 10 دولار . بتتخصم من حسابك . بس انت لو عملت اي عملية بنكية حتي لو مرة في الشهر . فمش هتدفع الرسوم ديه

 

عملية زي مثلا انك تشتري حاجة بالكريديت . او أيها فلوس لحد في امريكا او خارجها

 

ومن نظام البنك انك لو بعت لاي حد فلوس داخل امريكا بتكون مجاني . ولو بعت لحد خارج امريكا بيكون فيه رسوم