بالنسبة لمواصفات الصوره للتقديم في الهجره  

​

• أبعاد الصورة أي العرض في الطول يكون 600×600 بيكسل أي 5×5

​

• حجم الصورة لا يزد عن 240 كيلوبايت وتكون الصورة بامتداد JPEG وتكون الصوره على خلفيه بيضاء.

​

• الصورة تكون من بداية منتصف الصدر حتى الرأس وتكون الرأس محتلة حوالي 50% من مساحة الصورة.

​

• الوجه والأكتاف يكونوا مواجهين تماماً للكاميرا حتى لا تكون الصورة ملتقطة بزاوية بحيث يكون الخدين والأذنين واضحين تماماً في الصورة.

​

• لا تبتسم، تأكد من أن تبقي عينيك مفتوحتين، بدون ظل في أي من جوانب الوجه أو الخلفية - على الوجه أن يكون واضحاً ومركزاً في الصورة.

​

• يمنع إضافة القبعة أو لباس رسمي ماعدا الذي يتعلق بمعتقدات دينية (كالحجاب مثلاً) فهو مسموح ماعدا ذلك لا يسمح بتغطية أي جزء من الوجه.

​

• بعد التصوير والانتهاء من الصوره تقول للمصور أريد نسخة منها على سي دي أو فلاش ميموري، وتكون بمقاس 600×600 بيكسيلز

​

 

خليني اتكلم معاكم من واقع خبرتى .. انسوا التعليمات دى والمواصفات واسمعونى فى اللى هاقوله ليكم دلوقتى

​

• .يا اما تروح اى استوديوا وتقوله صوره للسفاره الامريكيه .. مش تقوله بقى للهجره والمقاس والكلام الكتير ده لان بعض الاستوديوهات متعرفش يعنى ايه هجره .. لكن هما عارفين ان صوره السفاره الامريكيه مقاسها 5×5 وانا زى ما اتفقت معاكم ان كل انواع الفيز بمقاس واحد وبموصفات واحده وان الاستوديوهات عارفه مقاس السفاره.

​

• تانى حل انك تتصور بكاميرا الموبيل ويفضل بالنهار علشان الاضاءه بتكون واضحه جدااا او بكاميرا عاليه جدااا او موبيل عالى جدااا فى اى وقت.. وتخدها انت وتقصها على الكمبيوتر بمقاس 5×5 وعلشان تقصها فيه موقع تبع الخارجيه الامريكيه بتدخل عليه الصوره وتقصها بنفس المقاس وبالجحم اللى هما عايزينه

​

• طبعا الصوره ليها امثله يعنى مينفعش تتصور فى اضاء وحشه او تكون واقف معوج او لابس كاب او او او .

​

• طبعا لو عايز تشيك علي صحه الصوره قبل ما تقدم عليها علشان تعرف انها سلميه او لاء ادخل الموقع ده.

​

• اسمعونا بقى كويس هنا الموقع اللى بيشيك على صحه الصوره بيشيك على نوع الصوره وحجمها وبس .. يعنى انت لو متصور غلط او لابس كاب او حاطط صوره قطه او كلب او اى صوره بس المقاس والجحم صح .. هيقولك ان الصوره صحيحه.
  
  معنى كلامى ان الموقع مش بيشيك على صوره الانسان اللى جوة يعنى الموقع ميعرفش ان الصور بتاعه انسان او حيوان. طيب المطلوب منك انك تتصور صح وتعمل المقاس المطلوب والحجم المطلوب وتتوكل على الله وتقدم.

​

• موضوع احسن استوديهات بتصور صح، عندك فى الاسكندرية استوديوا اسمه غاده فى الابراهميه فى شارع اللاجتيه. وعندك على مستوى مصر فى بعض المحافظات زى القاهره استوديوا اسمه كودك ده مشهور بالصوره وفاهم. وعندك الكنائس ممكن تروح تقدم عندهم وهما بيصوروك وبيقصوا الصوره صح.

​

• موضوع السيدات والبنات .. عادى جداا تتصوروا بالطرحه ولو عايزين تحطوا ميك اب عادى بس ياريت مش تغيروا ملامحكم علشان لما تتخدلوا السفاره ميكنش فيه شك. طبعا اى ست منتقبه لازم تتصور وتعين النقاب من علي وشها.

​

• الاطفال الرضع.. متقلقوش من الصوره انتوا بتمسكوهم بأديكم وتصوروا وشوهم بس وحولوا تفتحوا عنيهم ولو مش عرفتوا عادى جدااا لان دول سنهم صغير ومش مطلوب منهم صوره مواصفات زى الناس الكبيره

​

​

وهنا هننقل عدد من الفيديوهات المهمة المتعلقة بالصورة