نتكلم أولا عن معادلة شهادة الهندسة المصرية بالولايات المتحدة , ثم الحصول علي رخصة العمل كمهندس

​

​

البوست ده مهم جدا وهيفرق مع المهندسين اللي اتخرجوا و كل اللي في كلية الهندسة .. اقرأه باهتمام

 

• ايه هي المعادلة الامريكية دي ؟

  • ​هي معادلة ( مجرد امتحان ) اسمه Fundamentals of Engineering (FE) واللي بتعمله منظمة Ncees في امريكا ومعترف بيها علي مستوي العالم اللي هيجتاز الامتحان ده هيصبح مهندس معتمد وكأنه متخرج من جامعة في امريكا وهيكون مهندس معترف بيه وبشهادته في كل دول العالم ودي المرحلة اللي قبل
    P.E. Principles and Practice of Engineering (PE) exam
    واللي بتكون بيها Professional Engineer ودي اقوي شهادة علي مستوي العالم في الهندسة
    وبيتطلب الحصول عليها انك يكون عندك خبرة مش اقل من ٤ سنين بعد تخرجك
     

• ليه المعادلة دي مهمة ؟

  • لأنها بتخليك في مكانة بعيدة جدا عن مهندسين كتير علي مستوي مصر والعالم ... والسنة اللي فاتت ٢٠١٥ حولي ٧٥٠٠ مهندس بس من جميع دول العالم تقدموا الأمتحان وحصلوا علي الشهادة دي وكمان في الشغل دول كتيرة جدا في اوروبا وامريكا بتطلب الشهادة دي علشان تقدر تشتغل هناك ..
    و كان فيه تقارير بتقول ان المعادلة دي هتطبق كمان في دول الخليج ونقابة المهندسين خلال السنين الجاية هتعتمدها رسميا علشان تقدر تحصل علي كارنيه النقابة - كل الكلام ده بيبين قد ايه الشهادة دي مهمة لمستقبلك -

​

• ايه الاقسام المتاحة للمعادلة ؟ وبكام الامتحان ده ؟ ومواعيده ايه ؟

  • الاقسام ( مدني - ميكانيكا - كهرباء - كيمياء - كومبيوتر - بعض التخصصات الاخري) و تكلفة الامتحان 225$ الامتحانات بتكون فى 8 شهور فقط يناير - فبراير - ابريل - مايو - يونيو - اغسطس - اكتوبر - نوفمبر

​

•  ازاي امتحن الامتحان ده ؟

  • ​ زمان كان متاح بس لطلبة الجامعة الامريكية و الاكاديمية البحرية بس انهم يدخلوا الامتحان و باقي الطلبة علي مستوي مصر لازم يعملوا معادلة للمواد اللي درسوها و يشوفوا ايه اللي ناقص ويدرسوه و كانت بتتكلف فلوس كتير غير الوقت. لكن في شهر مارس اللي فات نقابة المهندسين عملت اتفاقية مع منظمة Ncees ان اي حد مسجل في النقابة يقدر يمتحن الامتحان ده علي طول من غير معادلات ولا مواد تتدرس تاني و مجرد يدفع بس رسوم الامتحان وهو معاه الكارنيه يقدر يدخل الامتحان علي طول.

​

• الامتحان عبارة عن ايه ؟

  • ​ كل قسم في هندسة بيبقي فيه مجالات بتمتحن فيها مثلا مدني حوالي ١٨ مجال لازم تكون عندك علم بيهم وهم يعتبر بعض المواد اللي درستها في الخمس سنين زي ( رياضة - تفاضل - تكامل - هيدروليكا - استراكتشر - طرق - مساحة - بيئية - ادارة ) وهكذا
    و فايدة الشهادة دي انها بتخليك فاهم هندسة صح لانك بتراجع علي اهم حاجة في كل مجال انت درسته قبل كده وبتحتاجه في شغلك والامتحان بيكون ٦ ساعات (١١٠ سؤال) و فيه ٢٥ دقيقة بريك وده لينك عليه كل التفاصيل الخاصة بالامتحان

​

•  طب الامتحان ده علشان انجح فيه اعمل ايه ؟

  • مطلوب منك انك تذاكر و تذاكر صح بفهم مش بحفظ لان ده مش امتحان فاينال هتعدي منه بالساهل ده عاوز مجهود لانه مش سهل لكن مش مستحيل

​

• طب اذاكر منين ؟

  • ​مناهج الهندسة علي مستوي العالم واحدة .. علشان بس محدش يقول اني هذاكر مناهج صعبة او مخدتهاش قبل كده .. كل الفرق هنا انك هتذاكر صح و بطريقة تخليك فاهم هندسة مش حافظها والمذاكرة فيه ناس خلصوها في شهرين وناس في ٤ شهور وناس في ٦ شهور يعني تقدر تذاكرها انت وشطارتك من ( ٢ الي ٦ شهور ) بالكتير اوي يعني.
    لو انت كتبت علي اليوتيوب او دخلت علي جوجل دورت علي كتب لل FE هتلاقي كتير جدا و ياريت تتأكدوا ان الكتب دي من بعد ٢٠١٤ لان الامتحان اتغير وقتها وانا عن نفسي بفضل المذاكرة تكون من ال Reference اللي علي موقع ال Ncees وفيه كورس كويس جدا عملته جامعة مارشال الامريكية لل FE Marshall University 2015-2016
    FE Exam Review (Civil
    
    و ده كورس علي موقع كورسيرا من معهد جورجيا
    و ده جروب عليه معلومات وكتب كتيرة للي عاوز يبدأ في المعادلة  وده لمدني بالذات
    
    
    انا برشح المعادلة دي لكل طالب هيتخرج السنة دي و لسة ايده شغالة في المذاكرة انه يذاكرها قبل ما يشتغل لانها هتفرق معاه بعد كده او اي حد لسة متخرج جديد و عاوز يتطور نفسه في وظيفته علشان يكون علي نفس مستوي المهندسين اللي علي مستوي العالم وافضل منهم كمان والله الموفق والمستعان

​

​

​

​

===================================

​

​

كيفية الحصول على رخصة ممارسة المهنة كمهندس في امريكا
 (Engineering License FE, EIT, and PE)

 

 

رخصة ممارسة المهنة كمهندس في امريكا احدى اهم متطلبات الشركات لقبول المتقدم. وفي بعض الاحيان الشرط الرئيسي للقبول.

 

رخصة ممارسة المهنة كمهندس تنظم من قبل للجنة المهندسين في الولاية، ولكل ولاية للجنة واحدة تقوم باصدار التعليمات ومراقبة اعمال المهندسين وتنظيم اصول العمل.

 

وعند وجود مخالفات من قبل المهندسين تقوم اللجنة باصدار الغرامات والعقوبات اللازمة. بدون مهندس حاصل على رخصة ممارسة المهنة كمهندس لايمكن تصديق وتنفيذ الاعمال فمثلا بدون ختم وتوقيع المهندس الحاصل على رخصة المهندس المحترف (professional engineer PE) لا يمكن تنفيذ مخطط البناء. لذلك شركات المقاولات تطلب هذه الرخصة.
 

لزيادة فرصة الحصول على عمل كمهندس للمهاجرين الجدد يجب عليك الحصول على رخصة ممارسة المهنة كمهندس وبالاضافة لرخصة الممارسة ولضمان الحصول على عمل مناسب يفضل الحصول على شهادة الماجستير من امريكا.

 

رخصة الممارسة والشهادة تفتح ابواب كثير من الشركات ولاتحتاج وقت طويل فخلال فترة اكمال شهادة الماجستير يمكنك الحصول على رخصة الممارسة وكذلك معادلة الشهادة.
 

توجد نوعان من رخص الممارسة.

• الاولى هي رخصة الممارسة للمهندس المبتدئ وتسمى EI او Engineer Intern اوEIT او FE وتختلف التسميات حسب الولايات.

• والنوع الثاني هي رخصة المهندسين للمحترفين وتسمى PE او Professional Engineer. للحصول على PE عليك الحصول اولا على EIT كذلك يجب اجتياز امتحانات معينة وتوفر الحد الادنى من الخبرة.

​

​

خطوات الحصول رخصة ممارسة المهنة للمهندس المبتدئ.
----------------------------------------------------------
 

• للحصول على رخصة ممارسة المهنة للمهندس المبتدء عليك اولا اجتياز امتحان FE . 

• كذلك للحصول على رخصة ممارسة المهنة كمهندس يجب عليك توفير بعض شروط الخاصة بكل ولاية كمعادلة الشهادة وامتحان اللغة وقد تكتفي للجنة المهندسين بامتحان ال FE فقط.

• لمعرفة شروط الولاية للحصول على رخصة ممارسة المهنة للمهندس المبتداء اذهب الى موقع الانترنيت للجنة الخاص بولايتك.

  • ​اولا: اجتياز امتحان ال FE.

  • ثانيا: ملئ استمارة التقديم لرخصة ممارسة المهنة للمهندس المبتدء وارفاق رسوم الشهادة وارسالها الى للجنة المهندسين في ولايتك. وخلال اسابيع يتم ارسال الرخصة بالبريد.

​

 

​

خطوات الحصول على رخصة ممارسة المهنة كمهندس محترف PE.
----------------------------------------------------------------

• اولا: عليك اجتياز امتحان ال FE. اذا كنت قد اجتزت الامتحان سابقا فتعتبر مستوفي هذا الشرط حيث ان امتحان ال FE يبقى فعال مدى الحياة.

• ثانيا: عليك معادلة شهادة البكاليريوس بالشهادة الامريكية

• ثالثا: اثبات خبرة ممارسة المهنة كمهندس لمدة اربع سنوات على الاقل وتختلف المدة حسب نوعية شهادة البكلوريوس وتوفر الشهادات العليا.

• رابعا: تقديم استمارة الى اللجنة للموافقة على التقديم للحصول على الرخصة والموافقة على اداء امتحان PE.

• خامسا: اجتياز امتحان ال PE