السلام عليكم..

 

في كذا طريقة لتحويل الفلوس من مصر لامريكا..

 

زي PayPal او western Union او عن طريق البنك..

 

وحبيت اشارككم ازاي تجربتنا في تحويل مبالغ ماليه من بنك في مصر الي بنك في امريكا...

 

• حساب بنكي بالدولار قبل ما تسافر بتالت او اربع شهور.. وتودع المبلغ.. 

• تعمل توكيل بنكي لحد تستأمنه الوالد او الوالده.. بتروحوا البنك انتوا الاتنين وتعملوا توكيل من جوه البنك وانتوا الاتنين بتمضوا عليه..

• ولما تسافر وتفتح حساب في بنك في امريكا America of bank ( لان البنك دا ممكن فتح حساب فيه بالباسبور). . تدخل علي الحساب تجيب ال swift code بتاعك في bank of America 

• تبعته للي عملته التوكيل في البنك وهو يروح يملي استماره ويكتب السويفت كود وخلال يومين عمل او تالته التحويل بيتم لحساب البنك في امريكامن مصر

• التوكيل بتاع الشهر العقاري مالوش اي الزمه في البنوك حتي لو مكتوب بند التعامل في البنوك لازم توكيل من جوه البنك..

• البنك اللي ممكن فتح حساب فيه بالباسبور قبل ما يطلع السوشيال هو bank of America

• ال swift code دا رقم سيريال للحساب البنكي.. واغلب الشركات بتتعامل به لتحويل الفلوس من مصر للخارج.. وينفع للحسابات الشخصيه انه تحول بنفس الطريقة وبالتوفيق للجميع