أسرار الحصول على رخصة قيادة دولية :

رخصة القيادة الدولية بتسمحلك انك تؤجر سيارة و تسوق في اغلب دول العالم بدون أي مشكله , و تقدر تستفيد من الموضوع ده لو انتوا مجموعة أصدقاء مثلا أو عائلة و عاوزين تعملوا ROAD TRIP مثلا في أوروبا أو امريكا , الموضوع ده حيوفرلكم فلوس كتير أوي في الانتقالات . 

الأوراق المطلوبة للحصول على رخصة القيادة الدولية : 

​

• أصل جواز السفر و صورة منه

• أصل رخصة القيادة المصرية و تكون صالحة لمدة عام على الأقل و صورة منها

• 2 صورة شخصية حديثة

​

​

طريقة الحصول عليها :

​

• حتروح لنادى السيارات والرحلات المصرى , و عنوانهم : 10 شارع قصر النيل وسط البلد , و رقم التليفون 25743355 أو 25743418

• تستخرج شهادة تحريات عن رخصة القيادة من مكتب الإدارة العامة للمرور و دي ممكن تطلعها من نادي السيارات نفسه اللي انت فيه و سعرها 10 جنيه مصري

• تسحب طلب استخراج رخصة قيادة دولية من الخزينة و سعرها 270 جنيه مصري و تكتب كل بياناتك بالانجليزي زي الباسبور , و خلي بالك لازم تقدم الطلب في نفس اليوم اللي سحبت فيه الاستمارة

• لازم تروح تقدم بنفسك و مينفعش حد يقدم عنك حتى لو معاه توكيل رسمي 

• تقدر تقدم الطلبات 9:30 الصبح لحد الساعه 2 بعد الظهر , و حتستلم الرخصه الدوليه في نفس اليوم 

​

​

ملاحظات مهمة :

الرخصه الدوليه بتطلع صالحه لمدة سنه غير قابله للتجديد , و تقدر تستخدمها في 150 دوله , و خلي بالك انك ممكن تستخدم الرخصة الدولية في حالة انك مسافر للسياحه فقط او حضور مؤتمر مثلا أو حج أو عمرة, لكن لو مسافر بغرض العمل أو عندك اقامة في البلد دي فمينفعش تسوق برخصة دولية.