صباح الخير ياشباب.

ازاى اعمل حجز فندق من غير ماتدفع ويكون مقبول فى السفاره.

1. تسجل حساب على بوكينج والتسجيل محتاج الاسم الاول والاخير رقم تليفون وايميل.

2.تدخل من الحساب اللى عملته وتختار المدينه اللى عاوز تزورها وليكن باريس تكتبها فى خانه البحث مع تاريخ الدهاب وتاريخ العوده وعدد المقيمين والضغط على بحث

.
3. تختار الفندق المناسب ويكون الغاء مجانى ازاى اعرف انه الغاء مجانى بتلاقى على يمين السعر علامه استفهام روح عليها بتلاقى سياسه الالغاء بيكون كاتب فى مبلغ هيتم خصمه او الغاء مجانى لغايه تاريخ كذا وعادتا بيكون الالغاء مجانى لغايه يوم قبل الوصول.

4.تدخل على الغرفه من السعر تختار عدد الغرف وتضغط على حجز.

5 تكتب البيانات المطلوبه من اسم النزيل والايميل ورقم التليفون بيحولك على صفحه تانيه بيكون فيها مستطيل عنوانه طلبات خاصه او special request.

فى المستطيل بتطلب منه ان الفندق يبتعلك ورقه بتاكيد الحجز على ورق الفندق مختومه ومتوقعه من الفندق باسماء النزلاء وطبعا بتكون اخدت قبلها رقم حجز من بوكينج بنكتب فيها التالى

Dear

Kindly requested to confirm the booking no ........ ... on hotel letter head signed and stamped for visa purpose.

Guest names
1.
2.
3.
Check in date
Check out date
Your propmt respond is highly appreciated

Regards

بعدها بيوصلك على الايميل من بوكينج ان طلبك راح الفندق وهيبعتولك لما الفندق يرد وبعد يومين بيوصلك الحجز على ورق الفندق مختوم ومتوقع وجاهز.

طبعا بتكون عامل حسابك فى فتره كبيره قبل تقديم الفيزا على اساس تسيب الحجز فعال لحد ماتاخد الفيزا او اذا الفندق اتاخر عليك.

بعد ماتاخد الفيزا تقدر تلغى الحجز عادى او تستخدمه لو السعر مناسب ليك.

ارجو يكون الموضوع سهل والكل يستفيد ويارب الكل يسافر.

تحياتى للجميع