في حب البرتغال  

​

علشان نبقي متفقين، مينفعش تكون في أوروبا لأي سبب من الأسباب - خصوصا لو عندك الفرصة إنك تزور أكتر من بلد - ومتزورش بورتو في البرتغال

​

بورتو هي تاني أكبر مدينة في البرتغال من حيث المساحة بعد لشبونة، لكن من وجهة نظري المتواضعة ومن وجهة نظر ناس كتير غيري زاروا البرتغال؛ هي اجمل مدينة في البرتغال

​

بورتو هي مدينة مش كبيرة اوي بتقع في شمال غرب البرتغال وبتطل علي المحيط الأطلنطي، وما ادراك ما المحيط الاطلنطي بقي  يعني لو انت من عشاق السيرفنج مش هتلاقي أحسن من الأطلنطي علشان تسيرف براحتك

​

من أكتر الحاجات اللي بتميز البرتغال بصفة عامة وبورتو بصفة خاصة أنها بلد رخيصة والسياحة فيها مش مكلفة زي دول اوروبية تانية كتير بالإضافة إلي أنها فيها مناطق جذب سياحي كتيرة وفيها حاجات كتير ممكن تشوفها ويمكن يكون فيها حاجات أكتر وأحلي من دول تانية كتير غالية وواخده شهرة عالفاضي علشان كده بنصح اي حد ممكن يتواجد جوا أوروبا ويكون عنده فرصة يسافر أنه يروح البرتغال ويشوف بورتو وجمال بورتو

​

السفر لبورتو رخيص جدا لأن في شركات كتيرة زي رايان إير وبويلينج بتعمل اوفرز كتير لبورتو وفي بعض الاحيان ممكن يوصل سعر تذكرة الطيران رايح جاي لحوالي ٤٠ او ٥٠ يورو، ده غير ان السكن هناك رخيص جدا، وسواء كنت بتستخدم إير بي إن بي Airbnb او من عشاق السكن في الهوستيلز - زي حالاتي  - هتلاقي دايما أسعارهم ارخص من اي مكان تاني ممكن تلاقيه في أوروبا، بنفس معايير الجودة والأمان اللي بيوفرهم Airbnb او الهوستيلز المختلفة. بردو الأكل هناك رخيص جدا خصوصا لو هتقعد كام يوم وعندك الامكانية انك تنزل السوبر ماركت وتعمل أكلك بنفسك، دي ممكن تكون ارخص من مصر بعد التعويم

​

تعالوا بقي نشوف بورتو فيها إيه  

* لازم اول ما تروح بورتو تجري علي كوبري دوم لويس Dom Luis bridge - اللي معمول فوق النهر علي إرتفاع ٨٥ متر وعلي شكل قوس - علشان تشوف بورتو كلها من فوق بجمالها وطبيعتها وجمال معمارها ومراكبها الجميلة اللي ماشية في النهر وتاخد اجمل صور ممكن تاخدها في حياتك

 

* طبعا بعد ما تعدي الناحية التانية من الكوبري، متنساش تلف علي ايدك اليمين علشان توصل للمكان اللي ممكن تشوف منه الكوبري بالكامل عن قرب وتشوف جمال الكوبري وروعة تصميمه، وكمان تشوف لوحة بورتو كاملة بنهرها وكباريها ومبانيها الملونة اللي شكلها أكثر من رائع وكمان تشوف وطبيعتها الخلابة  وبعد كده تروح تركب التليفريك جايا Telefrico de Gaía   اللي هيمشي بيك مسافة ٦٠٠ متر لمدة خمس دقايق من علي ارتفاع ٦٣ متر وهيمشي بيك فوق مدينة بورتو علشان تشوفها كلها من فوق وتقرب من كل التفاصيل اللي مقدرتش تشوفها كويس وانت فوق الكوبري  ، صدقني هتنبسط اوي  ، التليفريك مش غالي اوي، ب ٦ يورو € الوان واي و ٩ يورو € الريتيرن تريب

​

* بعد ما التليفريك ينزلك تحت تاني، هتجري  وتروح ع ضفة النهر، اولا علشان تتصور مع الكوبري اللي منظره تحفة من تحت، وثانيا علشان تركب الصندل (مركب)  اللي هيلف بيك في النهر حوالين بورتو كلها واللي شبه المركب اللي موجود في بورتو مارينا لو حد فيكم فاكره، واللي اعتقد ان فكرة مركب بورتو مارينا مستوحاة منه، والله أعلم

​

* بعد بقي ما تخلص كل اللي فات ده، عدي للضفة التانية من النهر من خلال الكوبري، علشان تشوف احلي مطاعم وكافيهات موجودة عالنهر، وتتغدي من اكل بورتو وسمك بورتو   ، ومينفعش تمشي من بورتو من غير ما تاكل فرانشيسينيا Francesinha اللي هي أشهر طبق في بورتو - وطبعا لو انت مسلم يبقي متنساش تأكد عليه أنه يعملهالك من غير لحم خنزير - وبعدها تحلي بالباستيل دي ناتا Pastel de Nata اللي طعمه تحفة ده

​

* هتخلص غدا وتطلع علي ليڤراريا ليللو Livraria Lello ودي بقي بلوة من بلاوي الزمن وتحفة فنية ومصنفة كواحدة من أجمل المكتبات علي مستوي العالم، وبالمناسبة ده المكتبة اللي اتصور فيها سلسلة أفلام هاري بوتر بجلاله قدره

​

* خلص فرجه في المكتبة براحتك وخد كل الصور اللي انت عايزها، واطلع بعد كده عل محطة الترام علشان تعمل بورتو ترام سيتي تور Porto tram city tour اللي فيها هتقدر تركب الترام الاصفر التاريخي القديم اللي بيميز مدينة بورتو واللي بيعتبر من أشهر معالم مدينة بورتو وأقدمها ويعتبر رمز للمدينة، واللي هيلف بيك المدينة ويوريك معالمها الجميلة وطرازها المعماري الفريد ، ولو انت من محبي المتاحف؛ تقدر تروح متحف الترام Tram museumعلشان تتعرف علي تاريخ الترام في بورتو والبرتغال وتشوف النسخ والاصدارات المختلفة اللي كانت موجودة من الترام

​

* تقدر بعد كده تروح علي حدائق قصر الكريستال Jardins do Palácio de Cristal علشان تشوف واحدة من أجمل الحدائق في بورتو والطبيعة الخلابة اللي فيها، واللي بردو هتلاقي فيها طوواويس حلوة كده في منتهي الجمال بتتمشي حواليك في الحديقة بألوانها الجميلة، وكمان وإنتا بتلف في الحديقة هتلاقي مكان كده عالي اوي هتشوف منه بورتو كلها والناحية بتاعة النهر وده منظر في منتهي الروعة وهيكون من اجمل المناظر اللي ممكن تشوفها في الرحلة كلها، وفي الآخر وانت خارج من الحديقة هتلاقي كلمة بورتو كبيييييرة مكتوبة باللون الكحلي - زي بتاعة امستردام كده  - وفي ضهرها قبه كريستال كبييييرة، هناك هتاخد صور مش هتنساها طول عمرك

​

وغيرها وغيرها، حاجات كتير جدا تانية ممكن تشوفها وتعملها في بورتو، لو عايز تعرف اكتر وعجبك الموضوع؛ ادخل ع جوجل ودور علي بورتو وشوف فيها ايه تاني حلو، وشوف اماكن وحاجات تانية ممكن اكون مذكرتهاش وممكن اكون معرفهاش أصلا

​

 

===========================
 

رحلة معي الى البرتغال   

​

البرتغاال لشبونة.. صاخبة بحداثتها وساحرة بتاريخها شواطئ بلورية وعمران من كل العصور عند زيارتك للبرتغال، تدرك ان التقاء التقاليد والحداثة في كيان واحد لا يقتصر على فئة دون اخرى فهما تسيران بخطين متوازيين يكمل احدهما الآخر.

 

البرتغال الحديثة تتجلى بوضوح بالغ في منتجعات الغارف الشاطئية الودودة المشمسة، لكن لا يفوتنك زيارة مناطق البلاد الاخرى التي قد تحتاج منك معرفة ولو بسيطة باللغة البرتغالية التي ستكون بدورها طريق الوصل الى تجارب رائعة مع بلدات تتربع على قمم الهضاب والتلال ويعود تاريخها الى القرون الوسطى كما هي طريقك الى تجربة مشروبات ومأكولات فريدة من نوعها فضلا عن مناظر لا يمكن ان تنساها في حياتك

 

اما البرتغاليون فيشكلون الجزء الاكثر اشارة في رحلتك الى بلادهم. فهم شعب يتميز بشخصية تواقة الى نكهة الماضي حتى وان كانت بلادهم تمضي قدما في بحثها عن مكانة مرموقة في اوروبا الحديثة لشبونة العاصمة الصاخبة بالحياة التي تستمد سحرها من خليط العصور والثقافات التي عايشتها عبر قرون عديدة مضت، فترك كل زمن اثر هنا واثر هناك. لشبونة التي تمتد على ضفاف نهر تاغوس هي بمثابة الذاكرة التاريخية للبرتغال..

 

فهي لا تتوقف عن تذكيرك بان هذه البلاد غُزيت وقهرت مرات ومرات وبأنها من بنى واضاع امبراطورية مجيدة وبأنها عزلت نفسها عن العالم الخارجي وتقوقعت على ذاتها. اثناء تجوالك في المدينة، سترى تلك الواجهات المرممة التي يعود تاريخها الى القرون الوسطى ومبان ذات تصاميم فنية رائعة وطرقات مشي جانبيه مزدانه بالفسيفساء باللونين الابيض والاسود فضلا عن المتاحف الجيدة والعديد من المتاجر الحديثة.

 

وسط العاصمة لشبونة يحتضن قلعة ساو جورجي التاريخية التي تطل بأبراجها العشرة على التل منذ العصر الفينيفي ويوجد بالقرب منها الحي الموري القديم (الغاما) بشوارعه الضيقة وبيوته البيضاء ومن المزارات السياحية الجذابة في لشبونة برج بيليم وكنيسة جيرونيموز. الــــموســـيقــى الحـــزيــنــه وعلى ما يبدو فان سكان لشبونة قد تشربوا الجوانب المتعددة لشخصية مدينتهم.. فموسيقى الفادو الحزينة التي تطورت في لشبونة مع اوائل القرن التاسع عشر تتمتع بشعبية كبيرة ورغم ان المؤدين يغنون المأساة ويرثون المجد الغابر الا ان الجمهور في معظمه يجسد لشبونة الحديثة... مركز الازدهار والترفيه والاعمال العصرية.

 

اسـتـــوريل وكــاســكيس المنتجعات الشاطئية في البرتغال تقع على بعد عدة اميال من العاصمة في استوريل وكاسكيس اللتان تمضيان قدما في مواكبة متطلبات السياحة وتحافظان على المستويات المرتفعة لفنادقهم وقد شهدت كاسكيس على وجه التحديد عزا مذهلا وسريعا فمن قرية صغيرة لصيد السمك ذات شواطئ جميلة خالية الى منتجع يضج بالحياة ويعج بالمطاعم والاندية الليلية الرائعة.

 

اما مقاطعة الغارف التي تقع في اقصى جنوب البرتغال وتمتد من الحدود الاسبانية الى رأس سانت فينسنت فتضم اجمل وافضل الشواطئ والمرافق الترفيهية في اوروبا فالرمال البيضاء لشواطئها البلورية نظيفة ونقية والمرافق الخاصة بالصيد والالعاب المائية والغولف جيدة ومجهزة بأفضل المعدات الحديثة وتعتبر ملاعب الغولف التي صممها هنري كوتون لمنتجع فيلامورا الرائع من اكبر ملاعب الغولف في اوروبا. وللاستحواذ على متعة قصوى ينصح بجولة بالسيارة على امتداد الساحل للمرور والاستمتاع بالمناظر الخلابة للقرى المنشورة على الطريق لمشاهدة مداخن الغارف المميزة وتبادل الحديث مع الصيادين ومراقبتهم اثناء تأديتهم لعملهم.

 

وتزين اشجار اللوز التي تزدهر في يناير وفبراير المنطقة وتنثر ارضها بالبتول البيضاء الجميلة اما المناخ في هذا الجزء من البرتغال فيضفي سحرا وجاذبية على سحرها ليزيدها فتنة ورونقا فالجو بشكل عام مريح وغير مزعج البتة والسكان ودودون والطعام ممتاز ويضفي ركوب الخيل سببا آخر لجعل الغارف من اكثر المناطق شعبية بين سياح اوروبا.

 

زيارة هذا الجزء الجنوبي من البرتغال لا يجب ان تقل عن اسبوع حتى يتسنى لك رؤية كل ما فيها والاستمتاع بجميع معالمها السياحية.. فالمقاطعة مليئة بالشواطئ الجميلة والبلدان الصغيرة المثيرة للاهتمام والمواقع التاريخية (فـــارو) ومن المناطق التي ينصح بزيارتها فارو عاصمة المقاطعة التي كانت تعرضت لزلزال مدمر في 1755 ولايزال جزء من البلدة القديمة موجود حتى الآن وهي تحتضن مطارا دوليا يعد الاكثر ازدحاما في البلاد وتقع على امتداد ساحلي صخري. وتضم فارو بعضا من المتاحف الممتازة والمعالم السياحية التاريخية الجميلة كالكنائس وبنيان يعود تاريخه الى الثامن عشر كما ان التسوق فيها ممتاز.

​

 

وهناك ايضا مدينة لولي التي تضم جدرانا واسوارا قديمة ومعالم سياحية عديدة لكن اكثر ما يميزها انها مدينة التسوق بامتياز لشراء الجلود والنحاس والحرف اليدوية. وفي صباح يوم السبت تشتعل لولي نشاطا حيث يقام اكبر سوق في المنطقة (البـــوفــيــرا) اما البوفيرا فهي بلدة شواطئها جميلة رائعة للمشي فوقها وتضم سوقا يومية جيدة ونواد ليلية وحلبة لمصارعة ال. وتعد هذه البلدة ضمن اكثر مناطق البرتغال ازدحاما بالسياح حيث تسمع كل اللغات فيها الا اللغة البرتغالية.

 

وتشتهر مدينة سيلفز القديمة بسورها المحيط بها وتوجد بها كاتدرائية يعود تاريخها الى القرن الثاني عشر كما يوجد ايضا قرية كالفوريو القديمة التي تشتهر بصيد السمك وفيها مرفأ رائع الجمال اما بورتيما فتعد احدى اكبر المدن في الغارف مأكولات طبيعية طازجة ولذيذة) المأكولات البرتغالية طبيعية وطازجة وحارة ودائما لذيذة. يتكون الفطور عادة من الخبز والبيكا bica (الاسبرسو). اما الوجبة الرئيسية فهي الغداء، الذي يبدأ عادة بعد الثانية عشرة والنصف ظهرا وتكون البداية مع طبق من الخبز والزبدة والزيتون ويطلق عليها اسم كوفيرت Couvert، فإذا لم ترغب بها فعليك ان تعلم النادل بذلك حتى لا يحتسب ثمنها. يلي «الكوفيرت» الحساء ثم طبق السمك او اللحم، ليأتي بعد ذلك دور الحلويات الممتازة والفواكه والمكسرات (اللوز). يبدأ العشاء عند الثامنة او التاسعة مساء، ويكون عادة نموذجا مصغرا عن الغداء.

​

​

معلومات أساسية عن البرتغال

• العاصمة: لشبونة

• الاقتصاد: الصناعة والزراعة والسياحة.

• اللغة: البرتغالية.

• عدد السكان: 10367000.

• الديانة: المسيحية (الروم الكاثوليك).

• رمز الاتصال الدولي: 351.

• البقشيش: البقشيش لسائقي التاكسي من 10% الى 15%. اما بالنسبة للفنادق والمطاعم، فإن معظمها يضمن فاتورته اجرة الخدمة، غير انه من التهذيب ترك بضع قطع نقدية على الطاولة في المطاعم.

• المناخ في البرتغال متنوع، ويختلف من منطقة الى اخرى، ويتأثر عموما بالمحيط الاطلسي. الاجواء في الساحل الجنوبي قريبة من اجواء البحر المتوسط، اما الجزء الشمالي، فهو اكثر عرضة لتساقط الامطار. افضل اوقات السنة لزيارة البلاد هي خلال الفترة من مايو الى يونيو ومن اواخر سبتمبر الى اكتوبر حيث لا يكون الجو حارا جدا رغم انه قد يكون بارد قليلا للاسترخاء على شاطئ البحر. وتكون فترات الانهار دافئة مع تساقط قليل من المطر، اما في فترات الليل فالامر يتطلب ارتداء سترة خفيفة. وفي الصيف، يكون الجو حارا على الشاطئ، اما الشتاء، فرطب وعاصف وغائم كثير الضباب وغير مناسب للذهاب الى الشاطئ