أنواع المدارس بتركيا
البحث عن المدارس و أنواعها و أسعارها وتفاصيلها , من أهم الخطوات التي تقوم بها الأسر العربية التي تخطط للإقامة في تركيا . .
و المدارس في تركيا بشكل عام تنقسم لثلاث أنواع رئيسية :
كما أن هناك خيارا آخر للدراسة و الاختبارات , و هو :
ونورد هنا بعضا من الفروقات الهامة بين هذه الاختيارات العديدة :
المدارس الحكومية :
-
مجانية
-
الدراسة باللغة التركية
-
حصيلة الطالب من اللغة الانجليزية تكون ضعيفة نوعا ما
-
غالبا ما تشترط وجود حد أدني من اللغة التركية لدي الطلاب ليتم القبول
-
منتشرة في ارجاء الجمهورية التركية
-
مستوي التعليم متوسط
-
مالم يكن للطالب لغة تركية جيدة , فسيكون الاستيعاب و الاستفادة قليلة
-
غالبا ما يشترطو وجود اقامة , وأحيانا يوافقو بوجود راندفو
-
باقي التفاصيل هنا
مدارس امام خطيب
-
مجانية
-
الدراسة باللغة التركية
-
حصيلة الطالب من اللغة الانجليزية تكون ضعيفة نوعا ما
-
تبدأ الدراسة من الصف الخامس الابتدائي
-
غالبا ما تشترط وجود حد أدني من اللغة التركية لدي الطلاب ليتم القبول
-
موجودة الي حد ما في ارجاء الجمهورية التركية
-
يتم اضافة عدد من العلوم الدينية الي المنهج الحكومي العادي
-
غالبا ما يشترطو وجود اقامة , وأحيانا يوافقو بوجود راندفو
-
باقي التفاصيل هنا
المدارس الخاصة
-
تتراوح مصاريفها من ألفين الي 10 الاف دولار سنويا
-
الدراسة باللغة العربية او الانجليزية
-
حصيلة الطالب من اللغة الانجليزية تكون قوية في المدارس الجيدة منها
-
لا توجد شروط للغة التركية , لكن قد يكون هناك شرط للغة الانجليزية في بعضها
-
موجودة غالبا باسطنبول وبعض الولايات التي بها العرب
-
بعضها بمستوي جيد و بعضها ضعيف المستوي
-
باقي التفاصيل هنا
الامتحان في السفارة
-
ذات مصاريف بسيطة
-
لا توجد دراسة أكاديمية , لكن علي الطالب أن يذاكر وحده و يقوم بالاختبار في السفارة
-
التحصيل العلمي يكون ضعيف غالبا
-
يتحتم علي احد الوالدين المذاكرة لابنه , او الاستعانة بالدروس الخاصة او المراكز التعليمية
-
يجب التوجد باسطنبول او انقرة وقت الامتحان
-
باقي التفاصيل هنا
وننقل هنا منشورا هاما من الاستاذة جنة , عن المدارس في تركيا
السلام عليكم ورحمة الله
كنت قولتلكم اني تكتب تجربتي مع اللف ع المدارس للي عايز يقدم لأولاده , هكتبلكم خلاصة ال وصلتله ..
أهم حاجة عايزين نتفق عليها أن كل واحد فينا ليه مبادئ ..
بمعنى .. في أولياء أمور أهم حاجة عندهم يعلموا ولادهم اللغة ثم اي حاجة تانية
في ناس تانية أهم حاجة عندها الفصل التام بين الذكور والإناث والتربية الإسلامية الصح والقران .. ثم اللغة
في ناس عندها أولوية اللغة العربية للمناهج .. وفي ناس عايزة تجمع الدين واللغة والسعر المتوسط ..
وناس بتحكمها المادة
وعليه أنا هحط مميزات ال شوفته في مدارس ومساؤي بعض المدارس ال قبل ما نقراها لازم كل واحد فينا يحدد هو عايز ايه وبالترتيب .. واقتراب ممكن يستغنى عنه مقابل وجود حاجة تانية .. تمام كدة ؟
طيب آخر نقطة في ناس حاطة ف دماغها ان خلاص هيستقروا هنا تماما مع ولادهم ومفيش مانع العيال تكبر ونتجوز اتراك ويقضوا باقي حياتهم هنا
وبالتالي الاختيار ده .. لازم مدارس تركي مافيهاش كلام ..
طيب لو بدأنا ب((((المدارس التركي)))) تتلاقى فيها تنوع .. في منهم أهم حاجة عنده الدين والقران والعلوم الشرعية زي مدارس الإمام الخطيب بس دي بتاخد من الصف الخامس الابتدائي ومجانية 100% ومستواها كويس جدا وناس كتير بتشكر فيها .. ودي عاملة زى التعليم الأزهري ف مصر
في نوع تاني من المدارس التركي وهو الأغلب ان التعليم كله تركي والاهتمام باللغات سواء العربي أو الإنجليزي قليل .وفيها كل الانشطة من رسم وفنون ورياضات. ودي بننصح بيها ال قدرته المادية متوسطة وناوي يستقر بنسبة كبيرة يدخل مدارس تركي مع تحفيظ قرآن خارج المدرسة على يد عرب وكورسات انجليزي برة المدرسة
بحيث تضمن ان ابنك قوي ف الإنجليزي والقرآن واللغة العربية ف البيت وتعليمه تركي ضمن عيشة ممتازة ف تركيا وشغل باللغة ومدرسة نضيفة ومنظمة
طيب نوع ثالث من المدارس التركي ال هي المدراس التركي الخاصة زي الفاتح كولاج ال كتبت عنها قبل كدة ودي مهتمين طبعا باللغة الآم التركية مستوى التعليم عادى جدا ونشاطات كتير وفطار وغدا وحمامات سباحة وكل الانشطة مع الاهتمام بتحفيظ القرآن واللغة الانجليزية ...
وبين كل حصتين 10 دقائق راحة واليوم الدراسي بينتهي الساعة 4 العصر ومصاريفها 14 الف ليرة يعني 4الاف ونص دولار تقريبا
طيب نيجي للمدارس الإنجليزي الاميريكان أو البرتش
هتلاقي عندك سفير ودي جودة تعليم بمصاريف مبالغ فيها الكي جي 6الاف دولار
وهتلاقي الفائز الدولية ودي مدرسة اردنية وأما دخلتها الصراحة.جميلة وعجبتني وفيها قسم عربي وقسم كامبردج لسة فاتح السنة دي القسم العربي مصاريفه 1500 دولار والكامبردج تقريبا 4الاف دولار ..
والموظفة.قالتلتي أنها فيها قرآن بس انا معرفش حد ولاده فيها حتى ال قابلتها ولادها ف كامبردج ونسيت أسألها
وفي المدرسة السورية الكندية بصراحة مازرتهاش لكن سمعت عنها
وفي مدرسة دار لقمان ودي من المدارس ال دخلت دماغي بس مشكلتها ف الترخيص هياخدوه السنة الجاية أما تتلخص اميريكان أو سوري معتمد من امريكا بس دي مدرسة.مصرية 100%
مهتمين جدا بالقرآن الكريم وال دين وفصل تام بين الذكور والإناث ومصاريفها حاليا 2500 ليرة والسنة الجاية بعد الترخيص هتكون أقصى حاجة زي ما الإدارة قالتلي 4 آلاف ليييرة يعني أقل من الف ونص دولار والتعليم كله انجليش ومادة لغة عربية وقرأن
نختم بمدرسة.رائعة عربية دولية لكن مش انجليش وهي المدرسة اليمنية الدولية اسمها Abjad Schools
دي منهاج يمني وهو مش سهل زي الليبي ولا صعب زي المصري .. منهج وسط بيطلع طالب فاهم وأنا شفت المناهج المصري والسعودي واليميني والليبي ودرستهم اهتمام كمان بالقرآن الكريم والعلوم الشرعية وفيها الانجليش كمادة إنما التعليم بالعربي ومصاريف الثانوي فيها حوالي 1700 دولار أو قريب من كدة والمنازل فيها 900 دولار
نيجي بقة للمدارس العربي
لو عايز تعلم ولادك تركي صح وهتدخلهم مدارس عربي لازم تديهم كورس برة والسبب ان المدارس العربي وخصوصا السوري بيقولك عندنا منهج عربي وتركي وانجليزي وبيدهم حاجات اي كلام ..
اه ممتازين ف العربي بس اللغات لا يعتمد عليهم .. خصوصا للتركي مفيش .. لأن لو الطالب. بقة كويس ف التركي هي روح مدرسة تركي تعليم انضف وارخص وهيسيب العربي وده ال هم مش عايزينه ده بالنسبة للغة عندهم
إنما كتدريس المنهج السوري حلو معتدل وقريب من المصري بس من جهة اعتماده معرفش لأن سمعت انه مش معتمد
دخلت مدرسة محمد الفاتح للموهوبين مدرسة كويسة ومصاريفها 3800ليرة للكيجي ودخلت القدس الشريف الحاجة الوحيدة الحلوة فيها الفصل التام بالنسبة لي غير كدة هي مستواها عادى جدا ومصاريفها ألف ونص دولار أكثر من مستواها .. وفي مدرسة الأوائل السورية ينطبق عليها قاعدة اللغة ان ممتازين ف العربي بس ومصاريفها 3000 ليرة
في مدارس عربية بقة غير السوري زي السعودي والليبي والسوداني
ولو ناوي تدخل حاجة.من دول أبعد تماما عن الليبي
مناهجهم سهلة اوفر .. يعني بياخدوا قشور المناهج المصري .. والطلبة تحس مش ف دماغهم التعليم اساسا والطبع الليبي فيه حتة كدة من تكبير الدماغ شوية .. الطبع ده لما يكون في طفل بيبقى صعب التعامل معاه ... غير كدة لما يجي يدخل كلية مش هيفهم حاجة لأنه واخد الاساسيات بس وبالعافية وأما شفت ودرست مناهجهم لحد البكالوريا
السوداني الوحيد ال شهادته معتمده من مصر كأنك اتعلمت ف مدرسة مصري وبصراحة مادخلتش المدرسة السوداني بس شوفت ع الفيس بس
ده اللي فاكراها دلوقتي .. ال عايز يعرف حاجة.يسأل ف كومنت .. وال أعرفه بس هرد عليه .. لأن بردو مهما كانت تجاربي مش ملمة بكل حاجة .. فال اعرفه بس هرد عليه عشان محدش يتسوح
بالتوفيق لكل ولادنا
ملاحظة في ناس بتخلي ولادها تمتحن في السفارة المصرية .. وهنا ف تركيا اما بتدخل مدرسة وتمتحن مرة ف المدرسة ومرة ف السفارة أو بتاخدها منازل وتمنحن نفس امتحانات مصر ف السفارة