تأشيرة الدراسة لتركيا
تأشيرة الدراسة للجمهورية التركية تتشابه مع تأشيرة السياحة في خطوات التقديم , إلا انه يزيد عليها ضرورة الحصول علي قبول جامعي . .
خطوات عمل الفيزا السياحية من هنا
بالطبع مع اعتبار أنه حين تقوم بالاتصال بالمكتب ستخبرهم أن التأشيرة لغرض الدراسة , وليس السياحة
أما القبول الجامعي , فتقوم بالحصول عليه من مراسلة الجامعات التركية , أو عبر التواصل مع مكاتب التقديم للجامعات
و ستجد في الصفحة العامة لتركيا , جزء كبير يختص بالدراسة الجامعية و فيه صفحات عديدة خاصة بالمعلومات عن الجامعات او مكاتب التقديم من هنا
و نقوم هنا بنقل منشور هام من العضو أحمد شاذلي , مع ملاحظة انه كتبه من فترة , وقبل نظام التقديم من مكتب تابع للسفارة
=================================
ان شاء الله هكلمكم عن تاشيره الطالب تاشيرة الدراسه الجامعيه
والتصريح الامني للطالب ((لتاشيره الدراسه الجامعيه))
ومعادله الشهاده denklik belgsi..ال مينفعش تعتب اي جامعه فتركيا كلها بدونها
*اول حاجه الاوراق المطلوبه :-
-
خطاب قبول جامعي من جامعه حكوميه او جامعه خاصه ((مجبتش سيره دراسه لغه لانها تختلف))
-
كشف حساب اجنبي(انجليزي) للوالد او للوالده ب اي مده عادي لا يشترط ٦ شهور لاننا طلاب،،انا افتكر كشف حسابي كان مدتو ٨ ايام يعني اسبوع،،بس كان اصلي وسليم مش مضروب،،وكان فيه عمليات سحب وايداع كتيره طوال ال ٨ ايام دول فعلا..وينفع تقدم اي اثبات ملكيه برضو ..عقد قطعه ارض عقد شقه عقد بيت وهكذا،،،انا كنت سلمت صوره من عقد بيتنا ك سند لكشف الحساب لانه مدته صغيره...
-
هتسلمو شهاده الثانويه وصوره البسبور ،،،انا شهادتي معموله ف تركيا ف سلمتها وسلمت صوره للبسبور برضه متنوتر ومتترجم ،،عايز تجيب بيان درجات وتوثقو ملخارجيه لمصريه وتترجمو انجليزي او تركي وتسلمو عادي برضو..
-
هتسلمو حجز طيران وهمي علي اي شركه و ف اي معاد متفرقش لان الورق دا بيتقطع اصلا،،،متحجزش فندق وهمي،،،الطالب مش مطلوب منه حجز فندق ابدا ..انا سلمت بدون حجز فندق،،،عايز تحجز عادي بس مش مطلوبه وبلسان الموظف نفسه
-
لو انت ولد الموظف فلقاهره هيطلب منك فيش جنائي موجه للسفاره التركيه بالقاهره((ورجع ناس عشانه))..لو بنت لا عادي مهيطلبش حاجه،،الكلام عن سفاره القاهره
-
تأمين طبي سياحي لدوله تركيا ويشترط يكون ٣ شهور من بدايه اول يوم ف مقابلتك للسفاره ((اي شركه مهتفرقش لاننا سمعنا العجب فلموضوع دا))
-
هتعمل اببليكيشن الحجز من ع الموقع بتاريخ متاخر جدا عادي زيك دي اي واحد سياحه داخل ياخد موعد وخدو متاخر،،،انت مثلا عملت اببليكيشن يوم ١٥/٨ و اقرب معاد ف ١٥/٩ ملكش دعوه بالمعاد،،،انت اما يكون ورقك كله جاهز تطلع علي الامن علباب تقله انا طالب وعايز اخد معاد استثنائي <إيكسبشن> هيدخلك للموظف والموظف هيختملك ختم ع الاببليكيشن ويقلك تعال بكره مقابله او بعد بكره بلكتير،،هتمضي الاقرار وتدخل وهو أسالته للطالب ملهاش لازمه هيقلك جامعه ايه ومدينه ايه وبس خلاص علي كدا المقابله،،،بخصوص مده الڤيزا الطبيعيه فلقاهره فيزا الطالب بتاخد من ٣٠ل ٣٢ يوم نقلا عن لسان الموظف،،في اسكندريه ٧ ايام وتستلمها،في ناس فلقاهره استلموها ف يومين وف اسبوع،،،بس دا بيبقا ف شهر ٩ بس عشان السفاره بتستعجل كل الفيزات حتي لو عاملها امبارح عشان اسبوع والدراسه هتبداف هتلاقيها طلعت،،،لكن لو قدمت ف شهر ٧ او ٨ هتلبس ال ٣٠ يوم يعني هتلبسهم
آخر حاجه معادله الشهاده Denklik Belgsi :-
دي اول و اهم حاجه ف التثبيت للجامعه ومتقدرش تثبت من غيرها وملهاش بديل...
ينفع تتعمل ف مصر ف الملحق التعليمي ف السفاره التركيه بالقاهره
وينفع تتعمل ف تركيا في بدل المكان مليون مكان تعملها فيه هنا بس الفرق فلوقت،،،فمصر هتخلص ف اسبوع فتركيا ٣ اسابيع اقل حاجه وفي ناس دخلت معاها فالشهر وشهر ونص والله بس عادي انت اما بتقدم عليها فتركيا بتاخد وصل وينفع تثبت قيدك فلجامعه بيه وتكتب اقرار انك هتجيب المعادله يوم كذا كذا،،،ريح دماغك واعملها فمصر عشان متتبهدلش ومتتكلفش،،ف مصر ببلاش لكن فتركيا هتكلفك
المهم الخطوات :-
شهاده الثانويه او بيان درجات او نجاح المهم تكون اصل وصوره وهتوثقها ملخارجيه+ صوره البسبور+اصل وصوره شهاده ميلادك وتكتب اسم والدتك علي ضهر صوره شهاده ميلادك كاملاً بالانجلش وصورتين شخصيتين ..وبتستلمها بعد اسبوع ان شاء الله
*انا شهادتي معموله فتركيا ف اتدبست فلمعادله علطول هيا وبسبوري معملتش الليله دي كلها ،،استنيت اربع تيام وخدتها< المعادله وتحتها الشهاده متنوتره مترجمه وتحتها البسبور متنوتر مترجم