في حالة أن سن المتقدم للفيزا يزيد عن خمس و اربعين سنة  , او يقل عن عشرين سنة , او في حالة أن المتقدم للفيزا لديه فيزا سارية  للولايات المتحدة أو الشنجن او انجلترا , , فيتم التقديم  علي فيزا الكترونية , من هنا 

​

أما في حالة أن المتقدم للفيزا عمره بين العشرين و الخمس واربعين  , ولا يملك فيزا شنجن او امريكا سارية , فعليه التقدم للحصول علي فيزا من السفارة  . . 

​

لتركيا عدد من أنواع التاشيرات وهي : 

​

• تأشيرة السياحة  (فردية و متعددة )

• تأشيرة الزيارة

• تأشيرة الطالب

​

​

تأشيرة الزيارة سنتكلم عنها بالتفصيل من هنا ​

​

وتأشيرة الطالب من هنا 

​

بالنسبة لتاشيرة السياحة لها نوعين , الفردية و المتعددة . . 

​

و يقصد بالفردية , دخول مرة واحدة للجمهورية التركية , وتكون صالحة لتسعين يوم , وتسمح بالدخول لمدة شهر أو أقل حسب المدة المطبوعة عليها 

​

و يقصد بالمتعددة , أنها تسمح لحاملها بدخول البلاد لمدة عام أو عامين , و تكون أقصي مدة كل مرة ثلاثون يوما

​

وإذا كنت تنوي عمل إقامة بتركيا , فيفضل الحصول علي تاشيرة فردية , حيث أن التأشيرات المتعددة يصعب استخراج الإقامة عليها 

​

و في الماضي كان يجب التقديم من السفارة نفسها , ,لكن مؤخرا صار التقديم حصرا من المكتب التابع للسفارة وهو مكتب MZVIZE بشارع مصدق بالدقي , وكذلك شارع فؤاد بالاسكندرية

​

و لحجز موعد , عليك التواصل مع المكتب اولا عبر موقعهم الالكتروني : 

http://mzvize.com/en/

​

أو عبر الاتصال برقمهم :   01551224206

​

و سيقومون بإخبارك بالورق المطلوب . 

​

و بشكل عام فإن الأوراق المطلوبة لفيزا سياحة هي : 

​

• حساب بنكي , بمبلغ جيد , ويكون فيه سحب و ايداع علي مدي كذا شهر

• ورقة HR التي توضح عملك , وتشمل مرتبك وطبيعة عملك وتاريخ التحاقك بالعمل ونموذج لها هنا

• تأين طبي خاص بالسفر (يتم عمله من نفس المكتب بشكل اجباري)

• حجز فندق و حجز طيران (قد يتم عمله بالمكتب , وقد تقوم بعمل الفندق من هنا و الطيران من هنا ) 

 

 

و راعي أن يكون توقيت حجز الفندق و الطيران و التأمين الصحي و تاريخ السفر متوافق بشكل كبير

​

فإذا كنت تخطط للسفر من يوم 1 اغسطس ل 12 أغسطس , فيجب أن يكون حجز الفندق و الطيران و التأمين الصحي و تاريخ السفر المكتوب في الأبليكاشن بنفس التاريخ 

​

و كتابة الأبليكشن تتم هناك في المكتب

​

و يكون هناك رسوم كالتالي : 

•  60 دولار رسوم الفيزا

• 30 دولار رسوم المكتب

• 15 دولار رسوم التأمين الصحي

​

فيكون المجموع 105 دولار , وهي غير مستردة في حالة الرفض 

​

وننقل تجربة لأحد الأعضاء مع هذا المكتب  : 

========================

​

​

تجربتى النهارده مع المكتب التابع للسفارة التركيه فى القاهرة ..

العنوان ٢١ ش محمد الغزالى متفرع من شارع مصدق بالدقى .

اقرب محطة مترو هى محطة البحوث فى خط الجيزة .. بتنزل من المحطه تخش اول شارع شمال اسمه محى الدين ابو العز ثم فى اول يمين شارع على نصيته بنك مصر و CIB بعد ماتدخل يمين بتخش ٤ شارع ع الشمال على ناصيته هارديز ثم ٤ عمارة ع اليمين   اظن مفيش اسهل من كده وصف .

بتدخل مبنى او فيلا كده و تحس انك فى سفارة فعلا مش مكتب ..تسلم الموبايل بره و تستلم رقم و بعدين بتدخل فى ٦ شبابيك لما يتنده عليك بتروح ..

كل اللى شغالين هناك بنات مصريات و معاملتهم بصراحه فى منتهى الاحترام و الذوق .. بتحط الورق بتاعك و بعد كده هى بتكلمك من تليفون من ورا الازاز كده زى فيلم عسل اسود 😃 بتراجع معاك البيانات بتسلمك ورقه بتمضى عليها و لو محتاج تعمل حجز طيران و فندق مبدئى هى بتعملهملك و بتخلص بتسلمك وصل بتروح تدفع عند الخزنه ١١٠ $ ولازم بالدولار مش بالمصرى و بتختملك الوصل و بتيجى بعد اسبوع تعرف النتيجه ..

ملحوظة : سواء اترفضت او اتقبلت المبلغ مش بتسترده تانى ..

الاوراق المطلوبة :

-باسبور صلاحيته لا تقل عن ٦ شهور ..
-صورتين خلفيه بيضا ٤ × ٦
-كشف حساب لاخر ٦ شهور
-خطاب من جهة العمل يفضل يكون مكتوب فيه المرتب و تاريخ التعيين و طبعا الوظيفه
-حجوزات الفندق و الطيران المبدئى و لو مش معاك هما بيعملوهم
- صورة الباسبور
-صورة التأشيرات القديمه او اى تأشيرات لاى دول تانيه

الابلكيشن البنت بتملاهولك و بتحطلك الصورة و بتعمل كل حاجه و بتقولك استريح بتستنى ١٠ دقايق و بترجعلها ع الشباك تانى ..

انا بظبط قعدت ساعه الا ربع جوه و كنت مخلص كل حاجه و مستلم الوصل ..

الخدمه بصراحه ممتازه و سريعه و منتهى الذوق و الاحترام

دعواتكم بس التأشيره تتقبل .

تحت امركم ف اى استفسار ..

تعديل : تم اضافة صورة للتكاليف كلها .. ١١٠ $