لو انت درست في كندا او عندك خبرة عملية او عندك قريب درجة اولي اختار من هنا , غير كدة اختار لا
دخل تاريخ ميلادك و مؤهلك الدراسي ايه
هيطلب منك تفاصيل اكتر عنك , الاسم الاول و الاخير و الايميل , ولازم يكون الايميل حقيقي لان هيتبعتلك عليك جواب القبول قدام
نيجي للنقطة الأخيرة دلوقتي , وهي الحساب البنكي . .
الحقيقة ان من ضمن عقبات الهجرة لكندا وجود حساب بنكي معقول , عشان يقنع الحكومة ان مستواك المادي معقول و انك انت و اسرتك مش هتروح هناك تطلب معونات في اول كام شهر علي الاقل
عشان كدة بيكون من ضمن الورق المطلوب حساب بنكي بما يساوي او ما يعادل الارقام اللي بيحددوها , بناء علي عدد افراد الاسرة
فانت لو اعزب بيكون مطلوب حساب بنكي ب 12 الف دولار كندي يعني حوالي 9700 دولار امريكي
ولو انت متجوز و مفيش اطفال يبقي الحساب المطلوب 15 الف دولار كندي
لو متجوز و معاك طفل يبقي 19 الف
متجوز و معاك طفلين يبقي 23 الف , وهكذا
و من اللينك ده هتشوف "التسعيرة" اللي عملاها الحكومة , للحساب البنكي المطلوب ليك , حسب عدد افراد اسرتك
و يفضل يكون الحساب علي مدي 3 او 6 شهور , مش من اول امبارح , عشان يتاكدو انها فلوسك حقيقي , واحيانا بيوافقو يكون فيه مستندات تملك عقار او عربية عشان تكمل المبلغ ده
الفلوس ديه انت مش هتدفعها لحد , بس يكون حساب بنكي يشوفوه عشان يتاكدو من حالتك المادية , ومن غيرها مفيش هجرة للاسف
كمان بعض المقاطعات بيكون من شروط قبولها ليك , ان يكون معاك حساب بنكي بنفس الارقام او ممكن اعلي شوية
فياريت تبدا تحوش من دلوقتي و ترتب نفسك , عشان اول ما يتفتح الباب تقدم فورا
كدة خلصنا الحلقة ديه , والمرة الجاية ان شاء الله هنتكلم عن ترشيح المقاطعات
لو انت كنت اخترت انك متجوز , هيسالك هل عايز مراتك تيجي معاك كندا , اختار ايوة , هيسالك بعدها هل هي كندية او مقيمة في كندا , قول لا
لو مراتك درست او اشتغلت في كندا اختار ايوة , غير كدة لا
لو كانت مراتك امتحنت ايلتس او تيف اختار ايوة , واكتب درجاتها , غير كدة لا
دلوقتي الاختبار انتهي , وهيطلعلك في نهايته هل انت مؤهل للهجرة لكندا بناء علي المعلومات ديه ولا لا لو قالك انت مؤهل هيظهرلك كود مكون من حروف و ارقام زي ده BC1357237229 , واللي هيكون الرقم الخاص بيك في ملف الهجرة عشان تفتحه
لو في نهاية الاختبار قالك انك غير مؤهل للهجرة , يبقي نقطك اقل من المطلوب , لازم تزود درجات الايلتس ليك او لمراتك , او تزود الفلوس اللي هتسافر بيها او سنين الخبرة و هكذا
وخلاص لو انت مؤهل , وورقك جاهز , دوس علي اللينك اللي اسمه Register to get a key , هتطلعلك الصفحة ديه اختار الزرار اللي تحت Contintue to GCKey
هتظهرلك الصفحة ديه اختار sign up من علي اليمين
دوس accept
اختار username
حدد كلمة سر قوية
اختار اسئلة و اجابات سرية عشان تعرف تعمل استرجاع لكلمة السر ليك اي وقت
دوس استمر
دوس موافق
هيطلب منك برضه اسئلة و اجابات سرية تانية
اختار express entry
هنا هيطلب منك الكود اللي جابهولك من شوية , دخله ودوس كونتينيو
هيقولك انت مقبول كمان مرة , قوله ماشي , وكمل , وبيانات اكتر عنك
هل انت متجوز ؟
هل مراتك هتيجي معاك كندا
دخل اسم و تاريخ ميلاد و نوع مراتك
هنا بقي توصل للمكان الأهم في الموقع زي الصورة ديه , انك هتلاقي شاشة كبيرة فيها كل التفاصيل عنك و عن مراتك و اولادك , الاسم بالكامل , رقم الباسبور , تاريخ الميلاد , درجات الايلتس , رقم معادلة الشهادة بالويس و كل الحوارات ديه
ادخل علي خانة خانة , وابدا دخل فيها كل التفاصيل عنك من غير اي لغبطة , وممكن اي وقت تعمل save and exit وتدخل في وقت تاني و تكمل بياناتك
كدة انت متشاف من الموقع و بقي ليك ملف حقيقي , و درجاتك هتكون معتمدة علي النقط اللي قلناها قبل كدة
و الميزة في الملف انك ممكن تعمله تعديل اي وقت , يعني مثلا انت امتجنت ايلتس مرة تانية و جبت رقم اعلي , ساعتها تدخل و تعدل الملف عشان نقطك تزيد و هكذا
الحلقة 8 : التسجيل في موقع الهجرة
التسجيل في الموقع
الحلقة الثامنة من سلسلة #الهجرة_لكندا_بالتفصيل_الممل
جميع الحلقات هتلاقيها هنا
....................................................................
ديه من أهم خطوات الهجرة لكندا , واللي قليل من اللي ماشيين في خطواتها وصلو ليها , الا وهي التسجيل في موقع الهجرة
نفتكر مع بعض نظام الهجرة بيكون عامل ازاي , الواحد اولا يجهز نفسه بتلات حاجات اساسية , اختبار الايلتس , ويجيب فيه 6666 علي الأقل زي ما قلنا في الحلقة 5 , وتقييم الشهادات زي ما قلنا في الحلقة 6 , وشهادات الخبرة زي ما قلنا في الحلقة 7
لو انت خلصت التلات حاجات دول , فانت جاهز انك تسجل في موقع الحكومة الكندية الخاص بالهجرة , واللي اول ما تسجل فيه بتبقي متشاف من ادارة الهجرة
و بعدين ؟ ؟
انت بناء علي سنك و سنين خبرتك و الايلتس بتاعك و غيره , بيكون ليك درجة معينة من 1200 , والدرجة ديه ممكن تعرفها من اللينك ده
اول ما بتسجل في الموقع بتدخل حاجة اسمها الـ Pool وده كأنه مكتب تنسيق كبير , فيه عشرات الالاف من المتقدمين للهجرة علي مستوي العالم
و كل اسبوع او اسبوعين , الموقع بيعمل اختيار لاعلي الارقام , وبيتم اختيارهم , وبناء علي يكمل ورقهم و يستلمو الفيزا خلال اشهر
و اقل رقم تم قبوله حتي الان 442 من 1200 , وكل فترة الرقم بيقل ,و ده مؤشر ايجابي , لان كل ما الرقم يقل , كل ما فرص المتقدمين تزيد للهجرة
انت ممكن تعرف اول باول عدد المتقدمين في الـ Pool كام واحد , وارقامهم كام , من اللينك ده
هتلاحظ ان الاغلبية اللي بين 350 و 400 , ودول محتاجين يزودو نقاطهم عشان يتقبلو
و الحاجة الأكيدة اللي بتزود نقطك و تخليك تتقبل , ما يسمي هجرة المقاطعات اللي هنتكلم عنها الحلقة الجاية
فدلوقتي هنعرف ازاي نسجل في الموقع
============================================
اول خطوة تخلي الموقع يشوف هل انت مؤهل ولا لا , ولو انت مؤهل الموقع هيديلك كود معين
افتح معايا الصفحة ديه ( ياريت من لاب او ديسكتوب مش من موبايل )
ودوس علي check your eligibility
هتطلعلك استمارة طويلة , فيها صفحات متتالية , الغرض منها انه يعمل اختبار اخير ليك عشان يشوف هل انت مؤهل للهجرة لكندا ولا لا , تعالي نشوفها صفحة صفحة
اول صفحة هتختار المقاطعة اللي انت مخطط تروحها , ولو مش مخطط ,اختار المقاطعة اللي انت مهتم بيها اكتر , لو مش عارف اختار اي حاجة
الصفحة اللي بعدها اختار اختبار اللغة اللي انت اختبرته ,ايلتس ولا تيف و لا سيلبب , اللي هو اختبار اللغة الكندي
لو اخترت ايلتس , هيجيبلك صفحة تحدد فيها تاريخ الاختبار كان امتي
بعدها دخل نتيجة اختبار الايلتس في الاربع اقسام
هيسالك هل امتحنت اي اختبار لغة تاني , اختار ايوة او لا زي هنا
السؤال في الصورة ديه عن هل اشتغلت في كندا قبل كدة ولا لا اغلبنا مدخلهاش قبل كدة , فاختار لا في السؤالين زي هنا
دلوقتي هيسالك في الصورة ديه علي الخبرة العادية في شغلك ( يكون كلام مطابق زي ما انت عملت في شهادات الخبرة) اختار عدد السنين من فوق , السؤال اللي تحته بيقولك لو كانت مهنتك مطابقة لاحد المهن ديه فاكتب عندك خبرة كام سنة فيها , طبعا ديه تعرفها عن طريق رقم النوك بمهنتك زي ما قلنا في الحلقة اللي فاتت هنا
هنا هيسألك هتعرف تجيب فلوس كام معاك لكندا , عشان يتاكد انك مش هتيجي تشحت , اختار المبلغ اللي هتعرف حتي تستلفه و انت مسافر , واكتب عدد افرد اسرتك , يعني انت لو عندك طفلين يبقي 4 , بس طبعا متكتبش الاب او الام او اخواتك ,انت لو اعزب يبقي 1
لو انت عندك عقد عمل في كندا اختار ايوة , غير كدة يبقي لا زي هنا