top of page
كل شئ عن تركيا
في الصفحة ديه مش هيكون فيها معلومة جديدة , لكن هنعمل تجميع وربط لكل المعلومات الواردة عن تركيا , الموجودة في الصفحة الرئيسية
==================================
أولا , قبل ما تسافر او تستقر في تركيا لازم يكون عندك معلومات كاملة عنها , ده غير ان لازم تقرا بعض النصايح المهمة قبل ما تيجي , كمان هنا فيه تجربة جميلة في تركيا
بعد كدة لازم تحدد انت هتيجي سياحة و لا دراسة و لا شغل و لا بزنس عشان تقدر تاخد الخطوة السليمة
قبل ما تفكر تيجي تشتغل , لازم تقرا كويس عن فرص العمل بتركيا عشان تحدد هتيجي ولا لا
لو انت جاي تدرس يبقي هتعمل فيزا طالب اما لو جاي سياحة او دراسة او شغل فلازم تجيب فيزا سياحة
خد بالك لو سنك فوق الـ 45 او تحت الـ 20 , او لو كان معاك شنجن او امريكا سارية فممكن تعمل فيزا الكتروني غير كدة لازم فيزا سياحة أو زيارة
طيب أعمل فيزا سياحة ولا زيارة ؟
لو كان عندك مهنة في الباسبور , وهتعرف تجيب برنت تامينات , يبقي خليك في فيزا السياحة , غير كدة يبقي لازم فيزا زيارة , وممكن تعمل تغيير المهنة لو تقدر
كمان متنساش ان لازم تعمل تصريح أمني لو سنك بين الـ 18 و ال 40
لو خلاص هرفت تجيب الفيزا و التصريح الأمني , ابدا احجز الطيران والفندق فورا عشان تسافر
ومتنساش تحمل عدد من تطبيقات الموبايل المهمة , وتحضر الملابس الشتوي لتركيا
==================================
لو انت بس ناوي تيجي سياحة و ترجع تاني , فممكن تحجز فندق , وتيجي تشوف اماكن سياحية جميلة وممكن من هنا تركب المواصلات
==================================
أما لو جاي بفيزا طالب عشان تدرس فالأول لازم تعرف أنواع الجامعات , وعوامل القبول , وتتعرف علي الجامعات التركية , او جامعات قبرص , وممكن تحتاج تذاكر السات او اليوس او التومر
ولو انت طالب متفوق ممكن تقدم في المنحة التركية , ولو انت خلصت البكاليريوس فممكن تتعرف علي تفاصيل الدراسات العليا
==================================
أما لو جاي تقيم و تشتغل , فالأول لازم تعرف ازاي تعمل إقامة سياحية , وتتعرف علي قانون الأجانب , و تعرف ازاي تجيب شقة في تركيا , وكيفية تغيير محل الإقامة
كمان محتاج تعرف ازاي تعمل حساب بنكي, وتعمل رخصة سواقة , وتركب المواصلات , و تعمل تتريك للتليفون ,والتقديم علي انترنت, وتعرف فين السفارة المصرية , وازاي تعمل توكيل, وتتعرف علي تكاليف المعيشة بشكل عام وازاي تحول فلوس من و الي مصر
لو انت هتتجوز في تركيا , فلازم تعرف خطوات الزواج , وتسجيل المواليد الجدد
كمان وارد تحتاج محامين اتراك , او تحسب تستفسر عن فيزا الشنجن من تركيا
وخد بالك لو هتشتغل بشكل رسمي فلازم تعرف ازاي تعمل اذن عمل , و بعدها اقامة عمل
ولو انت طبيب بشري أو أسنان أو مهندس فلازم تعرف ازاي تعادل شهادتك و تشتغل بيها
==================================
ولو انت جاي بتفكر في شراء عقار , فلازم تتعرف علي الاستثمار العقاري في تركيا , و ايه هي انواع العقارات وكل شئ عن الضرائب العقارية , وتقرا النصايح ديه , وأخيرا ازاي تعمل اقامة عقارية
==================================
أما لو جاي بتفكر تعمل بزنس , فالأول اعرف ازاي تأسس شركة , بعدها اقرا عن الاقتصاد التركي , والمشاريع المناسبة فيها , هنا فيه أفكار استثمارية جميلة , والضرائب , والاستيراد و التصدير وتفاصيل التخليص الجمركي
==================================
لو عندك اولاد في مدارس , فلازم تعرف ايه هي انواع المدارس في تركيا , و الفرق بين المدارس الحكومية , ومدارس امام خطيب , والمدارس الخاصة , والامتحان في السفارة
==================================
اللغة التركية من الحاجات الأساسية اللي من غيرها هتلاقي حاجات كتير واقفة معاك , ممكن تعمل فكرة دروس خاصة في اللغة التركية , او تشوف فيديوهات تعليمية , او تحمل تطبيقات موبايل , كمان لازم تعرف ايه هو منهج التومر , و مراكز التعليم في مصر و تركيا , ومعهد "اسمك"
==================================
كمان لازم تعرف كل شئ عن المستشفيات الحكومية , والخاصة , والعيادات العربية والصيدليات , و تطعيم الأطفال
bottom of page